Digilocker... கணக்கை திறக்கும் முறை... எந்த வகையான ஆவணங்களை சேமிக்கலாம்?

காகிதமில்லா பணி முறையை மேம்படுத்துவதற்காக மத்திய அரசு 2015ம் ஆண்டு டிஜிலாக்கரைத் தொடங்கியது. டிஜிலாக்கர் (DigiLocker) என்பது இந்திய அரசின் இணையதளம், அதில் உங்கள் கணக்கைத் திறப்பதன் மூலம், உங்கள் முக்கியமான ஆவணங்களின் மென் நகல்களை அதில் சேமிக்கலாம். இதைப் பயன்படுத்துபவர்கள் வாகனப் பதிவுச் சான்றிதழ், ஓட்டுநர் உரிமம் போன்ற முக்கிய ஆவணங்களை, காகித வடிவில் தன்னுடன் எடுத்துச் செல்ல வேண்டியதில்லை. அவர்கள் இந்த ஆவணங்களை டிஜிலாக்கரில் சேமிக்கலாம் மற்றும் தேவைப்படும்போது அவற்றை எளிதாக எடுத்துக் காட்டலாம்.

Add Zee News as a Preferred Source

டிஜிலாக்கர் உதவியுடன், ஆதார் அட்டை, ஓட்டுநர் உரிமம் போன்ற முக்கிய ஆவணங்களை உங்களுடன் எடுத்துச் செல்வது எளிதாகும். ஆவணங்கள் தொலைந்துபோகும், திருடப்படும், நனைந்துவிடும் அல்லது கிழிந்துவிடும் என்ற அச்சம் இல்லை. ஆனால் சில ஆவணங்களை டிஜிலாக்கரில் சேமித்து வைக்க முடியாது

டிஜிலாக்கரில் சேமிக்க முடியாத ஆவணங்கள் எவை?

நீங்கள் முக்கியமாக அரசாங்க ஆவணங்களை டிஜிலாக்கரில் வைத்திருக்கலாம். அதாவது உங்கள் தனிப்பட்ட ஆவணங்கள் மற்றும் அங்கீகரிக்கப்படாத ஆவணங்களை அதில் வைத்திருக்க முடியாது. எடுத்துக்காட்டாக, நீங்கள் தனியார் நிறுவனங்களின் ஒப்பந்தங்கள், தனிப்பட்ட ரசீதுகள் அல்லது எந்த வகையான முறைசாரா ஆவணத்தையும் வைத்திருக்க முடியாது. இது தவிர, அரசு அங்கீகாரம் பெற்ற நிறுவனத்தால் வழங்கப்படாத எந்த ஆவணத்தையும் டிஜிலாக்கரில் வைத்திருக்க முடியாது.

இதுமட்டுமின்றி, உங்கள் வங்கி கணக்கு, ஏடிஎம் பின், கிரெடிட் கார்டு விவரங்கள் போன்ற முக்கியமான தகவல்களை அதில் வைக்க முடியாது. டிஜிலாக்கரில் கையால் எழுதப்பட்ட ஆவணங்களை கூட உங்களால் சேமிக்க முடியாது.

டிஜிலாக்கரில் எந்த ஆவணங்களை வைத்திருக்கலாம்?

டிஜிலாக்கரில் நீங்கள் வைத்திருக்கக்கூடிய ஆவணங்களில் உங்கள் ஆதார் அட்டை, பான் கார்டு, வாகனப் பதிவுச் சான்றிதழ், ஓட்டுநர் உரிமம், பள்ளி 10 மற்றும் 12வது மதிப்பெண் பட்டியல், வாக்காளர் அடையாள அட்டை, சொத்து வரி ரசீது மற்றும் பிற ஆவணங்கள் அடங்கும். டிஜிலாக்கரில் 1ஜிபி வரை டேட்டாவைச் சேமிக்கலாம்.

டிஜிலாக்கரில் பதிவு செய்வது எப்படி?

டிஜிலாக்கரில் பதிவு செய்ய, கீழே கொடுக்கப்பட்டுள்ள வழிமுறைகளைப் பின்பற்றவும்:

1. டிஜிலாக்கரின் அதிகாரப்பூர்வ இணையதளத்திற்குச் செல்லவும்.

2. உங்கள் மொபைல் எண்ணை உள்ளிட்டு "Continue" என்பதைக் கிளிக் செய்யவும்.

3. உங்கள் மொபைல் எண்ணில் பெறப்பட்ட OTP ஐ உள்ளிட்டு "Verify" பொத்தானை அழுத்தவும்.

4. உங்கள் பயனர்பெயர் மற்றும் கடவுச்சொல்லை அமைக்கவும்.

5. இப்போது உங்கள் டிஜிலாக்கர் கணக்கு உருவாக்கப்பட்டது.

6. சேவையை செயல்படுத்த, உங்கள் 12 இலக்க ஆதார் எண்ணை உள்ளிட்டு "Submit" என்பதைக் கிளிக் செய்யவும்.

7. உங்கள் ஆதாருடன் இணைக்கப்பட்ட மொபைல் எண்ணில் OTP வரும். செயல்முறையை நிறைவு செய்ய ஓடிபி எண்ணை உள்ளிடவும்.

8. இப்போது நீங்கள் உங்கள் DigiLocker கணக்கில் உள்நுழைந்து சேவையைப் பெறலாம்.

டிஜிலாக்கர் செயலியை பயன்படுத்தலாம்

DigiLocker செயலி Android மற்றும் iOS இயங்குதளங்களில் கிடைக்கிறது. Google Play Store அல்லது Apple App Store இலிருந்து பதிவிறக்கவும். செயலி மூலம் ஆவணங்களை பதிவேற்றலாம் அல்லது அணுகலாம். டிஜிட்டல் சான்றிதழ்களை பகிர்ந்து கொள்ளும் வசதியும் உள்ளது. பாதுகாப்பிற்காக 4 இலக்க பின் எண்னை அமைக்கலாம். உங்கள் ஆவணங்களைப் பாதுகாப்பாக வைத்திருக்கலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!