 "டிக்கெட் முன்பதிவு தொடர்பான விதிகளில் மிகப்பெரிய மாற்றம்.. ஐஆர்சிடிசி புதிய அறிவிப்பு")
Indian Railways Ticket Booking Rules: பயணிகளுக்கு தனது சேவையை எளிதாக்கவும், வெளிப்படைத்தன்மையை அதிகரிக்கவும் இந்திய ரயில்வே பல மாற்றங்களைச் செய்துள்ளது. இந்த மாற்றங்கள் ஜூலை 2025 முதல் அமல்படுத்தப்பட்டுள்ளன. இந்த மாற்றங்களில் ரிசர்வேஷன் சார்ட் தயாரிப்பதற்கான நேரம் அதிகரிப்பு, தூரத்தின் அடிப்படையில் டிக்கெட் விலை, தட்கல் டிக்கெட்டுகளுக்கு தேவையான ஆதார் மற்றும் OTP அடிப்படையிலான சரிபார்ப்பு போன்றவை அடங்கும். இப்போது டிக்கெட்டுகள் தொடர்பாக ரயில்வே நிறுவனம் செய்துள்ள முக்கிய மாற்றங்களைப் பற்றி தெரிந்துக்கொள்வோம்.
தட்கல் டிக்கெட்டுகளை முன்பதிவு செய்வதற்கு ஆதார் அவசியம். கடந்த ஜூலை 1, 2025 முதல், ஆதார் சரிபார்க்கப்பட்டவர்களுக்கு மட்டுமே ஐ.ஆர்.சி.டி.சி வலைத்தளம் மற்றும் மொபைல் செயலி மூலம் தட்கல் டிக்கெட்டுகள் முன்பதிவு செய்யப்படும். தட்கல் டிக்கெட்டுகளை ஆன்லைனில் முன்பதிவு செய்ய, பயணிகள் தங்கள் ஆதார் எண்ணை ஐ.ஆர்.சி.டி.சி கணக்குடன் இணைத்து சரிபார்க்க வேண்டும்.
கவுண்டர்கள் மற்றும் ஏஜெண்டுகளிடமிருந்து தட்கல் டிக்கெட்டுகளை முன்பதிவு செய்வதற்கு OTP தேவைப்படும். மேலும் வரும் ஜூலை 15, 2025 முதல், கணினிமயமாக்கப்பட்ட பயணிகள் முன்பதிவு அமைப்பு (PRS) கவுண்டர்கள் மற்றும் ரயில்வேயின் அங்கீகரிக்கப்பட்ட ஏஜெண்டுகள் மூலம் முன்பதிவு செய்யப்பட்ட அனைத்து தட்கல் டிக்கெட்டுகளுக்கும் மற்றொரு சரிபார்ப்பு தேவைப்படும்.
ஜூலை 1, 2025 முதல், அங்கீகரிக்கப்பட்ட ஏஜெண்டுகள் குறிப்பிட்ட நேரங்களில் டிக்கெட்டுகளை முன்பதிவு செய்ய தடை விதிக்கப்பட்டுள்ளது. இது முன்பதிவில் சாதாரண பயணிகளுக்கு முன்னுரிமை அளிக்கப்படும். ஏஜெண்டுகள் காலை 10:00 மணி முதல் காலை 10:30 மணி வரை ஏசி வகுப்பு டிக்கெட்டுகளை முன்பதிவு செய்ய முடியாது. அதே நேரத்தில், ஏஜெண்டுகள் காலை 11 மணி முதல் காலை 11:30 மணி வரை ஏசி அல்லாத வகுப்பு டிக்கெட்டுகளை முன்பதிவு செய்ய முடியாது.
