PPF Investment Tips | பொது வருங்கால வைப்பு நிதி (PPF) இந்தியாவில் மிகவும் பிரபலமான முதலீட்டு திட்டங்களில் ஒன்றாகும். முதலீட்டில் ரிஸ்க் எடுக்க விரும்பாதவர்களுக்கும், நீண்ட காலத்திற்கு பணத்தை முதலீடு செய்ய விரும்புபவர்களுக்கும் இந்தத் திட்டம் மிகவும் நல்லது. இது தவிர, இந்தத் திட்டத்தில் வருமானம் மற்றும் முதலீடு இரண்டிற்கும் வரிச் சலுகைகளைப் பெறுவீர்கள். வேலை இல்லாதவர்களும் நீண்ட கால முதலீட்டிற்கு PPF-ஐத் தேர்வு செய்யலாம். இந்தத் திட்டத்தில் முதலீடு செய்வதன் 5 முக்கிய மிகப்பெரிய நன்மைகள் கிடைக்கும். அவை என்ன என்பதை தெரிந்து கொள்ளுங்கள்.
உத்தரவாதமான வருமானம்
பொது வருங்கால வைப்பு நிதிக்கு மத்திய அரசின் பாதுகாப்பு உத்தரவாதம் உள்ளது. அதாவது நீங்கள் அதில் முதலீடு செய்யும் ஒவ்வொரு பைசாவும் முற்றிலும் பாதுகாப்பாக இருக்கும். இதில் பணத்தை இழக்கும் அபாயம் இல்லை. நீங்கள் வங்கியில் பணத்தை டெபாசிட் செய்தால், DICGC சட்டத்தின் (வைப்பு காப்பீடு மற்றும் கடன் உத்தரவாதக் கழகம்) கீழ், தற்போது அதிகபட்சமாக ரூ.5 லட்சம் வரையிலான தொகைக்கு மட்டுமே உத்தரவாதம் கிடைக்கிறது.
வரிச் சலுகை
வருமான வரிச் சட்டத்தின் பிரிவு 80C-ன் கீழ் PPF வரி விலக்கு நன்மையை வழங்குகிறது. EEE என்ற விலக்கு விலக்கு விலக்கு என்ற வரி நிலையைப் பெற்றுள்ளது. இதில் முதலீடு செய்யும் தொகைக்கு உங்கள் வரி வருமானத்திலிருந்து ரூ.1.5 லட்சம் வரை விலக்கு பெறலாம். இது தவிர, இந்தத் திட்டத்தில் பெறப்படும் வட்டி மற்றும் 15 ஆண்டுகளுக்குப் பிறகு பெறப்படும் முதிர்வுத் தொகைக்கும் முழுமையாக வரி விலக்கு அளிக்கப்படுகிறது. இந்த வகையில், வரிச் சலுகைகளைப் பொறுத்தவரை இது சிறந்த திட்டங்களில் ஒன்றாகும்.
சிறிய முதலீடுகளில் அதிக வருமானம்
நீங்கள் வெறும் 100 ரூபாய்க்கு பொது வருங்கால வைப்பு நிதியில் முதலீடு செய்யத் தொடங்கலாம். ஒவ்வொரு ஆண்டும் குறைந்தபட்சம் ரூ.500 முதல் அதிகபட்சம் ரூ.1.5 லட்சம் வரை முதலீடு செய்யலாம். இது தவிர, நீங்கள் விரும்பினால், அதிகபட்சம் 12 தவணைகளில் அல்லது மொத்த தொகையாக பணத்தை முதலீடு செய்யலாம். அதாவது PPF-இல் முதலீடு செய்வதற்கான விதிகள் மிகவும் எளிதானவை. இந்தத் திட்டத்தின் வருமானமும் மிகவும் நன்றாக உள்ளது. PPF-க்கான வட்டி விகிதம் எப்போதும் 7-8%-க்குள் இருக்கும். தற்போது, அதாவது FY25 இன் Q4 இல், இது 7.1% விகிதத்தில் வட்டியைப் பெறுகிறது. இது பெரும்பாலான வங்கிகளின் FD-ஐ விட சிறந்தது.
முதலீடு காலத்தை நீட்டிக்கலாம்
உங்கள் PPF கணக்கு 15 ஆண்டுகளுக்குப் பிறகு முதிர்ச்சியடையும் போது, உங்களுக்கு இரண்டு வழிகள் உள்ளன. முதலில், நீங்கள் முழுத் தொகையையும் எடுக்கலாம். இது தவிர, நீங்கள் அதை ஐந்து ஆண்டுகளுக்கு நீட்டிக்கவும் முடியும். இதில் இன்னொரு நன்மையும் இருக்கும். நீட்டிக்கப்பட்ட காலத்திற்கு நீங்கள் தொடர்ந்து பங்களிக்க விரும்புகிறீர்களா இல்லையா என்பதை நீங்களே தேர்வு செய்யலாம்.
பொது வருங்கால வைப்பு நிதியில் கடன்
இது இந்த திட்டத்தின் மிகப்பெரிய நன்மை என்னவென்றால், வங்கியில் கடன் பெறுவதில் உங்களுக்கு சிரமம் இருந்தால், பத்திரம், வீடு உள்ளிட்ட எதையும் அடமானம் வைத்து கடன் வாங்க விரும்பவில்லை என்றால், உங்கள் PPF கணக்கில் உள்ள முதலீட்டின் அடிப்படையில் கடன் பெறலாம். கணக்கைத் தொடங்கிய மூன்றாவது ஆண்டில் இந்த வாய்ப்பு இருக்கிறது. ஒருவேளை உங்கள் கணக்கை நீட்டிக்கிறீர்கள் என்றால் ஆறாவது ஆண்டிலும் கடன் பெறலாம்.
மேலும் படிக்க | Budget 2025: வரிச்சலுகை குறித்த பெரிய அறிவிப்பு... அதிக லாபகரமானதாக மாறப்போகும் NPS
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
