சனி வக்ர பெயர்ச்சி 2022: ஜோதிடத்தில், சனி பகவான் கர்மாவின் கிரகமாக கருதப்படுகிறார். அதாவது, சனி பகவான் நாம் செய்த காரியங்களுக்கு ஏற்ப பலன் தரும் கடவுளாவார். ஆகையால், மக்கள் பொதுவாக சனிபகவானை கண்டு அதிகம் அச்சப்படுவதுண்டு.
சனியின் வக்ர பெயர்ச்சி, அதாவது சனி பகவானின் பிற்போக்கு நகர்வு இன்னும் மோசமானது. இதன் தாக்கம் கொள்ளும் ராசிகளுக்கு பல பிரச்சனைகள் வரக்கூடும்.
ஜூன் 5 முதல் கும்ப ராசியில் சனி பிற்போக்கு நகர்வை மேற்கொள்ளவுள்ளதால், இது 12 ராசிகளிலும் பெரிய தாக்கத்தை ஏற்படுத்தும். 5 ராசிக்காரர்களுக்கு வக்ர சனியின் தாக்கம் சற்று அதிகமாகவே இருக்கும். ஏனென்றால், இந்த ராசிகள் ஏற்கனவே சனி தசை மற்றும் ஏழரை நாட்டு சனியின் தாக்கத்தில் உள்ளனர்.
இந்த 5 ராசிகளிலும் சனியின் சிறப்பு பார்வை உள்ளது
தற்போது 5 ராசிக்காரர்கள் சனியின் மகாதசையை எதிர்கொண்டுள்ளார்கள். கடகம் மற்றும் விருச்சிக ராசிக்காரர்களுக்கு சனி தசை நடக்கிறது. மறுபுறம், மகரம், கும்பம், மீனம் ராசிக்காரர்களின் மீது ஏழரை நாட்டு சனியின் தாக்கம் உள்ளது. இதுபோன்ற சூழ்நிலையில், ஜூன் 5 முதல் சனியின் வக்ர பெயர்ச்சி இந்த ராசிக்காரர்களின் வாழ்க்கையில் பெரிய தாக்கத்தை ஏற்படுத்தும். இக்காலத்தில் நல்ல வேலைகளையும், பிறருக்கு பல உதவிகளையும் செய்தால், சனியின் தோஷங்களில் இருந்து விடுபடலாம்.
கடகம்:
கடக ராசிக்காரர்களுக்கு சனியின் பிற்போக்கு நகர்வு தொல்லை தரும். இந்த ராசியில் சனி தசை நடக்கிறது. கடக ராசிக்காரர்கள் பொருளாதார நிலை, ஆரோக்கியம், வேலை போன்றவற்றில் கவனமாக இருக்க வேண்டும். இந்த நேரத்தில் பண இழப்பு ஏற்படலாம். உடல்நலக் குறைவு ஏற்பட வாய்ப்புள்ளது.
மேலும் படிக்க | ரிஷப ராசியில் புதன் பெயர்ச்சி; இந்த ராசிக்காரர்களின் தலைவிதி மாறும்
விருச்சிகம்:
விருச்சிக ராசியிலும் சனி தசை நடக்கிறது. சனியின் பிற்போக்கு நகர்வால், இந்த ராசிக்காரர்களின் திருமண வாழ்க்கை பாதிக்கப்படலாம். இந்த நேரத்தில் உங்களுக்கு கோபம் அதிகமாக வரும். அகந்தை உணர்வு மேலோங்கும். இந்த நேரத்தில் பொறுமையுடன் செயல்படுவது நல்லது.
மகரம்:
மகர ராசிக்காரர்களுக்கு ஏழரை நாட்டு சனி நடக்கிறது. ஆகையால், இப்போது சனி பகவானின் பிற்போக்கு நகர்வு வேலை மற்றும் தொழிலில் பிரச்சனைகளை கொடுக்கலாம். ஆகையால் இந்த நேரத்தில் கவனமாக இருக்க வேண்டும். இந்த காலத்தில் கடினமாக உழைத்துக்கொண்டே இருங்கள். இதற்கான பலன் சிறிது நேரம் கழித்து நிச்சயமாக கிடைக்கும். இந்த நேரத்தில் நல்ல செயல்களைச் செய்வதும் அவசியமாகும்.
கும்பம்:
கும்ப ராசியிலும் ஏழரை நாட்டு சனி நடக்கிறது. இந்த நேரத்தில், சனி கும்பத்தில் இருக்கிறார். வக்ர பெயர்ச்சியை மேற்கொள்ளவுள்ளார். ஆகையால், கும்ப ராசிக்கார்ரகள் மிகவும் கவனமாக இருக்க வேண்டும். மிகவும் புத்திசாலித்தனமாக முதலீடு செய்யுங்கள். கொடுக்கல் வாங்கல்களிலும் கவனமாக இருக்கவும். இல்லையெனில், சேதம் ஏற்படலாம்.
மீனம்:
மீன ராசிக்காரர்களும் தற்போது ஏழரை நாட்டு சனியின் தாக்கத்தில் உள்ளனர். சனியின் பிற்போக்கு நகர்வின் போது, மீன ராசிக்காரர்களின் தொழில் மற்றும் நிதி நிலையில் மோசமான விளைவை ஏற்படுத்தும். எனவே புத்திசாலித்தனமாக செலவு செய்யுங்கள்.
உங்கள் மனைவியுடன் தகராறு செய்யாதீர்கள். தவறான செயல்களைச் செய்யாதீர்கள். குடும்ப உறுப்பினர்களுடன் சண்டை கொள்ள வேண்டாம். குறிப்பாக, இந்த காலத்தில் வியாபாரிகளுக்கு பிரச்சனைகள் வரலாம்.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவான அனுமானங்கள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களுக்கு பொறுப்பேற்காது.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
