Oily Skin In Summers: கோடை காலத்தில் சருமம் மிகவும் எண்ணெய் பசையுடன் இருக்கும். இதனால் முகத்தில் பருக்கள் மற்றும் எரிச்சல் ஏற்படக் கூடும். அத்தகைய சூழ்நிலையில், சில வீட்டு வைத்தியத்தின் மூலம் இதிலிருந்து நிவாரணம் பெறலாம்.
Oily Skin: கோடை காலத்தில் எண்ணெய் பசை சருமம் பலருக்கு ஏற்படும் முக்கிய பிரச்சனையாகும். ஏனெனில் இந்த பருவத்தில் சருமம் அதிக எண்ணெயை உற்பத்தி செய்கிறது, இதனால் முகத்தில் முகப்பரு மற்றும் பிற பிரச்சனைகள் ஏற்படுத் தொடங்குகிறது.
கோடை காலத்தில் சருமம் எண்ணெய் பசையாக மாறுவதற்கு என்ன காரணம்?
அதிக வெப்பம் மற்றும் ஈரப்பதம்: கோடை வெயிலில் அதிகரிக்கும் வெப்பநிலை மற்றும் ஈரப்பதத்தின் காரணமாக, சருமத்தின் எண்ணெய் சுரப்பிகள் அதிக சுறுசுறுப்பாகின்றன. இதனால் சருமம் அதிக எண்ணெய் பசையுடன் இருக்கிறது.
வியர்வை: கோடை காலத்தில் வியர்வை அதிகம் ஏற்படும். இதனால் சரும எண்ணெயுடன் கலந்து துளைகளை அடைத்து, முகப்பருவை ஏற்படுத்தும்.
சூரிய ஒளி: சூரியனில் ஏற்படும் கதிர்களின் மூலம் சருமம் சேதமடையலாம். இதனால் சருமம் அதிக எண்ணெய் பசையுடன் இருக்கிறது.
தவறான உணவுப் பழக்கம்: எண்ணெய் மற்றும் காரமான உணவுகளை அதிகம் சாப்பிடுவதாலும் சருமத்தில் எண்ணெய் பசை ஏற்படக்கூடும்.
ஹார்மோன் மாற்றங்கள்: சில சமயங்களில் ஹார்மோன் மாற்றங்களாலும் சருமத்தில் எண்ணெய் பசை ஏற்படக்கூடும்.
எண்ணெய் பசை சருமத்தைக் கட்டுப்படுத்த சில டிப்ஸ்:
ஒரு நாளைக்கு இரண்டு முறை முகத்தைக் கட்டாயம் கழுவுங்கள்: லேசான கிளினரை பயன்படுத்தி முகத்தைக் கட்டாயம் கழுவுங்கள். இதனால் சருமத்தில் படிந்திருக்கும் அதிகப்படியான எண்ணெய் மற்றும் அழுக்குகளை நீக்க உதவும்.
எண்ணெய் இல்லாத மாய்ஸ்சரைசரைப் பயன்படுத்துங்கள்: சருமத்தை ஈரப்பதமாக வைத்திருக்க எண்ணெய் இல்லாத மாய்ஸ்சரைசரைப் பயன்படுத்துங்கள்.
ஆரோக்கியமான உணவை உண்ணுங்கள்: பழங்கள், காய்கறிகள் மற்றும் முழு தானியங்களை உங்களின் அன்றாட உணவில் சேர்த்துக் கொள்ளுங்கள். எண்ணெய் மற்றும் காரமான உணவுகளை சாப்பிடுவதை தவிர்க்கவும்.
போதுமான அளவு தண்ணீர் குடிக்கவும்: சருமத்தை நீரேற்றமாக வைத்திருக்க ஒரு நாளைக்கு குறைந்தது எட்டு முதல் பத்து கிளாஸ் தண்ணீரை குடிக்கவும்.
தரமான வீட்டு வைத்தியம்: முல்தானி மிட்டி ஃபேஸ் பேக், எலுமிச்சை சாறு அல்லது கற்றாழை ஜெல்லை முகத்தில் பயன்படுத்தி வரலாம். இந்த பொருட்களை பயன்படுத்துவதன் மூலம் சருமத்தில் இருக்கும் எண்ணெய் பசை கட்டுப்படுத்த உதவும்.
இதைத் தவிர நீங்கள் உங்கள் முகத்தை அடிக்கடி தொட்டுக் கொண்டே இருப்பதை தவிர்க்கவும். உங்கள் தலையணை உறைகளை அடிக்கடி தவறாமல் மாற்றக் கொண்டே இருக்கவும். குறைந்தபட்ச ஒப்பனையைப் பயன்படுத்த முயற்சி செய்யுங்கள்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)