சோனியா காந்தியின் சொத்து மதிப்பு எவ்வளவு தெரியுமா?

சோனியா காந்தி தாக்கல் செய்துள்ள ராஜ்யசபா தேர்தல் வேட்புமனுவில் தனது சொத்து மதிப்புகளையும் தாக்கல் செய்துள்ளார்.

முதல்முறையாக அவர் லோக்சபா தேர்தலில் போட்டியிடாமல் ராஜஸ்தானில் இருந்து ராஜ்யசபா தேர்தல் மூலம் நாடாளுமன்றத்துக்கு போட்டியிடுகிறார்.

தனது உடல்நிலை மற்றும் வயது காரணமாகவே லோக்சபா தேர்தலில் போட்டியிடப் போவதில்லை என்று தெரிவித்துள்ளார்.

அவரது வேட்புமனுவுடன் இணைக்கப்பட்ட அவரது பிரமாணப் பத்திரத்தில் கூறப்பட்டுள்ள சொத்து மற்றும் நிதி விவரங்கள் இப்போது இணையத்தில் பரவி வருகிறது.

சோனியா காந்தியிடம் இப்போது ரொக்கமாக ரூ.90,000 உள்ளதாகக் கூறப்பட்டுள்ளது. மேலும், அவரது மொத்த சொத்து மதிப்பு ரூ. 12.53 கோடி

கடந்த 2014ஆம் ஆண்டில் அவரது சொத்து மதிப்பு 9.28 கோடி, 2019-ல் 11.82 கோடி. இப்போது 2024-ல் அது ரூ.12.53 கோடியாக அதிகரித்துள்ளது.

சோனியா காந்தியிடம் இருக்கும் அசையும் சொத்துகளின் மதிப்பு ரூ. 6.38 கோடியாக இருக்கிறது.

இதில் நகைகள், ஆக்ஸ்போர்டு பல்கலைக்கழகத்தின் ராயல்டி, முதலீடுகள், முதலீட்டுப் பத்திரங்கள், வங்கி வைப்புத்தொகை மற்றும் ரொக்கம் ஆகியவை அடக்கம்.

குறிப்பாக அவரிடம் உள்ள நகைகளின் மதிப்பு மட்டும் ரூ. 1.07 கோடி. ரூ.49.95 லட்சம் மதிப்பிலான 1.3 கிலோ தங்கம் மற்றும் ரூ.57.2 லட்சம் மதிப்பிலான 88 கிலோ வெள்ளி வைத்திருக்கிறார்.

சோனியா காந்திக்கு இத்தாலி நாட்டிலும் பரம்பரை சொத்துக்களில் பங்கு இருக்கிறது. அங்குள்ள இவரது சொத்து மதிப்பு தற்போது ரூ. 26.83 லட்சம்