ஏப்ரல் 1 முதல் இந்த மொபைல் எண்கள் நீக்கம்! கூகுள் பே, போன் பே செயல்படாது

April 1 banking rules : ஏப்ரல் 1 ஆம் தேதி முதல் செயல்படாத மொபைல் எண்கள் நீக்கப்படுவதாகவும், அந்த எண்களுடன் இணைக்கப்பட்டுள்ள கூகுள் பே மற்றும் போன்பே ஆகியவையும் செயல்படாது என அறிவிக்கப்பட்டுள்ளது.

April 1 banking rules News : நீங்கள் வங்கி கணக்கு வைத்திருந்தால் அல்லது UPI பயன்படுத்தினால், ஏப்ரல் 1 முதல் அமலுக்கு வர இருக்கும் இந்த விதியைப் பற்றி நீங்கள் அறிந்திருக்க வேண்டும். இல்லையெனில், உங்கள் கணக்கு அல்லது UPI ID முடக்கப்படலாம். நீங்கள் வங்கி கணக்கு வைத்திருந்தால் அல்லது UPI பயன்படுத்தினால், இந்த செய்தி உங்களுக்கு மிகவும் முக்கியமானது. ஏனெனில், அடுத்த மாதம் முதல் வங்கி ஒரு முக்கியமான மாற்றத்தை செயல்படுத்த உள்ளது. ஏப்ரல் 1 முதல், Google Pay, PhonePe மற்றும் Paytm போன்ற UPI ஆப்ஸ்களுடன் இணைக்கப்பட்டுள்ள மொபைல் எண்கள் நீண்ட காலமாக செயல்படாதவர்களின் கணக்குகளை வங்கி மூட உள்ளது.

Add Zee News as a Preferred Source

வங்கிகள் இந்த முடிவை எடுக்க காரணம் என்ன?

இந்திய தேசிய கொடுப்பனவுக் கழகம் (NPCI) வங்கிகள் மற்றும் இந்த ஆப்ஸ்களுக்கு மார்ச் 31க்குள் இத்தகைய எண்களை நீக்கும்படி அறிவுறுத்தியுள்ளது. இந்த மாற்றத்தின் நோக்கம், செயல்படாத அல்லது பயன்படுத்தப்படாத மொபைல் எண்களால் ஏற்படும் பிரச்சினைகளை தீர்க்க வேண்டும் என்பதற்காக இந்த முடிவு எடுக்கப்பட்டுள்ளது. செயல்படாத மொபைல் எண்கள் பரிவர்த்தனைகளில் பிரச்சினைகளை ஏற்படுத்துவதாக கண்டுபிடிக்கப்பட்டுள்ளது.

செயல்படாத மொபைல் எண் என்றால் என்ன? 

ஒரு எண் 90 நாட்களுக்கு வாய்ஸ் கால், SMS அல்லது டேட்டா பயன்படுத்தப்படாவிட்டால், அது செயல்படாததாக கருதப்படுகிறது. இத்தகைய எண்கள் புதிய பயனர்களுக்கு மீண்டும் வழங்கப்படுகின்றன. இதுபோன்ற சூழ்நிலையில், இந்த எண்கள் உங்கள் வங்கி மற்றும் பிற நிதி சேவைகளுடன் இணைக்கப்பட்டிருக்கும்போது, பிரச்சினைகள் ஏற்படலாம்.

ஏப்ரல் 1 ஆம் தேதிக்குப் பிறகு நடக்கும் மாற்றங்கள் என்ன?

- ஏப்ரல் 1க்குப் பிறகு இதுபோன்ற வங்கி கணக்குகளை நீக்கும் பணி வாராந்திர அடிப்படையில் செய்யப்படும்.
- ஏப்ரல் 1 முதல், செயல்படாத மொபைல் எண்களுடன் இணைக்கப்பட்ட வங்கி கணக்குகள் மற்றும் UPI IDs வாராந்திர அடிப்படையில் நீக்கப்படும்.
- இந்த செயல்முறை, புதிய பயனர்களுக்கு மொபைல் எண்கள் மீண்டும் வழங்கப்படும் போது ஏற்படும் பிரச்சினைகளை தடுக்க உதவும்.
- உங்கள் மொபைல் எண் செயல்பாட்டில் இருப்பதை உறுதிப்படுத்திக் கொள்ளுங்கள், இல்லையெனில் உங்கள் வங்கி கணக்கு அல்லது UPI சேவைகள் பாதிக்கப்படலாம்.

உங்கள் கணக்கை பாதுகாக்க என்ன செய்ய வேண்டும்?

- உங்கள் மொபைல் எண் செயல்பாட்டில் உள்ளதா என்பதை சரிபார்க்கவும்.
- உங்கள் வங்கி மற்றும் UPI ஆப்ஸ்களில் உங்கள் மொபைல் எண் சரியாக இணைக்கப்பட்டுள்ளதா என்பதை உறுதிப்படுத்திக் கொள்ளுங்கள்.
- உங்கள் மொபைல் எண் செயல்படாததாக இருந்தால், உடனடியாக அதை செயல்படுத்தவும் அல்லது புதிய எண்ணை வங்கி மற்றும் UPI ஆப்ஸ்களுடன் இணைக்கவும்.

அதாவது நீங்கள் கவனத்தில் கொள்ள வேண்டியது என்னவென்றால், ஏப்ரல் 1 முதல் செயல்படாத மொபைல் எண்களுடன் இணைக்கப்பட்ட வங்கி கணக்குகள் மற்றும் UPI IDs மூடப்படும் என்பதால், உங்கள் மொபைல் எண் செயல்பாட்டில் உள்ளதா என்பதை உறுதிப்படுத்திக் கொள்ளுங்கள். இல்லையெனில், உங்கள் வங்கி மற்றும் UPI சேவைகள் பாதிக்கப்படலாம். இந்த மாற்றத்தை பற்றி விழிப்புடன் இருந்து, உங்கள் கணக்குகளை பாதுகாக்கவும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!