QR குறியீடு கொண்ட டிஜிட்டல் பான் கார்டை பெற வேண்டுமா... எளிய வழிமுறை இதோ

மத்திய அரசு கடந்த 2024 நவம்பரில் PAN 2.0 திட்டத்திற்கு ஒப்புதல் அளித்தது. இதற்காக சுமார் ரூ.1,435 கோடி செலவிடப்பட உள்ளது. PAN-TAN சேவைகளை மறுசீரமைப்பு செய்வதன் மூலம் டிஜிட்டல் அனுபவத்தையும் பாதுகாப்பையும் மேம்படுத்துவதே இந்த திட்டத்தின் நோக்கமாகும். இதன் கீழ், QR குறியீடு கொண்ட e-PAN அட்டை விண்ணப்பதாரர்களின் பதிவு செய்யப்பட்ட மின்னஞ்சலுக்கு எந்த கட்டணமும் இல்லாமல் அனுப்பப்படும்.

PAN 2.0 திட்டத்தின் கீழ், QR குறியீடு கொண்ட பான் அட்டை அறிமுகப்பட்டுத்தப்பட்டது.  QR குறியீடு இல்லாமல் பழைய PAN அட்டை வைத்திருப்பவர்கள் PAN 2.0 இன் கீழ் புதிய ஸ்மார்ட் கார்டை இலவசமாகப் பெற முடியும். பழைய PAN அட்டை முற்றிலும் செல்லுபடியாகும். ஆனால் பாதுகாப்பு மற்றும் வசதிக்காக, நீங்கள் விரும்பினால், QR குறியீட்டைக் கொண்ட புதிய அட்டையை நீங்கள் எளிதாகப் பெறலாம். 

புதிய பான் அட்டை பெற நீங்கள் விண்ணப்பிக்க வேண்டும். இதற்கு முன், உங்கள் PAN அட்டை NSDL (இப்போது Protean) அல்லது UTIITSL ஆல் வழங்கப்பட்டதா என்பதைக் கண்டறியவும். இந்தத் தகவல் PAN அட்டையின் (PAN Card) பின்புறத்தில் எழுதப்பட்டிருக்கும். அதன் அடிப்படையில், நீங்கள் சம்பந்தப்பட்ட போர்ட்டலுக்குச் சென்று விண்ணப்பிக்க வேண்டும். கீழே விண்ணப்பிக்கும் வழிகளை நீங்கள் அறிந்து கொள்ளலாம்.

உங்கள் டிஜிட்டல் PAN எண்ணை அஞ்சலில் எவ்வாறு பெறுவது?

NSDL வலைத்தளத்திலிருந்து டிஜிட்டல் PAN எண்ணை எவ்வாறு பெறுவது?

உங்கள் PAN அட்டை NSDL  மூலம் வழங்கப்பட்டிருந்தால், கீழே குறிப்பிடப்பட்டுள்ள வழிமுறைகளை பின்பற்றி உங்கள் மின்னஞ்சலில் டிஜிட்டல் PAN பெறலாம்.

1. முதலில், NSDL இன் அதிகாரப்பூர்வ வலைத்தளமான www.onlineservices.nsdl.com/paam/endUserRegisterContact.html க்குச் செல்லவும்.

2. இப்போது திரையில் தோன்றும் பதிவிறக்கத்திற்கான ePAN/e-PAN XML என்பதைக் கிளிக் செய்யவும் அல்லது www.onlineservices.nsdl.com/paam/requestAndDownloadEPAN.html லிங்கிற்கு செல்லவும்.

3. இப்போது PAN எண், ஆதார் எண் மற்றும் பிறந்த தேதி தொடர்பான மாதம் மற்றும் ஆண்டை நிரப்பவும்.

4. திரையில் தோன்றும் விதிமுறைகள் மற்றும் நிபந்தனைகளுக்கு உங்கள் ஒப்புதலுடன் பொருத்தமான பெட்டியைத் தேர்ந்தெடுத்து 'Submit' பொத்தானைக் கிளிக் செய்யவும்.

5. இப்போது திரையில் தோன்றும் உங்கள் PAN தொடர்பான தகவல்களைச் சரிபார்த்து, வருமான வரி பதிவுகளின்படி அது சரியாக உள்ளதா என்பதை உறுதிப்படுத்தவும்.

6. இப்போது ஆதார் தரவுத்தளத்தில் பதிவுசெய்யப்பட்ட மொபைல் எண் மற்றும் மின்னஞ்சலில் அல்லது இரண்டிலும் டிஜிட்டல் PAN பெற விருப்பத்தைத் தேர்வுசெய்யவும். 

7. நீங்கள் இதைச் செய்தவுடன், ஒரு OTP வரும்.10 நிமிடங்களில் அதை நிரப்பவும்.

NSDL Protean மூலம் சமீபத்தில் விண்ணப்பம் செயலாக்கப்பட்ட பான் வைத்திருப்பவர்களுக்கு e-PAN அட்டை அதாவது டிஜிட்டல் PAN கிடைக்கும் இந்த வசதி கிடைக்கிறது. புரோட்டீன் மூலம் சமர்ப்பிக்கப்பட்ட பான் விண்ணப்பங்களுக்கு PAN எண் வழங்கப்பட்டதிலிருந்து அல்லது புதுப்பிக்கப்பட்டதிலிருந்து 30 நாட்கள் கடக்கவில்லை என்றால், அத்தகைய சூழ்நிலையில், பதிவு செய்யப்பட்ட அஞ்சலில் டிஜிட்டல் PAN ஐ 3 முறை இலவசமாகப் பெறலாம்.

