இன்றைய காலகட்டத்தில் முதியவர்கள் மட்டுமல்ல இளைஞர்கள் பலர் நரை முடி பிரச்சனையால் அவதிப்படுகிறார்கள். தலையில் இருக்கும் கருப்பு முடிக்கு நடுவில், வெள்ளை முடி எட்டிப் பார்ப்பதை யாரும் விரும்புவதில்லை. எனவே, முடியை கருமையாக்க முடி சாயம் பயன்படுத்தும் வழக்கம் பலருக்கு உள்ளது. இரசாயனங்கள் கொண்ட செயற்கை முடி சாயங்கள் தலைமுடிக்கு செயற்கை கருப்பு நிறத்தை தருகிறது என்றாலும் அவை, முடியின் ஆரோக்கியத்தை பெரிதும் பாதிக்கின்றன.
செயற்கை டை பயன்படுத்துவதால் ஏற்படும் ஆபத்தான பக்க விளைவுகள்
சந்தையில் கிடைக்கும் முடி சாயங்களின் மற்றொரு குறைபாடு என்னவென்றால், அவை முடியை மட்டுமல்ல, உச்சந்தலையையும் கருப்பாக்குகின்றன. மேலும் சில நேரங்களில் முடி சாயத்தின் பக்க விளைவாக, கருப்பு புள்ளிகள் நெற்றியில் தெளிவாக காணலாம். இதன் ஆபத்தான பக்க விளைவுகளை உடலின் பிற இடங்க்களில் உள்ள சருமத்திலும் (Skin Care) காணலாம். இந்த பிரச்சனையை தவிர்க்க தலைமுடி சாயத்தை வீட்டிலேயே தயாரிக்கலாம். இது முடிக்கு எந்தத் தீங்கும் விளைவிக்காது.
மாதுளைத் தோல்களிலிருந்து தயாரிக்கப்படும் இயற்கை டை
வெள்ளை முடி அடர் கருப்பாக மாற உதவும் இயற்கை டை அல்லது இயற்கை சாயம் பற்றி இன்று அறிந்து கொள்ளலாம். இயற்கை டை தயாரிப்பது பற்றி யோகா குரு தீபக் சர்மா இன்ஸ்டாகிராமில் பகிர்ந்துள்ளார். மாதுளையிலிருந்து தயாரிக்கப்படும் இந்த முடி சாயத்திற்கான செய்முறையைப் பகிர்ந்துள்ளார். இன்ஸ்டாகிராமில் வெளியிடப்பட்ட இந்த காணொளி, மாதுளைத் தோல்களிலிருந்து தலைமுடிக்கான கருப்பு சாயத்தை எவ்வாறு தயாரிப்பது என்பதை விளக்குகிறது.
நரை முடிக்கு மாதுளைத் தோலை கொண்டு தயாரிக்கும் இயற்கை சாயம்
மாதுளைத் தோல்களிலிருந்து முடி சாயம் தயாரிக்க, மாதுளைத் தோல்களை ஒரு பாத்திரத்தில் போட்டு நன்கு வறுக்கவும். மாதுளைத் தோலின் நிறம் கருப்பாக மாறத் தொடங்கியதும், அதில் 2 ஸ்பூன் கருஞ்சீரகம் 1 ஸ்பூன் சேர்க்கவும். இப்போது அதை ஆற வைத்து, மிக்ஸியில் போட்டு அரைக்கவும். இப்போது தயாரிக்கப்பட்ட இந்த பொடியுடன் ஒரு ஸ்பூன் நெல்லிக்காய் பொடி மற்றும் ஒரு கப் கடுகு எண்ணெய் சேர்க்கவும். உங்கள் தலைமுடி சாயம் தயாராகி விடும்.
இயற்கை சாயத்தை பயன்படுத்தும் முறை
இயற்கை ஹேர் டையை தலையில் தடவி ஒரு மணி நேரம் வைத்திருந்து, அதன் பிறகு சுத்தமான தண்ணீரில் முடியைக் கழுவவும். உங்கள் தலைமுடி கருப்பு நிறத்தில் மாறியிருப்பதைக் காணலாம். மாதுளைத் தோலில் காணப்படும் ஆன்டி-ஆக்ஸிடன்ட்கள் கூந்தலுக்கு மிகவும் நன்மை பயக்கும் என்றும் யோகா குரு கூறுகிறார்.
மருதாணியைப் பயன்படுத்தி தயாரிக்கப்படும் இயற்கை ஹேர் டை
வெள்ளை முடிக்கு ஹேர் கலரை மருதாணியைப் பயன்படுத்தியும் தயாரிக்கலாம். முடி சாயம் தயாரிக்க, ஒரு இரும்பு பாத்திரத்தில் மருதாணி போட்டு, 2 டீஸ்பூன் வெந்தயப் பொடி மற்றும் சிறிது தேயிலை இலைகளைச் சேர்த்து கொதிக்க வைக்கவும். இந்தக் கலவை வெந்ததும், அதனுடன் தண்ணீரைச் சேர்த்து கரைசலைத் தயாரித்து, சிறிது நேரம் அப்படியே வைத்துவிட்டு, குளிர்ந்த பிறகு, தலையில் தடவவும். இந்த மருதாணி கரைசல் முடியை கருப்பாக்குவதில் நல்ல மாற்றத்தை எடுத்துக்காட்டுகிறது.
மேலும் படிக்க | தங்கம் போல் முகம் ஜொலிக்க கற்றாழை ஃபேஷயிலை இப்படி செய்யுங்கள்
மேலும் படிக்க | சுட்டெரிக்கும் வெயிலில் இந்த தவறுகளை செஞ்சிடாதீங்க.. முகம் அதிகம் சேதமடையும்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
