 "போலீசார் பிடியில் நடிகர் ஸ்ரீகாந்த்... போதைப் பொருள் பயன்படுத்தினாரா? - தீவிர விசாரணை")
)
Actor Srikanth: பிரபல தமிழ் நடிகர் ஸ்ரீகாந்த் போதை பொருள் பயன்படுத்தியதாக சந்தேகத்தின் பேரில் போலீசார் அவரிடம் விசாரணை நடத்தி வருகின்றனர். இரண்டு மணிநேரமாக நீண்ட விசாரணைக்கு பின் அவர் போதைப்பொருள் பயன்படுத்தினாரா இல்லையா என்பதை உறுதி செய்வதற்காக சென்னை மெட்ராஸ் மெடிக்கல் கல்லூரியில் அமைந்துள்ள மருத்துவமனையில் நடிகர் ஸ்ரீகாந்திற்கு மருத்துவ பரிசோதனையும் செய்யப்பட்டுள்ளது. மருத்துவ பரிசோதனையின் அறிக்கைகள் வெளியான பின்பு காவல்துறையின் நடவடிக்கை குறித்து முடிவு செய்யப்படும் என தகவல் வெளியாகி உள்ளது. தற்போது வரை அவர் கைதா இல்லையா என்பது குறித்து எவ்வித அதிகாரப்பூர்வ தகவல்களும் வெளியாகவில்லை.
Actor Srikanth: போதைப்பொருள் பயன்பாடு உறுதியா...?
நடிகர் ஸ்ரீகாந்த் போதைப் பொருள் பயன்படுத்தியது உறுதியானதாக தகவல்கள் வெளியாகி உள்ளது. ரத்த மாதிரி எடுத்து மேற்கொண்ட மருத்துவ பரிசோதனையில் போதைப் பொருள் பயன்படுத்தியது தெரிய வந்துள்ளதாக போலீசார் தரப்பில் தகவல் வெளியாகி உள்ளது. கொக்கைன், மெத்தம்பெட்டமைன் போன்ற போதைப் பொருட்களை தொடர்ச்சியாக பயன்படுத்தியவர்களிடம் 45 நாட்கள் வரை மருத்துவ பரிசோதனை செய்யலாம். அதன்படி, ஸ்ரீகாந்திடம் மேற்கொள்ளப்பட்ட மருத்துவ பரிசோதனையில் போதைப் பொருள் உட்கொண்டது உறுதியாகியிருப்பதாக போலீஸ் தரப்பில் தகவல் வெளியாகி உள்ளது.
Actor Srikanth: பிரதீப் அளித்த வாக்குமூலத்தின் பேரில் விசாரணை
சென்னை நுங்கம்பாக்கத்தில் கடந்த மாதம் ஒரு தனியார் மதுபான விடுதியில் அடிதடியில் ஈடுபட்டதாக அதிமுக ஐடி விங் நிர்வாகியாக இருந்த மயிலாப்பூரைச் சேர்ந்த பிரசாத், மற்றொரு அதிமுக பிரமுகர் அஜய் வாண்டையார், பிரபல ரவுடி சுனாமி சேதுபதி உள்ளிட்டோர் போலீசாரால் கைது செய்யப்பட்டனர்.
அதன் பிறகு, பிரசாத் அரசு வேலை வாங்கித் தருவதாக கூறி பண மோசடி செய்தார் என அடுத்தடுத்து போலீசில் புகார்கள் கொடுக்கப்பட்டன. இது தொடர்பாக நுங்கம்பாக்கம், மயிலாப்பூர் ஆகிய காவல் நிலையங்களில் மூன்று வழக்குகள் பதிவு செய்யப்பட்டன. மேலும், பிரசாத், போதைப்பொருள் பயன்படுத்தியதாகவும் புகார்கள் எழுந்தன. இதுதொடர்பாக அவரிடம் தீவிர விசாரணை நடத்தப்பட்டு வந்தது. போதைப் பொருளை யாரிடம் வாங்கினார், யாருக்கெல்லாம் சப்ளை செய்தார் என போலீசார் தீவிர விசாரணை நடத்தி வந்தனர். இதற்கிடையே மோசடியில் ஈடுபட்ட வழக்கில் கைதான அதிமுக ஐ.டி விங் நிர்வாகி பிரசாத்தை கட்சியில் இருந்து நீக்கி அக்கட்சியின் பொதுச்செயலாளர் எடப்பாடி பழனிசாமி நடவடிக்கை எடுத்தார்.