PAN வழங்கப்பட்டதிலிருந்து அல்லது புதுப்பிக்கப்பட்டதிலிருந்து 30 நாட்கள் கடந்துவிட்ட சூழ்நிலையில், பதிவு செய்யப்பட்ட அஞ்சலில் டிஜிட்டல் PAN கார்டு பெற, நீங்கள் ரூ.8.26 அதாவது சுமார் ரூ.10 கட்டணம் செலுத்த வேண்டும். இந்தத் தொகையைச் செலுத்திய பிறகு, 'Continue' பொத்தானைக் கிளிக் செய்யவும். வருமான வரித் துறையின் உங்கள் பதிவு செய்யப்பட்ட மின்னஞ்சல் ஐடிக்கு E-PAN அனுப்பப்படும்.

UTIITSL மூலம் டிஜிட்டல் PAN ஐ பதிவிறக்கும் செயல்முறை

1. முதலில் https://www.pan.utiitsl.com/PAN_ONLINE/ePANCard க்குச் செல்லவும்.

2. இப்போது PAN எண்,  பிறந்த தேதி தொடர்பான மாதம் மற்றும் ஆண்டு போன்ற கோரப்பட்ட தகவல்களை நிரப்பி, கேப்ட்சா குறியீட்டை நிரப்பி, சமர்ப்பி பொத்தானைக் கிளிக் செய்யவும்.

3. இதற்குப் பிறகு, உங்கள் PAN தரவுத்தளத்தில் ஏதேனும் மின்னஞ்சல் ID பதிவு செய்யப்பட்டுள்ளதா என்பது திரையில் தோன்றும்.

4. எந்த மின்னஞ்சல் IDயும் பதிவு செய்யப்படவில்லை என்றால், நீங்கள் அதை PAN 2.0 திட்டத்தின் கீழ் புதுப்பிக்க வேண்டும். 

PAN 2.0 திட்டம் மூலம் கிடைக்கும் சேவைகள்

ஒரே போர்ட்டலில் அனைத்து சேவைகளும்

இப்போது புதிய PAN உருவாக்குதல், புதுப்பித்தல், ஆதாருடன் இணைத்தல், திருத்தம் போன்ற PAN மற்றும் TAN தொடர்பான அனைத்து சேவைகளையும் ஒரே வலைத்தளத்திலிருந்து செய்யலாம்.

இலவச e-PAN

இப்போது டிஜிட்டல் PAN அட்டை (e-PAN) மின்னஞ்சலில் இலவசமாகக் கிடைக்கும். நீங்கள் பான் அட்டையை கார்டு வடிவில் பெற விரும்பினால், 50 ரூபாய் மட்டுமே வசூலிக்கப்படும்.

QR குறியீட்டை கொண்ட மேம்பட்ட ஸ்மார்ட் PAN 

இப்போது புதிய டைனமிக் QR குறியீடு பழைய QR குறியீட்டிற்குப் பதிலாக வரும், இதன் மூலம் உங்கள் தகவல்களை நிகழ்நேரத்தில் சரிபார்க்க முடியும்.

காகிதமற்ற செயல்முறை

எந்த படிவத்தையும் நிரப்ப வேண்டிய அவசியமில்லை, எல்லாம் ஆன்லைனில் எளிமையாக செய்யலாம்.

தரவு பாதுகாப்பானது

புதிய அமைப்பு PAN தரவு பெட்டகத்தில் உங்கள் தகவல்களைப் பாதுகாப்பாக வைத்திருக்கும், இது மோசடியைத் தடுக்கும்.

உதவி எண்ணும் கிடைக்கும்

ஏதேனும் கேள்வி அல்லது சிக்கல் ஏற்பட்டால், உதவிக்காக ஒரு அழைப்பு மையம் மற்றும் உதவி மைய வசதியும் இருக்கும்.

பழைய PAN அட்டைகளை வைத்திருப்பவர்கள் புதிய அட்டையை உருவாக்க வேண்டுமா?

இல்லை. உங்கள் பழைய PAN அட்டை இன்னும் செல்லுபடியாகும்., ஆனால் நீங்கள் விரும்பினால், ரூ.50 செலுத்துவதன் மூலம் QR குறியீட்டுடன் கூடிய புதிய அட்டையைப் பெறலாம்.

PAN எப்போது அவசியம்?

உங்கள் வருமானம் வரி வரம்பிற்குள் இருந்தால், உங்கள் வணிகத்தின் ஆண்டு வருவாய் ரூ.5 லட்சத்திற்கு மேல் இருந்தால், அல்லது நீங்கள் பெரிய நிதி பரிவர்த்தனைகளைச் செய்கிறீர்கள் என்றால், பான் கார்டு பெறுவது அவசியம். ஒன்றுக்கு மேற்பட்ட பான் கார்டுகளை வைத்திருந்தால் ரூ.10,000 வரை அபராதம் விதிக்கப்படலாம்.

மேலும் படிக்க | கடனில் வீடு வாங்குவதா அல்லது வாடகைக்கு வசிப்பதா... பணத்தை சேமிக்க இரண்டில் எது சிறந்தது?

மேலும் படிக்க | பான் கார்டு... 10 இலக்க தனித்துவ எண்ணில் மறைந்துள்ள... சில முக்கிய தகவல்கள்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