 "வீட்டுக்கடன் வாங்க பிளானா... லட்சக்கணக்கில் பணத்தை மிச்சப்படுத்த 5 டிப்ஸ்")
சொந்த வீடு வாங்குவது என்பது வாழ்க்கையின் மிகப்பெரிய மற்றும் அழகான கனவுகளில் ஒன்றாகும். எனினும், இதில் உணர்ச்சிப் பூர்வமான முடிவை எடுக்காமல், முழுமையான திட்டமிடலுடன், நன்கு யோசித்த பிறகு நீங்கள் ஒரு வீட்டை வாங்க வேண்டும். ஏனெனில் இந்த விஷயத்தில் செய்யப்படும் சிறிய தவறுகள் எதிர்காலத்தில் உங்களுக்கு அதிக இழப்பை ஏற்படுத்தும். நீங்கள் முதல் முறையாக வீடு வாங்கப் போகிறீர்கள் என்றால், சில விஷயங்களை நன்கு புரிந்து கொள்ளுங்கள், இவை உங்களுக்கு உதவியாக இருக்கும்.
வீட்டுக் கடன் உங்கள் வீட்டின் கனவை நனவாக்குவதில் மிகப் பெரிய பங்கு வகிக்கிறது, ஆனால் அதை புத்திசாலித்தனமாக எடுத்துக்கொள்வது மிகவும் முக்கியம். உங்களிடம் நல்ல கிரெடிட் ஸ்கோர் இருந்தால், வங்கிகள் உங்களுக்கு சொத்து மதிப்பில் 90% வரை கடனை வழங்கலாம். ஆனால் இங்குதான் நீங்கள் புத்திசாலித்தனமாக இருக்க வேண்டும். லட்சக்கணக்கில் பணத்தை மிச்சப்படுத்த நீங்கள் மனதில் கொள்ள வேண்டிய விஷயங்களை அறிந்து கொள்ளலாம்.
உங்கள் EMI சுமையைக் குறைத்து லட்சக்கணக்கில் பணத்தை சேமிக்கலாம்
வீடு வாங்கும் போது உங்கள் பாக்கெட்டிலிருந்து குறைந்தது 20-30% முன்பணம் செலுத்த முயற்சிக்கவும். இது உங்கள் EMI சுமையைக் குறைக்கும், மேலும் நீண்ட காலத்திற்கு லட்சக்கணக்கான ரூபாய் வட்டியைச் சேமிக்க முடியும். கடனை இறுதி செய்வதற்கு முன், 4-5 வங்கிகளின் வட்டி விகிதங்கள் மற்றும் விதிமுறைகளை ஒப்பிட்டுப் பாருங்கள். 2025 ஜூன் மாதத்தில் இந்திய ரிசர்வ் வங்கி (RBI) ரெப்போ விகிதத்தை 50 அடிப்படை புள்ளிகள் (bps) குறைத்த பிறகு, பல வங்கிகள் வீட்டுக் கடன் வட்டி விகிதங்களைக் குறைத்துள்ளன என்பது குறிப்பிடத்தக்கது.
இன்றைய சம்பளத்தை மட்டும் பார்க்காதீர்கள், நாளைய சம்பளத்தையும் பாருங்கள்
இன்றைய சம்பளத்தைப் பார்த்து வீடு வாங்க முடிவு செய்யாதீர்கள். வரும் ஆண்டுகளில் உங்கள் வருமானம் எவ்வளவு அதிகரிக்கும், உங்கள் செலவுகள் எவ்வளவு அதிகரிக்கலாம் என்பதைப் பற்றி சிந்தியுங்கள். வீட்டின் செலவில், EMI-க்கு மட்டும் அல்ல, பராமரிப்பு கட்டணம், சொத்து வரி, தண்ணீர்-மின்சார பில்கள் மற்றும் வீட்டின் சிறிய பழுதுபார்ப்பு போன்ற செலவுகளும் உங்கள் சம்பளத்திலிருந்து செலுத்தப்பட வேண்டும் என்பதை நினைவில் கொள்ளுங்கள். உங்கள் வீட்டுக் கடன் EMI உங்கள் மாதாந்திர டேக் ஹோம் சாலரியில் 35-40% என்பதை விட அதிகமாக இருக்கக்கூடாது என்பதை எப்போதும் உறுதிப்படுத்திக் கொள்ளுங்கள்.
