ஜூலை மாதத்தில், வங்கி விடுமுறை நாட்கள் குறித்த விபரங்களை முன்கூட்டியே அறிந்து கொள்வது, சில முக்கியமான பணிகளை முன்கூட்டியே திட்டமிட உதவியாக இருக்கும். இந்திய ரிசர்வ் வங்கி (RBI) 2025 ஜூலை மாதத்திற்கான வங்கி விடுமுறை பட்டியலை வெளியிட்டுள்ளது. இந்த மாதம் மொத்தம் 13 நாட்கள் வங்கிகள் மூடப்பட்டிருக்கும். இதில் ஞாயிறு, இரண்டாவது மற்றும் நான்காவது சனிக்கிழமைகள் மற்றும் பல்வேறு மாநிலங்களின் பண்டிகைகள் மற்றும் பிராந்திய விழாக்கள் அடங்கும். எனவே, உங்கள் வங்கிக்குச் செல்லப் போகும் நாளில் உங்கள் கிளை மூடப்பட்டுள்ளதா என்பதை முன்கூட்டியே சரிபார்த்துக் கொள்வது அவசியம்.
டிஜிட்டல் வங்கியின் சகாப்தத்தில், பெரும்பாலான வேலைகளை நெட் பேங்கிங், மொபைல் செயலி மற்றும் UPI போன்ற வசதிகளுடன் வீட்டிலிருந்தே செய்து கொள்ளலாம். ஆனாலும் சில முக்கிய வேலைகளுக்கு இன்னும் கிளைக்குச் செல்ல வேண்டிய பல தேவையும் உள்ளது. KYC புதுப்பிப்பு, பண வைப்பு / திரும்பப் பெறுதல், லாக்கர் அணுகல், தவறான பரிவர்த்தனை குறித்த புகார் அல்லது கணக்கு மூடல் போன்றவை இதில் அடங்கும். அத்தகைய சூழ்நிலையில், வங்கி கிளைக்குச் செல்வதற்கு முன் விடுமுறை நாட்களின் பட்டியலைப் பார்ப்பது உங்கள் சிக்கலைக் குறைக்கும்.
2025 ஜூலை மாத வங்கி விடுமுறைகள் விபரம்
பண்டிகைகள் மற்றும் கொண்டாட்டங்கள் காரணமாக சில மாநிலங்கள் அல்லது பிராந்தியங்களில் உள்ள அனைத்து வங்கிகளும் மூடப்பட்டிருக்கும்
ஜூலை 3 (வியாழக்கிழமை) - திரிபுராவில் கார்ச்சி பூஜை
ஜூலை 5 (சனிக்கிழமை) - ஜம்மு மற்றும் ஸ்ரீநகரில் குரு ஹர்கோபிந்த் ஜியின் பிறந்தநாள்
ஜூலை 14 (திங்கள்) - மேகாலயாவில் பெஹ் தின்க்லாம்
ஜூலை 16 (புதன்) - உத்தரகண்டில் ஹரேலா விழா
ஜூலை 17 (வியாழக்கிழமை) - மேகாலயாவில் உதிரோட் சிங்கின் நினைவு நாள்
ஜூலை 19 (சனிக்கிழமை) - திரிபுராவில் கெர் பூஜை
ஜூலை 28 (திங்கள்) - சிக்கிமில் ட்ருக்பா ட்ஷே-ஜி
வார இறுதி நாட்களில் நாடு முழுவதும் வங்கிகள் மூடப்படும்
ஜூலை 6 (ஞாயிற்றுக்கிழமை) - நாடு முழுவதும் வாராந்திர விடுமுறை
ஜூலை 12 (சனிக்கிழமை) - இரண்டாவது சனிக்கிழமை, நாடு முழுவதும் மூடப்படும்
ஜூலை 13 (ஞாயிற்றுக்கிழமை) - நாடு முழுவதும் வாராந்திர விடுமுறை விடுமுறை நாட்கள்
ஜூலை 20 (ஞாயிறு) – நாடு முழுவதும் வாராந்திர விடுமுறை
ஜூலை 26 (சனிக்கிழமை) – நான்காவது சனிக்கிழமை, நாடு முழுவதும் மூடப்படும்
ஜூலை 27 (ஞாயிறு) – நாடு முழுவதும் வாராந்திர விடுமுறை
விடுமுறை நாட்களில் நீங்கள் வங்கி கிளைக்குச் செல்ல முடியாது, ஆனால் இணைய வங்கி, மொபைல் வங்கி, UPI மற்றும் ATM போன்ற சேவைகள் எப்போதும் கிடைக்கும். பணத்தை எடுப்பது, பண பரிமாற்றம், பில்களை செலுத்துவது அல்லது இருப்பைச் சரிபார்ப்பது என எதுவாக இருந்தாலும் - இந்த வசதிகள் மூலம் உங்கள் பெரும்பாலான வேலைகளை எளிதாக முடிக்க முடியும். விடுமுறை நாட்களிலும் UPI சேவைகள் செயல்படும் என்பதை நினைவில் கொள்ளுங்கள், எனவே பரிவர்த்தனைகளில் எந்தப் பிரச்சினையும் இருக்காது.
மேலும் படிக்க | தனிநபர் கடன் Vs கிரெடிட் கார்டு... அவசர நிதி தேவைக்கு ஏற்றதாக இருப்பது இது?
மேலும் படிக்க | Tatkal Ticket Booking : IRCTC வெளியிட்ட மற்றொரு அறிவிப்பு.. பயணிகளுக்கு ஜாக்பாட்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
