பேரை கேட்டாலே சும்மா அதிருதுல்ல... என்ற வகையில் ராஜ நாகங்கள் பேரை கேட்டாலே உடம்பெல்லாம் பதரும்
ராஜநாகம் முட்டையிட்டுக் குஞ்சு பொரிக்கின்ற இனத்தை சார்ந்தது. ராஜநாகம் ஒரே நேரத்தில் 20 முதல் 30 முட்டைகள் வரை இடும்.
பொதுவாக ராஜ நாக பாம்புகள் 12 முதல் 13 அடி நீளம் வரை வளருகின்றன என்றாலும் சில 18 அடி நீளம் வளரக் கூடியது.
ராஜ நாகத்தின் நுண்ணிய பார்வைத்திறன், 300 அடிக்கு அப்பால் உள்ள இரையின் சிறு அசைவைக்கூட அறியும் திறன் கொண்டது.
ராஜ நாகத்தின் வாய்த்தசைகள், இதன் தலையை விட பெரியதாக விரியும் தன்மை கொண்டவை. இதன் மூலம் இவை முழு இரையையும் ஒரே முறையில் விழுங்கிவிடுகின்றன.
ராஜ நாகத்திடம் உள்ள இரட்டை நாக்குகளில் மணம் தரும் வேதிப்பொருள்களை உணரும் நுகரணுக்கள் உள்ளன. இரையை அதன் மணத்தைக் கொண்டே அறிகின்றது.
ஒரு முறை உணவை உட்கொண்டால், அதன் பிறகு பலநாட்கள் உண்ணாமல் உயிர் வாழும் தன்மை கொண்டவை.
இந்தியாவின் மேற்கு தொடர்ச்சி மலை காடுகளில் காணப்படுகின்றன. தமிழ் நாட்டில் திருநெல்வேலி மாவட்ட மாஞ்சோலை மலைக்காடுகளில் அதிகம் காணப்படுகின்றன.