 "அஜ்மல், உதயா நடித்துள்ள அக்யூஸ்ட் படத்தின் திரைவிமர்சனம்!")
ஜெய்ஷன் ஸ்டுடியோஸ் அசோசியேட் வித் சச்சின் சினிமாஸ், ஸ்ரீ தயாகரன் சினி புரொடக்ஷன், எம்ஐ ஸ்டுடியோ சார்பில் அல்.உதயா, “தயா” என்.பன்னீர்செல்வம், எம்.தங்கவேல் ஆகியோர் தயாரிப்பில் உருவாகி உள்ள படம் தான் அக்யூஸ்ட். பிரபு ஸ்ரீனிவாஸ் இயக்கி உள்ள இப்படத்தில் உதயா, அஜ்மல், யோகி பாபு, ஜான்விகா கலகேரி, சாந்திகா, பவன், தயா பனீர் செல்வம், ஸ்ரீதர், பிரபு ஸ்ரீனிவாஸ், பிரபு சாலமன், சங்கர் பாபு, ஜெயக்குமார், தீபா ஆகியோர் நடித்துள்ளனர். மருதநாயகம்.ஐ ஒளிப்பதிவு செய்ய, நரேன் பாலகுமார் இசையமைத்துள்ளார். இந்த வாரம் பாடம் திரையரங்குகளில் வெளியான நிலையில் படத்தின் திரைவிமர்சனத்தை பற்றி பார்ப்போம்.
Emotional crime thriller #Accused from today pic.twitter.com/cDrpa3gf59
— AmuthaBharathi (@CinemaWithAB) August 1, 2025
படத்தின் கதை!
இயக்குனர் பிரபு ஸ்ரீனிவாஸ் இயக்கத்தில், நடிகர் உதயா கதாநாயகனாக நடித்துள்ள 'அக்யூஸ்ட்' திரைப்படம், ஒரு ஆக்சன் த்ரில்லர் பாணியில் உருவாகியுள்ளது. ஒரு கொலை குற்றவாளியை ஒரு இடத்திலிருந்து மற்றொரு இடத்திற்கு அழைத்துச் செல்லும் பயணத்தில் நடக்கும் எதிர்பாராத சம்பவங்களை மையமாக கொண்டு, இந்த படத்தின் கதைக்களம் அமைக்கப்பட்டுள்ளது. சென்னை புழல் சிறையில் இருக்கும் கொலை குற்றவாளியான உதயாவை, சேலம் நீதிமன்றத்தில் ஆஜர்படுத்துவதற்காக காவல்துறை ஒரு வாகனத்தில் அழைத்துச் செல்கிறது. சென்னையில் இருந்து சேலம் வரையிலான இந்த நீண்ட பயணம், சாதாரணமாக அமையவில்லை. வழியில் பல திருப்பங்களும், சவால்களும், ஆபத்துகளும் அவர்களை எதிர்கொள்கின்றன. இந்த ஆபத்துகளில் இருந்து காவல்துறை தப்பித்ததா? கைதி உதயா சேலம் நீதிமன்றத்தில் ஆஜர்படுத்தப்பட்டாரா? அந்தப் பயணத்தின் பின்னணியில் இருக்கும் மர்மங்கள் என்னென்ன? என்பதே படத்தின் விறுவிறுப்பான மீதிக் கதை.
நடிகர்கள்
ஒரு கைதியின் பயணத்தை மையமாக வைத்து, முழுமையான ஆக்சன் த்ரில்லர் அனுபவத்தை தருவதற்கு இயக்குனர் பிரபு ஸ்ரீனிவாஸ் முயற்சி செய்துள்ளார்]. படத்தின் ஆரம்பம் முதல் இறுதி வரை, இந்த பயணத்தை மட்டுமே திரைக்கதை நம்பி நகர்கிறது. இதனால் ஒருவித பரபரப்பும், அடுத்து என்ன நடக்கும் என்ற எதிர்பார்ப்பும் படம் முழுவதும் தக்கவைக்கப்படுகிறது. கொலைக் குற்றவாளி என்ற வித்தியாசமான கதாபாத்திரத்தில் நடிகர் உதயா நடித்துள்ளார். ஒரு கைதியின் உடல் மொழி, அவனது மன போராட்டம் மற்றும் அவனது பின்னணியில் இருக்கும் மர்மம் ஆகியவற்றைத் தனது நடிப்பின் மூலம் கொண்டு வர அவர் முயற்சித்துள்ளார்.
இந்த பயணத்தின் போது நடக்கும் சம்பவங்கள், ஆக்ஷன் காட்சிகளுக்கு அதிக முக்கியத்துவம் கொடுத்து வடிவமைக்கப்பட்டுள்ளன. மேலும் காவல்துறை அதிகாரியாக வரும் அஜ்மல் சிறந்த நடிப்பை கொடுத்துள்ளார். காவல்துறைக்கே உள்ள நடை, பாவனை என அசத்தியுள்ளார். இருப்பினும் ஒரு சில இடங்களில் இன்னும் நல்ல முகபாவனைகளை கொண்டு வரலாம். படத்தில் வரும் மற்ற சப்போர்டிங் கதாபாத்திரங்களும் இயக்குனர் சொன்ன வேலையை செய்துள்ளனர். ஒரு நேர்கோட்டு திரைக்கதையில், திருப்பங்களை மட்டுமே நம்பி பயணிக்கிறது 'அக்யூஸ்ட்'. இதுபோன்ற பயண கதைகளில், கதாபாத்திரங்களுக்கு இடையேயான உரையாடல்களும், அவர்களின் உணர்வுப்பூர்வமான பிணைப்பும் மிக முக்கியம்.
ஆனால், இந்தப் படம் ஆக்ஷன் மற்றும் த்ரில்லர் அம்சங்களுக்கு அதிக முக்கியத்துவம் கொடுத்துள்ளது. ஒளிப்பதிவு, இசை, எடிட்டிங் என அனைத்தும் படத்திற்கு இன்னும் கூடுதலாக உதவி இருக்கலாம். மொத்தத்தில், 'அக்யூஸ்ட்' திரைப்படம் ஒரு விறுவிறுப்பான பயண அனுபவத்தை, ஆக்ஷன் மற்றும் த்ரில்லர் கலந்து கொடுக்க முயற்சிக்கிறது. பரபரப்பான சாலை பயண திரைப்படங்களை விரும்புபவர்களுக்கு, இந்த படம் சிறந்த அனுபவத்தைத் தரக்கூடும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)