சென்னை நுங்கம்பாக்கத்தில், மதுபான பார் தகராறில் பிரசாத் என்பவர் கைது செய்யப்பட்டார். இவர் முன்னாள் அதிமுக பிரமுகர் என்றும் தகவல்கள் கூறப்படுகின்றன. போதைப்பொருள் வழக்கில் கைது செய்யப்பட்ட பிரதீப் என்பவர் அளித்த வாக்குமூலத்தின் பேரில், பிரசாத் மூலம் நடிகர் ஸ்ரீகாந்துக்கு கொக்கைன் போதை பொருள் சப்ளை செய்ததாக தகவல் கிடைத்திருக்கிறது.
பிரசாத் என்பவர் நடிகர் ஸ்ரீகாந்த் வைத்து தீங்கரை திரைப்படத்தை எடுத்து வந்ததாகவும், அப்போது நடிகர் ஸ்ரீகாந்துக்கு போதைப் பொருள் தேவைப்படுவதாக பிரசாத் தன்னிடம் இருந்து வாங்கி சென்றதாக பிரதீப் காவல்துறையிடம் தெரிவித்துள்ளார். சென்னையில் உள்ள கிளப் மற்றும் பார்ட்டிகளில் இந்த கொக்கைன் போதை பொருளை ஸ்ரீகாந்த் பயன்படுத்தி வந்ததாக தகவல் வெளியாகி உள்ளது. இந்நிலையில், அதிமுக முன்னாள் நிர்வாகி பிரசாத் மற்றும் கொக்கைன் சப்ளை வழக்கில் கைதான பிரதீப் குமார் ஆகியோரிடம் போலீசார் விசாரணை நடத்தியதில், நடிகர் ஸ்ரீகாந்துக்கு போதைப்பொருளை சப்ளை செய்ததாக போலீஸ் விசாரணையில் தெரிவித்ததாக கூறப்படுகிறது.
Actor Srikanth: மற்றொரு நடிகருக்கும் தொடர்பா...?
ஸ்ரீகாந்திற்கும், இயக்குநர் விஷணுவர்தனின் தம்பியும் நடிகருமான ஸ்ரீ கிருஷ்ணாவுக்கும் போதை பொருள் பயன்படுத்துவதை பார்த்ததாக ஏற்கனவே கைது செய்யப்பட்ட பிரதீப் காவல்துறை இடம் தகவல் தெரிவித்துள்ளார். அந்த அடிப்படையில் நடிகர் ஸ்ரீகாந்திடம் மருத்துவ பரிசோதனை மேற்கொண்டு காவல்துறை போதைப்பொருள் வழக்கு தொடர்பாக விசாரணை மேற்கொண்டு வருகின்றனர். ஒரு கிராம் கோக்கைன் 12 ஆயிரம் ரூபாய் ஸ்ரீகாந்துக்கு விற்பனை செய்ததாக பிரதீப் காவல்துறையிடம் தகவல் தெரிவித்துள்ளார். ஆனால் இந்த வழக்கில் இதுவரை ஸ்ரீகாந்த் பெயர் சேர்க்கப்படவில்லை. விசாரணைக்கு பின்னர் தான் ஸ்ரீகாந்த் நேரடி தொடர்பு குறித்து தெரியவரும் என காவல்துறை தகவல் சார்பில் தெரிவிக்கப்பட்டுள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