ஜூலை 1, 2025 முதல் செயல்படுத்தப்படும் புதிய கட்டண முறையால் பல பெரிய மற்றும் சிறப்பு ரயில்கள் பாதிக்கப்படும். இப்போது ராஜ்தானி, சதாப்தி, துரந்தோ, வந்தே பாரத், தேஜாஸ், ஹம்சஃபர், அம்ரித் பாரத், மகாமனா, கதிமான், அந்த்யோதயா, ஜன் சதாப்தி, யுவா எக்ஸ்பிரஸ், ஏசி விஸ்டாடோம் ஆகியவற்றில் பயணிப்பது விலை உயர்ந்ததாக இருக்கக்கூடும். சாதாரண புறநகர் அல்லாத சேவையில் 500 கி.மீ.க்கும் அதிகமான தூரங்களுக்கும் புதிய கட்டணம் பொருந்தும். புதிய கட்டணம் வெவ்வேறு வகைகளுக்கு ஏற்ப முடிவு செய்யப்படும்.
ரயில் புறப்படுவதற்கு 8 மணி நேரத்திற்கு முன்பு ரிசர்வேஷன் சார்ட் தயாரிக்கப்படும் என்று ரயில்வே வாரியம் தெரிவித்துள்ளது. மதியம் 2 மணிக்கு (14.00 மணி) முன் புறப்படும் ரயில்களின் ரிசர்வேஷன் சார்ட் ஒரு நாள் முன்பு இரவு 9 மணிக்கு (21.00 மணி) தயாரிக்கப்படும். முன்னதாக ரயில் புறப்படுவதற்கு நான்கு மணி நேரத்திற்கு முன்பு ரிசர்வேஷன் சார்ட் தயாரிக்கப்பட்டது. இது பயணிகளுக்கு தயார்படுத்துவதற்கு மிகக் குறைந்த நேரத்தையே அளித்தது என்பது குறிப்பிடத்தக்கது.
ஜூலை 1, 2025 முதல் ரயில் கட்டணங்களில் மாற்றங்கள் செய்யப்பட்டுள்ளன. சாதாரண ஏசி அல்லாத ரயில்களின் கட்டணம் அதிகரிக்கப்பட்டுள்ளது. இரண்டாம் வகுப்பு கட்டணம் ஒரு கி.மீ.க்கு அரை பைசா (0.5 பைசா) அதிகரிக்கப்பட்டுள்ளது, ஆனால் இதில் சில நிபந்தனைகள் உள்ளன. 500 கி.மீ வரையிலான பயணத்திற்கு எந்த அதிகரிப்பும் இருக்காது. 501 முதல் 1,500 கி.மீ தூரத்திற்கு ரூ.5 அதிகரிப்பு இருக்கும். 1501 முதல் 2,500 கி.மீ தூரத்திற்கு ரூ.10 அதிகரிப்பு ஏற்பட்டுள்ளது. அதே நேரத்தில், 2501 முதல் 3,000 கி.மீ தூரத்திற்கு இந்த அதிகரிப்பு ரூ.15 ஆக இருக்கும்.
முதல் வகுப்பு ஏசி ரயில் கட்டணம் கி.மீ.க்கு 0.5 பைசா அதிகரிக்கப்பட்டுள்ளது. இரண்டாம் வகுப்பு கட்டணம் கி.மீ.க்கு 1 பைசா அதிகரிக்கப்பட்டுள்ளது. ஸ்லீப்பர் வகுப்பில், கி.மீ.க்கு 1 பைசா அதிகரிக்கப்பட்டுள்ளது. அதேபோல், முதல் வகுப்பு கட்டணம் கி.மீ.க்கு 1 பைசா அதிகரிக்கப்பட்டுள்ளது.
ரயில்வே கட்டணங்களில் சமீபத்திய மாற்றங்களில் முன்பதிவு கட்டணம், அதிவிரைவு கூடுதல் கட்டணம் மற்றும் பிற கூடுதல் கட்டணங்களில் எந்த மாற்றமும் இல்லை. இந்தக் கட்டணங்கள் அனைத்தும் முன்பு போலவே இருக்கும். இது தவிர, ஏற்கனவே நடைமுறையில் உள்ள விதிகளின்படி டிக்கெட் விலையில் ஜிஎஸ்டி விதிக்கப்படும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)