உங்கள் PF கணக்கில் இருந்து உங்களால் எவ்வளவு பணத்தை எடுக்க முடியும்?

ஊழியர்களின் வருங்கால வைப்பு நிதி (EPF) இந்தியாவில் உள்ள ஊழியர்களிடையே நிதி பாதுகாப்பிற்கான ஒரு மூலக்கல்லாக உள்ளது, இது வருங்கால வைப்பு நிதி அமைப்பால் (EPFO) நிர்வகிக்கப்படுகிறது. இந்த கட்டாய சேமிப்புத் திட்டம் தகுதியான நிறுவனங்களில் பணிபுரியும் தனிநபர்களுக்காக வடிவமைக்கப்பட்டுள்ளது. இது அவர்கள் தங்கள் எதிர்காலத்திற்காக சேமிப்பது மட்டுமல்லாமல், அவர்களின் ஓய்வூதிய சமயத்தில் அவர்களுக்கு ஆதரவளிக்க நம்பகமான ஓய்வூதிய நிதியைப் பெறுவதையும் உறுதிசெய்கிறது. ஊழியர்களின் வருங்கால வைப்பு நிதி அமைப்பு நேரடியான அதே சமயம் பயனுள்ளதாக இருக்கும்.

Add Zee News as a Preferred Source

நிதி பாதுகாப்பை ஏற்படுத்துகிறது

ஊழியர்கள் ஒவ்வொரு மாதமும் அவர்களின் அடிப்படை சம்பளத்தில் 12% இதில் பங்களிக்க வேண்டும். இந்த பங்களிப்பு அவர்களின் முதலாளிகளிடம் இருந்தும் பெறப்படும். ஒவ்வொரு மாதமும் சேமிக்கப்படும் இந்த பணம் ஒரு வலுவான சேமிப்பு திட்டத்தை உருவாக்குகிறது. EPFன் முக்கிய நன்மைகளில் ஒன்று, இந்தத் திட்டத்தில் டெபாசிட் செய்யப்படும் நிதிக்கு ஆண்டுதோறும் வட்டி கிடைக்கிறது. இது வருடங்கள் முன்னேறும்போது மொத்த சேமிப்புத் தொகையை அதிகரிக்க உதவுகிறது. உறுப்பினர்கள் ஓய்வுபெறும் வயதை அடையும் நேரத்தில், அவர்கள் இந்த மொத்த சேமிப்பு பணத்தையும் பெற்றுக்கொள்ளலாம்.

EPF திட்டத்தில் மாற்றம்

சமீபத்திய அப்டேட்களில், EPF அதன் உறுப்பினர்களின் கோரிக்கைகளுக்கு இடமளிக்கும் வகையில் குறிப்பிடத்தக்க மாற்றத்தை கொண்டு வந்துள்ளது. அதன்படி, EPFO கணக்கில் இருந்து ஓய்விற்கு முன்பு ரூ. 1 லட்சம் வரை பணத்தை திரும்ப பெற்றுக்கொள்ள முடியும். இதன் முந்தைய வரம்பு ரூ.50,000 ஆக இருந்தது. இந்த மேம்பாடு, பணியாளர்களின் அவரச தேவைகளை பூர்த்தி செய்யும் வகையில் உதவி உள்ளது. உறுப்பினர்கள் தங்கள் EPF கணக்குகளில் இருந்து இரண்டு முதன்மையான சூழ்நிலைகளில் பணத்தை பெற்றுக்கொள்ள முடியும்.

ஓய்வு பெறும் வயதை எட்டியதும் அல்லது இரண்டு மாத வேலையின்மையை அனுபவித்த பிறகு நீங்கள் முழு பணத்தையும் பெற்றுக்கொள்ளலாம். ஒரு ஊழியர் ஒரு மாதத்திற்கு மேல் வேலையில்லாமல் இருந்தால், அவர் இந்த நிதியில் 75% ஐ பெற்றுக்கொள்ளலாம். இரண்டு மாதங்களுக்கு வேலையில்லாமல் இருந்தால் முழு பணத்தையும் பெற்றுக்கொள்ள முடியும். மேலும் சமீபத்திய அப்டேட்கள் மூலம் ஊழியர்கள் 55 வயதிலும் தங்களின் முழு EPF இருப்பையும் திரும்பப் பெற விருப்பம் உள்ளது. மேலும் ஓய்வு பெறுவதற்கு ஒரு வருடத்திற்கு முன்பு அவர்கள் 90% சேமிப்பை பெறலாம். இந்த சலுகை எதிர்பாராத சூழ்நிலைகளை எதிர்கொள்ள அல்லது கூடுதல் நிதி தேவைப்படுபவர்களுக்கு மிகவும் பயனுள்ளதாக இருக்கும்.

மருத்துவ அவசரநிலைகள், கல்விச் செலவுகள், திருமணச் செலவுகள் அல்லது வீட்டைப் புதுப்பித்தல் போன்ற பல்வேறு காரணங்களுக்காகப் பணியாளர்கள் EPF பணத்தில் இருந்து குறிப்பிட்ட தொகையை பெற்றுக்கொள்ளலாம். 2024 முதல் மருத்துவம் தொடர்பான தேவைகளுக்கான வரம்பை ரூ. 50,000 லிருந்து ரூ. 1 லட்சமாக அதிகரித்துள்ளனர். இந்த மாற்றம், நெருக்கடியான காலங்களில் அதன் உறுப்பினர்களுக்கு ஆதரவளிப்பதற்கான மாற்றப்பட்டுள்ளது. ஊழியர்களின் வருங்கால வைப்பு நிதியானது ஊழியர்களுக்கு ஒரு முக்கிய நிதிக் கருவியாக செயல்படுகிறது, எதிர்காலத்திற்கான பாதுகாப்பு வலையை வழங்கும் அதே வேளையில் சேமிப்பு கலாச்சாரத்தை வளர்க்கிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!