விமானத்தில் பயணிக்கும்போது தெரிந்து கொள்ள வேண்டிய பாதுகாப்பு குறிப்புகள்!

Safety Procedures For Passengers Who Travel In Flight : 242 பயணிகளுடன் பயணித்த ஏர் இந்தியா போயிங் AI 171 ரக விமானம், டேக் ஆஃப் ஆன சில வினாடிகளுக்குள் மருத்துவ மாணவர்களின் விடுதியில் மோதி பெரும் விபத்துக்குள்ளானது. இந்த விமான விபத்தில், ஒரு பயணியை தவிர அனைவரும் உயிரிழந்தனர். 

அத்தனை பேர் உயிரிழந்த போதும், விஷ்வகுமார் என்ற ஒரு இளைஞர் மட்டும் பிழைத்தது எப்படி என்ற கேள்வி எழுந்திருக்கிறது. இவர், விமானத்தின் முன்பகுதியில் இருந்த அவசர வழிக்கு முன் இருக்கையில் அமர்ந்திருக்கிறார். அவர், விமானம் தரையை நோக்கி கீழே விழ வரும் போது, அவசர வழித்தடத்தின் வழியாக வெளியில் குதித்து தப்பித்ததாக கூறியிருக்கிறார். இவர் இப்படி துரிதமாக செயல்பட்டதால், இன்று உயிர் பிழைத்திருப்பதாக பலர் கூறி வருகின்றனர். இது போல, விமானத்தில் பயணிக்கும் போது எந்த மாதிரியான பாதுகாப்பு வழிமுறைகளை பின்பற்ற வேண்டும் என்பது குறித்து இங்கு காண்போம்.

அவசர காலத்தில் என்ன செய்ய வேண்டும்?

விமானம், சிறிது நிலை தடுமாறும் போது பெரும்பாலான காயங்கள் ஏற்பட காரணமாக இருப்பது, அவர்கள் சீட் பெல்ட் அணியாததால்தான் என கூறப்படுகிறது. எனவே, எப்போதும் நீங்கள் விமானத்தில் ஏறியவுடன் சீட் பெல்ட் அணிய வேண்டியது கட்டாயம் ஆகும்.

விமான ஊழியர்கள் சொல்லும் குறிப்புகள்:

விமானம் புறப்படும் முன்பு, விமான பணிப்பெண்கள் அல்லது விமான ஊழியர்கள், பாதுகாப்பு வழிமுறைகளை கூறுவர். ஆனால், பெரும்பாலான விமான பயணிகள் அதனை கேட்பதில்லை. அவர்கள், அவசரகால வழிமுறைகள் குறித்த குறிப்புகளையும் கூறுவர். எனவே, அதனை கண்டிப்பாக கவனத்துடன் கேட்க வேண்டும்.

எழுந்து நடக்க வேண்டாம்:

விமானம் நிலை தடுமாறும் போது எங்கும் எழுந்து நடக்க வேண்டாம். அப்படியே கழிவறையில் இருக்கும் கட்டாயம் வந்தாலும், உடனே சீட்டிற்கு வந்து அமர்ந்து கொள்ள வேண்டும். உடனடியாக சீட்டிற்கு வர முடியவில்லை என்றால், அருகில் இருக்கும் சுவர் அல்லது ஏதேனும் பொருளை நிலையாக நிற்க பிடித்துக்கொள்ள வேண்டும்.

விமான டிக்கெட் புக்கிங்:

விபத்துகள் ஏற்படாத, அல்லது விபத்துகள் குறைவாக ஏற்பட்டிருக்கும் ஏர் லைன்ஸ்களை தேர்ந்தெடுத்து அவற்றில் டிக்கெட் புக்கிங் செய்ய வேண்டும்.

அவசர வழி:

நீங்கள் இருக்கும் இருக்கையில் இருந்து, அவசர வழி எங்கு இருக்கிறது என்பதை தெரிந்து கொள்ள வேண்டும்..

அழைப்பு பொத்தான்:

உங்களுக்கு உடல் நிலை சரியில்லாத நிலை ஏற்பட்டாலோ, ஏதேனும் அவசரமாக தேவைப்பட்டாலோ அழைப்பு பொத்தானை அழுத்தலாம்.

தயார் நிலையில் இருத்தல்:

விமானத்தில் இருக்கும் விமான ஊழியர்கள் உங்களை ஏதேனும் தாக்கத்திற்காக தயார் நிலையில் இருக்க சொன்னால் தயார் நிலையில் இருப்பது நன்று. விமானம் நிலை தடுமாருகையில் அவர்கள், உங்களை கீழே குணிந்து கொண்டு, தரையோடு தரையாக படுத்துக்கொள்ள சொன்னால், அதை செய்ய வேண்டும். உங்கள் கைகளை தலை மீது வைத்து, கைகளை கழுத்துக்கு மேல் வைத்துக்கொள்ள வேண்டும். தரைய்யில் உங்கள் பாதங்களை ஃப்ளாட் ஆக வைத்துகொண்டு, இரு கால்களையும் ஒன்றாக சேர்த்து வைத்துக்கொள்ள வேண்டும்.

ஆக்சிஜன் மாஸ்க்:

நீங்கள் இருக்கும் கேபினில் அழுத்தத்தை உணர்ந்தால், உடனே உங்களுக்கு மேல் இருக்கும் ஆக்சிஜன் மாஸ்க் கீழே விழும். பிறருக்கு உதவும் முன்பு நீங்கள் உங்கள் முகமூடிகளை முதலில் மாட்டிக்கொள்ளவும். 

விமானத்தில் புகை அல்லது நெருப்பு படர்ந்தால், உங்கள் மூக்கை ஏதேனும் துணி அல்லது கைக்கொண்டு மூடவும். இது, நீங்கள் புகையை சுவாசித்து மயக்கமாவதை தடுக்கும்.

மேலும் படிக்க | Ahmedabad Plane Crash: விமான விபத்திற்கு முன் நடந்தது என்ன... விசாரணையில் முக்கியத்துவம் பெறும் Black Box

மேலும் படிக்க |  MAYDAY என்றால் என்ன? விமானிகள் இந்த வார்த்தையை பயன்படுத்தவது ஏன்? முழு அர்த்தம்..

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