செலவுகளை குறைத்து கடனை சீக்கிரம் அடைக்க முயற்சித்தல் செலுத்துங்கள்
வீட்டுக் கடன் தொடங்கியதும், EMI உங்கள் மாதந்திர செலவில், மிக முக்கியமானதாக இருக்கும். எனவே, வீடு வாங்க முடிவு செய்வதோடு, உங்கள் தேவையற்ற செலவுகளையும் குறைக்கத் தொடங்குங்கள். செலவுகளை குறைத்து கடனை சீக்கிரம் அடைக்க இந்த முயற்சிகள் உதவும். வார இறுதி நாட்களில் வெளியே சாப்பிடுவது, ஆன்லைன் ஷாப்பிங், பார்டி கொடுத்தல் போன்ற செலவுகளைக் குறைப்பதன் மூலம் நீங்கள் ஒரு நல்ல அவசர நிதியை உருவாக்கலாம். இந்த நிதி எதிர்காலத்தில் கடினமான காலங்களில் உங்கள் EMI தொகையை செலுத்த உதவும். அதோடு, சேமிக்கும் பழக்கத்தை வளர்ப்பது மிக முக்கியமான படியாகும்.
தரகரிடம் செல்லாமல் உரிமையாளரிடம் நேரடியாக தொடர்பு கொள்ளுங்கள்
நீங்கள் ஒரு முகவர் அல்லது தரகர் மூலம் ஒரு வீட்டை வாங்கும்போது, முகவர் உங்களிடமிருந்து 1 முதல் 1.5% கமிஷனைப் பெறுகிறார், மேலும் விற்பனையாளரிடமிருந்து 1% தொகியயையும் பெறுகிறார், விற்பனையாளர் அதை சொத்தின் விலையில் அதை சேர்ப்பதன் மூலம் உங்களிடமிருந்து வசூலிப்பார். நீங்கள் 50 லட்சம் மதிப்புள்ள ஒரு பிளாட்டை வாங்குகிறீர்கள் என்று வைத்துக்கொள்வோம், பின்னர் நீங்கள் ஏஜெண்டிடம் தோராயமாக 1.25 லட்சம் முதல் 1.50 லட்சம் ரூபாய் வரை செலுத்துகிறீர்கள். எனவே, டெவலப்பர் அல்லது விற்பனையாளரிடமிருந்து நேரடியாக சொத்தை வாங்க முயற்சிக்கவும். இது உங்களுக்கு லட்சக்கணக்கான ரூபாய்களை மிச்சப்படுத்தும்.
வாங்கும் வீடு புதியதா அல்லது பழையதா? சொத்தின் வயதை அறிந்து கொள்ளுங்கள்
நீங்கள் வாங்கும் வீடு எவ்வளவு பழையது என்பதை அறிந்து கொள்வது மிகவும் முக்கியம். இன்றைய காலகட்டத்தில், ஒரு RCC (சிமென்ட், கான்கிரீட், எஃகு) கட்டமைப்பின் சராசரி வயது 70-80 ஆண்டுகள் என்று கருதப்படுகிறது. உங்கள் சொத்து பழையதாக இருந்தால், அதன் மறுவிற்பனை மதிப்பு குறைவாகவும், பராமரிப்பு செலவு அதிகமாகவும் இருக்கும். சொத்தின் சரியான வயதை அறிய, நீங்கள் பழைய குடியிருப்பாளர்கள், சொத்து ஆவணங்கள் அல்லது ஒரு கட்டமைப்பு பொறியாளரின் உதவியை நாடலாம். பழைய சொத்துக்கு கடன் பெறுவதும் சற்று கடினமாக இருக்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)