 "உடலில் உள்ள யூரிக் அமில அளவை குறைக்க... இந்த பானங்களை குடிங்க")
)
Uric Acid Control: இன்றைய நவீன காலத்தில் அதிக யூரிக் அமிலம் பிரச்சனை பலரிடம் காணப்படுகின்றது. இதற்கு முக்கிய காரணம் நமது தவறான உணவுப் பழக்கம் மற்றும் மோசமான வாழ்க்கை முறை ஆகும். யூரிக் அமிலம் என்பது நமது உடலில் உள்ள ஒரு வகையான கழிவுப் பொருளாகும். இது பியூரின் என்ற வேதிப்பொருளின் முறிவால் உருவாகிறது.
பொதுவாக, சிறுநீரகங்கள் யூரிக் அமிலத்தை (Uric Acid) வடிகட்டி, சிறுநீர் மூலம் உடலில் இருந்து வெளியேற்றுகின்றன. ஆனால் சிறுநீரகங்கள் சரியாக செயல்படாதபோது, அது மூட்டுகளைச் சுற்றி படிகங்களாக குவியத் தொடங்குகிறது. இதன் காரணமாக மூட்டுகளில் வலி, வீக்கம், நடப்பதில் சிரமம் போன்ற பிரச்சனைகள் ஏற்படத் தொடங்குகின்றன. உடலில் யூரிக் அமிலத்தின் அளவு அதிகமாக உள்ளவர்கள், அதை கட்டுப்படுத்த, உணவில் சிறப்பு கவனம் செலுத்த வேண்டும். யூரிக் அமிலம் அதிகமாக இருந்தால், சில வகையான உணவுகளை உட்கொள்வதைத் தவிர்க்க வேண்டும்.
பொதுவாக கோடை காலத்தில் பல வகையான உடல்நலப் பிரச்சினைகள் ஏற்படக் கூடும். இதில் அதிக யூரிக் அமில பிரச்சனையும் அடங்கும். உடலில் யூரிக் அமிலம் அதிகரித்தால் வீக்கம், மூட்டுகளில் வலி மற்றும் கீல்வாதம் ஏற்படத் தொடங்கும். இந்த யூரிக் அமிலத்தின் அளவைக் கட்டுப்படுத்த சரியான உணவுமுறை முக்கிய பங்கு வகிக்கிறது. அதன்படி இந்த யூரிக் அமிலம் குறைய வைப்பது மிகப்பெரிய பிரச்சனையாகி வருகிறது.
இந்நிலையில் சில பொருட்களை உட்கொள்வது உடலில் சேர்ந்திருக்கும் யூரிக் அமிலத்தை இயற்கையாகவே வெளியேற்ற உதவும். எனவே யூரிக் அமிலப் பிரச்சனையைப் போக்கக்கூடிய ஒரு பானம் உள்ளது. அவற்றை பற்றி இந்த பதிவில் காணலாம். இந்த பானம் தயாரிக்க உங்களுக்கு 5 பொருட்கள் தேவைப்படும். அதன்படி இந்த பானத்திற்கு அரை டீஸ்பூன் மஞ்சள் தூள், 1 டீஸ்பூன் கொத்தமல்லி விதைகள், அரை டீஸ்பூன் சீரகம், அரை டீஸ்பூன் வெந்தயம் மற்றும் கருப்பு மிளகு தேவைப்படும்.
இப்போது இந்த பானத்தை எப்படி தயாரிப்பது என்று பார்ப்போம். இதற்கு முதலில் ஒரு பாத்திரத்தில் 2 கப் தண்ணீரை ஊற்றி சூடாக்கிக் கொள்ளவும். தண்ணீர் நன்றாக சூடாகும்போது, 5 (அரை டீஸ்பூன் மஞ்சள் தூள், 1 டீஸ்பூன் கொத்தமல்லி விதைகள், அரை டீஸ்பூன் சீரகம், அரை டீஸ்பூன் வெந்தயம் மற்றும் கருப்பு மிளகு) பொருட்களையும் ஒவ்வொன்றாகச் சேர்த்து நன்கு கொதிக்க விடவும். இதைச் செய்வதன் மூலம், உங்கள் பானம் தயாராகிவிடும், இந்த பானத்தை தினமும் வெறும் வயிற்றில் குடித்து வரவும்.
யூரிக் அமிலத்தைக் குறைக்க பிற வழிகள்:
அடிக்கடி தண்ணீர் குடிக்கவும்
பியூரின்கள் நிறைந்த உணவுகளை சாப்பிடுவதை தவிர்க்கவும்
பழங்கள் மற்றும் காய்கறிகளை உட்கொள்ளவும்
உடல் எடையைக் கட்டுப்படுக்குள் வைத்திருக்கவும்
(பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது).
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
