ரிசர்வ் வங்கியின் ரெப்போ விகித குறைப்புக்கும் பிறகு வட்டி விகிதங்களைக் குறைப்பதன் மூலம் வாடிக்கையாளர்களுக்கு குறைந்த வட்டியில் கடன்களை வழங்கும் 5 வங்கிகளைப் பற்றி அறிந்து கொள்ளலாம்.
பஞ்சாப் நேஷனல் வங்கி, பாங்க் ஆஃப் இந்தியா, உள்ளிட்ட சில வங்கிகளில் கடன் வாங்கியுள்ள வாடிக்கையாளர்களுக்கு ஒரு நல்ல செய்தி உள்ளது. இந்திய ரிசர்வ் வங்கி (RBI) சமீபத்தில் ரெப்போ விகிதத்தை 0.50% குறைத்த பிறகு, இந்த வங்கிகள் தங்கள் வீடு, வாகனம் மற்றும் தனிநபர் கடன்களுக்கான வட்டி விகிதங்களையும் குறைத்துள்ளன. வாடிக்கையாளர்கள் இதன் நேரடிப் பலனைப் பெறுவார்கள். அதாவது EMI முன்பை விட குறைவாக இருக்கும். இதன் மூலம் நீங்கள் நிறைய பணத்தை சேமிக்கலாம்.
EMI தொகை குறையும் வாய்ப்பு
பிப்ரவரி 2025 முதல் ரெப்போ விகிதம் மொத்தம் 1% குறைக்கப்பட்டுள்ளது. ஜூன் 7 அன்று ரிசர்வ் வங்கி ரெப்போ விகிதத்தை 5.5% என்ற அளவிற்கு குறைத்தது. இதன் பிறகு, வங்கிகள் தங்கள் வாடிக்கையாளர்களுக்கு வீட்டு கடன்களை குறைவான வட்டியில் வழங்குகின்றன. அதோடு பழைய கடன்களின் EMI தொகையும் குறைக்கப்பட்டுள்ளன. புதிய வீட்டுக் கடன் வாங்க நினைப்பவர்களுக்கும், இது சரியான நேரமாக இருக்கலாம், ஏனெனில் வட்டி விகிதங்கள் குறைக்கப்பட்ட பிறகு, கடன் வட்டி விகிதங்கள் முன்பை விட குறைந்துவிட்டது.
பழைய கடன்களுக்கும் அதிக நன்மை
உங்கள் வீட்டுக் கடன் எடுத்து பல காலம் ஆகியிருந்தால், இந்த முறை நீங்கள் அதிக நன்மையைப் பெறலாம். ரிசர்வ் வங்கி ரெப்போ விகிதத்தை 0.50% குறைத்த பிறகு, பல அரசு வங்கிகள் வட்டி விகிதங்களைக் குறைத்துள்ளன. முன்பு, பொதுவாக புதிய வாடிக்கையாளர்கள் மட்டுமே குறைந்த வட்டி விகிதத்தின் பலனைப் பெறுவார்கள், ஆனால் இந்த முறை வங்கிகள் பழைய வாடிக்கையாளர்களுக்கான வட்டி விகிதங்களையும் வங்கிகள் மாற்றியுள்ளன. பல வங்கிகள் பழைய வீட்டுக் கடன்களுக்கு விதிக்கப்படும் கூடுதல் கட்டணத்தையும் குறைக்கின்றன.
ரிசர்வ் வங்கியின் ரெப்போ விகித குறைப்புக்கும் பிறகு வட்டி விகிதங்களைக் குறைப்பதன் மூலம் வாடிக்கையாளர்களுக்கு குறைந்த வட்டியில் கடன்களை வழங்கும் 5 வங்கிகளைப் பற்றி அறிந்து கொள்ளலாம்.
1. பஞ்சாப் நேஷனல் வங்கி (PNB) அதன் ரெப்போ இணைக்கப்பட்ட கடன் விகிதத்தை (RLLR) 8.85% என்ற அளவிலிருந்து 8.35% ஆகக் குறைத்துள்ளது. இப்போது பஞ்சாப் நேஷனல் வங்கியில் வீட்டுக் கடன் வாங்குபவர்களுக்கு 7.45% முதல் தொடங்கும் வட்டி விகிதத்தில் கடன் கிடைக்கும். உங்கள் EMI அடதற்கு ஏற்ப குறையும். அதே நேரத்தில், கார் கடனும் ஆண்டுக்கு 7.80% என்ற வட்டி விகிதத்தில் கிடைக்கும்.
2. பாங்க் ஆஃப் இந்தியாவும் அதன் RLLR விகிதத்தை 8.85% இலிருந்து 8.35% ஆகக் குறைத்துள்ளது. இந்த முடிவு ஏற்கனவே உள்ள மற்றும் புதிய வாடிக்கையாளர்களுக்கு நிவாரணம் அளிக்கும்.
3. UCO வங்கி MCLR அளவை 10 அடிப்படை புள்ளிகள் குறைத்துள்ளது. இது ஜூன் 10 முதல் அமலுக்கு வருகிறது. ஓவர் நைட் MCLR விகிதம் இப்போது 8.15%, ஒரு மாத 8.35%, மூன்று மாதங்கள் 8.50% விகிதம், ஆறு மாதங்கள் 8.80% விகிதம் மற்றும் ஒரு வருடம் 9.00% விகிதம் என்ற அளவில் உள்ளது.
4. பாங்க் ஆஃப் பரோடாவும் தேர்ந்தெடுக்கப்பட்ட கடன் காலங்களுக்கு அதன் ரெப்போ இணைக்கப்பட்ட கடன் விகிதத்தில் (RLLR) 50 அடிப்படை புள்ளகள் குறைப்பதாக அறிவித்துள்ளது. இதன் பிறகு, வங்கியின் வலைத்தளத்தில் வீட்டுக் கடனின் ஆரம்ப வட்டி விகிதம் 8% எனக் குறிப்பிடப்பட்டுள்ளது, ஆனால் புதிய குறைப்புக்குப் பிறகு விகிதங்கள் புதுப்பிக்கப்பட்டதா இல்லையா என்பது தெளிவாகத் தெரியவில்லை.
5. HDFC வங்கியும் அதன் அனைத்து கடன் காலங்க MCLR ஐ 10 புள்ளிகள் குறைத்துள்ளது. இப்போது ஓவர் நைட் மற்றும் ஒரு மாத விகிதங்கள் 8.90% ஆகவும், மூன்று மாதங்களுக்கான விகிதங்கள் 8.95% ஆகவும், ஆறு மாதங்கள் முதல் மூன்று ஆண்டுகள் வரையிலான விகிதங்கள் 9.05% முதல் 9.10% வரையிலும் இருக்கும்.
EMI தொகை எவ்வாறு குறைக்கப்படும்?
உங்கள் கடன் ரெப்போ விகிதத்துடன் இணைக்கப்பட்டிருந்தால், அதாவது RLLR அடிப்படையில், EMI தொகை குறைக்கப்பட்டு நேரடியாக நன்மையைப் பெறுவீர்கள். வங்கியே உங்கள் EMI அளவைக் குறைக்கும் அல்லது கடன் காலத்தைக் குறைக்கும், இருப்பினும், இ எம் ஐ தொகையை குறைக்காமல், கடன் காலத்தை குறைக்கும் படி வாடிக்கையாளர்க்கள் வங்கியிடம் கோரலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)