ஆதார் அட்டையில் தவறாக உள்ள தகவல்களை திருத்த, புகைப்படத்தை மாற்ற ... எளிய வழிமுறை இதோ

இன்றைய காலகட்டத்தில் ஆதார் அட்டை மிக முக்கியமான ஆவணங்களில் ஒன்றாக மாறிவிட்டது. ஆதார் அட்டையில் உள்ள தகவல்கள் தவறாக இருந்தால், சிக்கலை சந்திக்க நேரிடலாம்.

இன்றைய காலகட்டத்தில் ஆதார் அட்டை மிக முக்கியமான ஆவணங்களில் ஒன்றாக மாறிவிட்டது. வங்கி தொடர்பான பணிகள் முதல், பள்ளி சேர்க்கை, மாணவர்களுக்கான விண்ணப்பம் என பலவிதமான பணிகளுக்கு,  ஆதார் அட்டை இல்லாமல், உங்கள் அடையாளம் முழுமையடையாது. ஆதார் அட்டையில் உள்ள தகவல்கள் தவறாக இருந்தால், சிக்கலை சந்திக்க நேரிடலாம். 

சிலருக்கு ஆதார் அட்டை தயாரிக்கும் போதே சில தவறுகள் ஏற்படக் கூடும். ஆதார் அட்டையில்  பெயர் மற்றும் பிறந்த தேதி தவறாக பதிவாகி இருக்கலாம். எனவே இதனை திருத்த வேண்டிய அவசியம் உள்ளது. வீடு மாறுதல், வேலை மாற்றலாகி வேறு இடத்திற்கு செல்லுதல் போன்ற பல காரணங்களுக்காக ஆதாரில் (Aadhaar Card) தங்கள் முகவரியை மாற்ற வேண்டிய நிலையும் ஏற்படலாம் . அதே போன்று உங்கள் ஆதார் அட்டையில் உள்ள புகைப்படத்தையும் மாற்ற வேண்டிய நிலை உண்டாகலாம். ஆதார் அட்டையில் உள்ள விவரம் அல்லது தகவல்களை மாற்ற விரும்பினால், வீட்டிலேயே அமர்ந்து இந்த வேலையைச் செய்யலாம். அதை மாற்றுவதற்கான எளிதான வழியை அறிந்து கொள்ளலாம்.

பெயர் மற்றும் முகவரியை  மாற்றுவதற்கான வழிமுறை

இப்போது ஆதார் அட்டையைப் புதுப்பிக்க நீண்ட வரிசையில் நிற்க வேண்டிய அவசியமில்லை. UIDAI (இந்திய தனித்துவ அடையாள ஆணையம்) மக்களின் வசதிக்காக ஆதார் தொடர்பான பல சேவைகளை ஆன்லைனில் வழங்கியுள்ளது. இப்போது நீங்கள் வீட்டில் இருந்தபடியே சில தகவல்களை எளிதாகப் புதுப்பிக்கலாம்.

ஆதார் அட்டையில் தனி நபர் தகவல் மற்றும் பயோமெட்ரிக் தகவல் என இரண்டு வகை தகவல்கள் உள்ளன. பொதுவாக தனிநபர் விவரங்களை ஆன்லைனில் புதுப்பிக்கலாம். ஆனால் பயோமெட்ரிக் தகவலைப் புதுப்பிக்க ஆதார் மையத்திற்குச் செல்ல வேண்டும். பயோமெட்ரிக் தகவலில் உங்கள் கைரேகை, உங்கள் கண்களின் கருவிழி ஸ்கேன் மற்றும்  புகைப்படம் போன்றவை அடங்கும். இந்த தகவலை புதுப்பிக்க, நீங்கள் ஆதார் மையத்திற்கு செல்ல வேண்டும். இது தவிர, உங்கள் பெயரில் எழுத்து பிழிய இருந்தால், அல்லது உங்கள் பெயரின் குடும்பப்பெயர் அல்லது முழுப் பெயரை மாற்ற விரும்பினால், ஆதார் மையத்திற்குச் சென்று அதற்கான ஆவணத்தை சமர்பிக்க வேண்டும்.

ஆதார் அட்டையில் முகவரியை திருத்த அல்லது புதுப்பிப்பதற்கான வழிமுறை

1. எனது ஆதார் போர்ட்டலுக்குச் செல்லவும்: [https://myaadhaar.uidai.gov.in]

2. ஆதார் எண் மற்றும் OTP ஐப் பயன்படுத்தி உள்நுழையவும்.

3. "Update Address Online" என்ற விருப்பத்தைத் தேர்வு செய்யவும்.

4. மாற்றப்பட உள்ள முகவரிச் சான்றைப் பதிவேற்றவும் (மின்சாரக் கட்டணம், வங்கி அறிக்கை போன்றவை).

5. புதிய முகவரி சில நாட்களுக்குள் புதுப்பிக்கப்படும்.

ஆதாரில் உள்ள புகைப்படத்தை மாற்றுவதற்கான வழிமுறை

புகைபடத்தை மாற்றும் வசதி அருகிலுள்ள ஆதார் சேவா மையத்தில் மட்டுமே கிடைக்கும். ஆதார் சேவா மையத்திற்குச் சென்று புகைப்படத்தை மீண்டும் புதுபிக்க பதிவு செய்து கொள்ளவும். இதற்கு ₹100 வசூலிக்கப்படுகிறது. 90 நாட்களுக்குள் புகைப்படம் புதுப்பிக்கப்படும்.

ஆதாரில் அட்டையில் பதிவு செய்யப்பட்ட மொபைல் எண்ணை மாற்றுவதற்கான வழிமுறை

ஆதாரில் அட்டையில் பதிவு செய்யப்பட்ட உங்கள் மொபைல் எண்ணையும் மாற்ற நீங்கள் சேவா மையத்திற்குச் செல்ல வேண்டும். உங்கள் அடையாள அட்டையை எடுத்துச் சென்று புதிய எண்ணைப் பதிவு செய்யுங்கள். இதற்கு கட்டணமாக ₹50 வசூலிக்கப்படுகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!