மத்திய சாலைப் போக்குவரத்து, நெடுஞ்சாலைகள் மற்றும் கப்பல் போக்குவரத்துத் துறை அமைச்சர் நிதின் கட்கரி மற்றும் மகாராஷ்டிரா முதலமைச்சர் தேவேந்திர ஃபட்னாவிஸ் ஆகியோர் ஆசியாவின் மிகப்பெரிய "பதஞ்சலி மெகா உணவு மற்றும் மூலிகை பூங்காவை" நேற்று (மார்ச் 09) நாக்பூரில் திறந்து வைத்தனர்.
இந்த திறப்பு விழாவில் பாஜகவின் தேசிய இணை அமைப்புச் செயலாளர் சிவபிரகாஷ், பதஞ்சலி உணவுகள் லிமிடெட்டின் மேலாண்மை இயக்குநர் ராம்பஹாரத், என்.பி. சிங், பேராசிரியர் சாத்வி தேவ்பிரியா, சகோதரி அன்ஷுல், சகோதரி பருல், சுவாமி பர்மார்த் தேவ், விதர்பா மற்றும் மகாராஷ்டிராவைச் சேர்ந்த ஏராளமான விவசாயிகள், பதஞ்சலி மகிளா யோகா சமிதி மற்றும் பதஞ்சலி யோகபீடத்தின் பல்வேறு அமைப்புகளின் உறுப்பினர்கள் கலந்து கொண்டனர்.
பதஞ்சலியில் உணவு மற்றும் முலீகை பூங்கா
பதஞ்சலி நிறுவனத்தின் இந்த உணவு மற்றும் மூலிகை பூங்கா, இந்தியாவின் பழங்கள் மற்றும் காய்கறிகள் பதப்படுத்துதலுக்கான முக்கிய மையமாக மாற இருக்கிறது. மேலும், ஆசியாவின் மிகப்பெரிய ஆரஞ்சு மற்றும் பிற சிட்ரஸ் பழங்களை பதப்படுத்தும் மையமாக உருவாக உள்ளது. பதஞ்சலியின் இந்த மெகா உணவு மற்றும் மூலிகை பூங்கா, விவசாயத்தை மேம்படுத்துவதோடு மகாராஷ்டிராவின் விதர்பாவை பெரிய உற்பத்தி மையமாக மாற்றி விடும். இதனால், அங்கு பொருளாதாரம் வளர்வதோடு, அங்கிருக்கும் மக்களின் வாழ்க்கை மேம்படவும் வாய்ப்புள்ளது.
விவசாயிகள் இனி தற்கொலை செய்துக்கொள்ள மாட்டார்கள்
திறப்பு விழாவில் பேசிய நிதின் கட்கரி, நாக்பூரின் மிஹானில் ஒரு பழ பதப்படுத்தும் தொழிற்சாலையை அமைத்ததற்காக ராம்தேவ் மற்றும் ஆச்சார்யா பாலகிருஷ்ணா ஆகியோருக்கு நன்றி தெரிவித்தார். தொடர்ந்து பேசிய அவர், பதஞ்சலி உணவுப் பூங்கா மேம்பட்ட தொழில்நுட்பத்தை ஒருங்கிணைத்து, விவசாயிகளுக்கு மிகவும் தேவையான நிவாரணத்தை வழங்குவதோடு, இளைஞர்களுக்கு வேலைவாய்ப்புகளையும் உருவாக்குகிறது.
