மார்ச் 1 இன்று முதல் புதிய விதிமுறைகள் : எல்பிஜி சிலிண்டர் விலை உயர்வு முதல் EPFO வரை

March 1 new rules : மார்ச் 1 ஆம் தேதியான இன்று முதல் எல்பிஜி சிலிண்டர் விலை உயர்வு முதல் EPFO வரை நடைமுறைக்கு வந்த புதிய விதிமுறைகள்.

March 1 new rules Today : ஒவ்வொரு மாதத்தின் தொடக்கத்திலும், எல்லா துறைகளிலும் சில விதிகள் மாறும். அவை நம் வாழ்க்கையை நேரடியாகப் பாதிக்கும் விதிமுறைகளாக இருக்கின்றன. அந்தவகையில் மார்ச் ஒன்றாம் தேதியான இன்று முதல் எல்பிஜி எரிவாயு சிலிண்டர்களின் விலை உயர்வு முதல் காப்பீட்டு பிரீமியம் செலுத்துதல், பொது வருங்கால வைப்பு நிதி வரையிலான புதிய விதிமுறைகளை தெரிந்து கொள்ளுங்கள்.

Add Zee News as a Preferred Source

எல்பிஜி சிலிண்டர் விலையில் மாற்றம்

ஒவ்வொரு மாதமும் முதல் தேதியன்று, எண்ணெய் மற்றும் எரிவாயு விநியோக நிறுவனங்கள் எல்பிஜி எரிவாயு சிலிண்டர்களின் விலையை மாற்றுகின்றன. இந்த மாதமும் இதே போன்ற மாற்றம் ஏற்பட வாய்ப்புள்ளது. பிப்ரவரி 1 ஆம் தேதி 19 கிலோ வணிக எல்பிஜி எரிவாயு சிலிண்டரின் விலை குறைக்கப்பட்டது. மார்ச் மாதத்துக்கான விலை இன்று அறிவிக்கப்பட்டது. அதன்படி சென்னையில் 19 கிலோ எடையுள்ள வணிக சிலிண்டருக்கான விலை 5 ரூபாய் 50 காசுகள் அதிகரித்தது. அதன்படி, 1,965 ரூபாய்க்கு விற்பனையாகிறது.

ஜெட் எரிபொருள் விலை மாற்றங்கள்

ஜெட் எரிபொருளின் விலையும் ஒவ்வொரு மாதமும் முதல் தேதியில் மாற்றப்படும். மார்ச் மாதத்திலும் ஜெட் எரிபொருளின் விலையில் மாற்றம் ஏற்பட வாய்ப்பு உள்ளது. ஜெட் எரிபொருளின் விலையில் ஏற்படும் மாற்றங்கள் விமானப் பயணிகளின் பைகளை நேரடியாகப் பாதிக்கும்

UPI மூலம் காப்பீட்டு பிரீமியம் செலுத்துதல்

காப்பீட்டு பிரீமியங்களை செலுத்துவது இப்போது மிகவும் எளிதாகிவிட்டது. IRDAI, காப்பீடு-ASBA என்ற புதிய வசதியை அறிவித்துள்ளது. இந்த வசதி மார்ச் 1, 2025 முதல் நடைமுறைக்கு வந்திருக்கிறது. இந்த வசதியில், UPI ஐப் பயன்படுத்தி பிரீமியம் செலுத்தலாம். இந்த வசதி UPI பயன்படுத்தும் கோடிக்கணக்கான மக்களுக்குக் மிகப்பெரிய வரப்பிரசாதமாக அமையும்.

UAN காலக்கெடு நீட்டிப்பு

பொதுவருங்கால வைப்பு நிதி கணக்கில் செயல்படாமல் இருக்கும் யுனிவர்சல் கணக்கு எண் (UAN) செயல்படுத்துவதற்கும், வங்கிக் கணக்கை ஆதாருடன் இணைப்பதற்கும் மார்ச் 15 வரை EPFO ​​காலக்கெடுவை நீட்டித்துள்ளது. EPFOவின் ELI திட்டத்தைப் பயன்படுத்திக் கொள்ள இந்த விஷயங்களை செய்வது கட்டாயமாகும்.

மியூச்சுவல் ஃபண்ட் முதலீட்டாளர்கள்

மியூச்சுவல் ஃபண்டுகள் மற்றும் டீமேட் கணக்குகளில் நியமன விதிகளில் செபி ஒரு பெரிய மாற்றத்தைச் செய்துள்ளது. புதிய விதிகளின்படி, முதலீட்டாளர்கள் இப்போது தங்கள் டீமேட் கணக்குகள் அல்லது மியூச்சுவல் ஃபண்ட் ஃபோலியோக்களில் அதிகபட்சம் 10 பேரை பரிந்துரைக்க முடியும். இந்த விதி மார்ச் 1, 2025 முதல் அமலுக்கு வந்துள்ளது

வங்கி விடுமுறை நாட்கள்

மார்ச் மாதத்திற்கான வங்கி விடுமுறை நாட்களின் பட்டியலை இந்திய ரிசர்வ் வங்கி அறிவித்துள்ளது. அதன்படி, மார்ச் மாதத்தில் வங்கிகளுக்கு மொத்தம் 14 நாட்கள் விடுமுறை இருக்கும். எனவே, மார்ச் மாதத்தில் வரவிருக்கும் பணிகளுக்கு, வங்கி விடுமுறை நாட்களின் பட்டியலைச் சரிபார்த்த பிறகு நீங்கள் உங்கள் வங்கி கிளைக்குச் செல்லுங்கள்.

மார்ச் மாதத்தில் பல முக்கியமான விதிமுறை மாற்றங்கள் நிகழ்ந்திருக்கின்றன. எல்பிஜி விலைகள் முதல் காப்பீட்டு பிரீமியம் செலுத்தும் முறைகள் வரை அனைத்தும் மாறி உள்ளன. இந்த மாற்றங்கள் உங்களின் பட்ஜெட்டை நேரடியாக பாதிக்கும். எனவே, இந்த மாற்றங்களைப் பற்றி அறிந்திருப்பதும் அதற்கேற்ப உங்களைத் தயார்படுத்திக் கொள்வதும் முக்கியம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!