 "விஜய் பிறந்தநாள்.. ரீ-ரிலீஸ் செய்யப்படும் மாஸ் திரைப்படம், ரசிகர்களுக்கு ட்ரீட்")
Actor Vijay Mersal To Get Re Release: தமிழ் திரையுலகில் எத்தனை திரைப்படங்கள் வெளி வந்திருந்தாலும், ஒரு சில படங்கள் மட்டுமே அனைவரையும் கவர்ந்த திரைப்படமாக இருக்கும். அப்படிப்பட்ட அனைவரையும் கவர்ந்த திரைப்படம் ஒன்று தான் மெர்சல். அட்லி இயக்கத்தில் விஜய் நடித்து கடந்த 2017 ஆம் ஆண்டு வெளிவந்த திரைப்படம் ‘மெர்சல்’. இந்த படத்தில் சமந்தா, காஜல் அகர்வால், நித்யா மேனன், வடிவேலு, எஸ்.ஜே.சூர்யா, சத்யராஜ், யோகிபாபு, தேவதர்ஷினி, சுரேகா வாணி, மிஷா கோஷல், சிவகுமார், பாண்டியன், தவசி உள்ளிட்ட பலர் நடித்திருந்தனர்.
இப்படத்திற்கு ஏ.ஆர்.ரகுமான் இசையமைத்திருந்தார். ஜி.கே.விஷ்ணு ஒளிப்பதிவு செய்திருந்தார், மேலும் தேனாண்டாள் பிலிம்ஸ் நிறுவனம் பெரும் பொருட்செலவில் இந்த படத்தை தயாரித்து இருந்தது. வெற்றிமாறன், வெற்றி, டாக்டர் மாறன் ஆகிய கதாபாத்திரங்களில் விஜய் நடித்திருந்தார். 120 கோடி பட்ஜெட்டில் தயாரான இந்தப் படம் உலகளவில் 260 கோடி ரூபாய் வசூல் செய்திருந்தது.
இந்நிலையில் நடிகர் விஜய்யின் பிறந்தநாள் வருகிற ஜூன் 22 ஆம் தேதி கொண்டாடப்பட உள்ள நிலையில், தற்போது மெர்சல் திரைப்படம் வருகிற ஜூன் 20 ஆம் தேதி கேரளாவில் ரீ-ரிலீஸ் செய்யப்பட உள்ளதாக தகவல்கள் வெளியாகியுள்ளது. கேரளாவில் நடிகர் விஜய்க்கென தனி ரசிகர் பட்டாளமே உள்ளது. அதேபோல் கர்நாடகாவிலும் மெர்சல் திரைப்படம் வரும் ஜூன் 13 ஆம் தேதி ரீ-ரிலீஸ் செய்யப்படுகிறது என அறிவிக்கப்பட்டு உள்ளது.
#ThalapathyVijay 's #Mersal is re-releasing in theaters on June 20, 2025, which coincides with #Vijay's birthday. This re-release is happening in NORTH INDIA distributed by #WhiteLionEntertainment. The movie, directed by #Attlee features #SamanthaRuthPrabhu and #KajalAggarwal,… pic.twitter.com/oPwWi5obpV
— Atul Mohan (@atulmohanhere) June 9, 2025
சமீபகாலமாக ரீ ரிலீஸ் படங்களுக்கு அதிக வரவேற்பு வழங்கப்பட்டு வருகிறது. இந்த படம் வெற்றி பெற்று வருகின்றன. தமிழகத்தில் கடந்த ஆண்டு கில்லி பட ரீ-ரிலீஸ் மூலம் ரசிகர்களைக் கவர்ந்த நடிகர் விஜய், இந்த ஆண்டு சச்சின் படத்தை ரீ-ரிலீஸ் செய்து அதிலும் வெற்றி பெற்றார்.
இந்த நிலையில், தற்போது நடிகர் விஜய்யின் மெர்சல் படமும் ரீ-ரிலீசுக்கு தயாராகி வரும் நிலையில், இந்த படத்திற்கு அமோக வரவேற்பு கிடைக்கும் என்று எதிர்பார்க்கப்படுகிறது.
இதனிடையே தற்போது ஹெச்.வினோத் இயக்கத்தில் விஜய் முதன்முறையாக நடிக்கும் படம், ஜன நாயகன். இந்த படத்தை கே.வி.என்.ப்ரொடக்ஷன்ஸ் நிறுவனம் தயாரித்திருக்கிறது. இந்த படத்தில் விஜய்யுடன் இரண்டாம் முறையாக பூஜா ஹெக்டே ஜோடி சேர்ந்திருக்கிறார். இவர்கள் ஏற்கனவே, பீஸ்ட் திரைப்படத்தில் இணைந்திருக்கின்றனர். ஜன நாயகன் படத்தில் முக்கிய கதாப்பாத்திரங்களில் மலையாள நடிகை மமிதா பைஜூ, பிரியாமணி, நரேன், பாபி டியோல் உள்ளிட்ட பலர் நடித்திருக்கின்றனர். இந்த படத்தின் படப்பிடிப்பு, கடந்த அக்டோபர் மாதம் பூஜையுடன் தொடங்கிய நிலையில் தற்போது விஜய்க்கான ஜன நாயகன் படத்தின் காட்சிகள் படமாக்கப்பட்டு விட்டதாக கூறப்படுகிறது. இருப்பினும் அது குறித்த எந்த அதிகாரப்பூர்வ அறிவிப்பும் இது வரை வெளியாகவில்லை.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)