விதர்பாவில் 10,000 க்கும் மேற்பட்ட விவசாயிகள் நிதி நெருக்கடி மற்றும் தங்கள் விளைபொருட்களுக்கு நியாயமான விலை கிடைக்காததால் தற்கொலை செய்து கொண்டுள்ளனர். இந்த மெகா உணவுப் பூங்காவை அமைக்க ராம்தேவின் முடிவு இப்பகுதி விவசாயிகளுக்கு புதிய நம்பிக்கையை அளித்துள்ளது. முன்னதாக, சிறிய அளவிலான ஆரஞ்சுகள் ஒரு கிலோவுக்கு ரூ. 12க்கு விற்கப்பட்டன, ஆனால் பதஞ்சலி இப்போது ஒரு கிலோவுக்கு ரூ. 18க்கு கொள்முதல் செய்வதை உறுதி செய்துள்ளது, இது விவசாயிகளுக்கு சிறந்த வருமானத்தை உறுதி செய்கிறது.
தினசரி 800 டன் ஆரஞ்சு தேவையுடன், விவசாயிகள் தங்கள் உற்பத்தியை அதிகரிக்க ஊக்குவிக்கப்படுகிறார்கள். ஆரஞ்சு, எலுமிச்சை, இனிப்பு எலுமிச்சை மற்றும் பிற சிட்ரஸ் பழங்களின் உற்பத்தியை அதிகரிப்பதற்கான வழிகளிலும் அக்ரோ விஷன் செயல்பட்டு வருகிறது. தற்போது, நாக்பூர் ஒரு ஏக்கருக்கு 4 முதல் 5 டன் ஆரஞ்சு உற்பத்தி செய்யப்படுகிறது. மேலும் இந்த விளைச்சலை ஏக்கருக்கு 25 முதல் 30 டன்களாக அதிகரிப்பதே இலக்கு. மத்திய அரசு மற்றும் பதஞ்சலியின் இந்த கூட்டு முயற்சியால் விதர்பா விவசாயிகள் இனி தற்கொலைக்கும் தள்ளப்பட மாட்டார்கள் என்று அவர் நம்பிக்கை தெரிவித்தார்.
விவசாயிகளின் கஷ்டம் நீங்கும்
தொடர்ந்து பதஞ்சலி ஆயுர்வேத லிமிடெட்டின் நிர்வாக இயக்குநர் ஆச்சார்யா பாலகிருஷ்ணா பேசுகையில், இந்த திட்டம் பூஜ்ய சுவாமி ஜி மகாராஜின் தொலைநோக்குப் பார்வை, மகாராஷ்டிரா மீதான முதலமைச்சர் தேவேந்திர ஃபட்னாவிஸின் ஆழ்ந்த உணர்திறன், அர்ப்பணிப்பு மற்றும் அரசியல் எதிரிகள் இல்லாத தலைவரான நிதின் கட்காரியின் இடைவிடாத அர்ப்பணிப்பு ஆகியவற்றை உள்ளடக்கியது. அவர் விதர்பாவின் விவசாயிகளை மேம்படுத்துவதில் அசைக்க முடியாத உறுதியைக் கொண்டுள்ளார்.
விதர்பாவைப் பற்றி நினைக்கும் போது, பெரும்பாலும் நினைவுக்கு வரும் பிம்பம் உதவியற்ற, துயரமடைந்த மற்றும் தற்கொலைக்கு ஆளாகும் விவசாயிகளின் பிம்பமாகும்.நாக்பூரில் உள்ள இந்த ஆரஞ்சு பதப்படுத்தும் பிரிவு, விவசாயிகளிடையே வறுமை மற்றும் விரக்தியை நீக்குவதற்கான உறுதியான தீர்மானத்துடன் நிறுவப்பட்டுள்ளது. இந்த முயற்சி, பிராந்திய விவசாயிகளை நீண்ட காலமாகப் பாதித்து வரும் கொடூரமான யதார்த்தத்தை மாற்றுவதை நோக்கமாகக் கொண்டுள்ளது. இந்த மாற்றம் விரைவில் தெரியும். விதர்பாவிற்கு புதிய நம்பிக்கையையும் செழிப்பையும் கொண்டு வரும் என்று நாங்கள் உறுதியாக நம்புகிறோம் எனத் தெரிவித்தார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
Add Zee News as a Preferred Source
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
