 "அதர்வாவின் கம்பேக்! எப்படி இருக்கிறது DNA திரைப்படம்? திரை விமர்சனம்!")
)
DNA Movie Review: தமிழ் சினிமாவில் வளர்ந்து வரும் ஹீரோக்களில் முக்கியமான ஒருவராக அதர்வா உள்ளார். அவரது நடிப்பில் நெல்சன் வெங்கடேசன் இயக்கத்தில் உருவாகியுள்ள படம் தான் டிஎன்ஏ (DNA). நீண்ட நாட்களாகவே இந்த படத்தின் மீது ஒரு எதிர்பார்ப்பு இருந்து வந்தது. இந்த படத்தில் அதர்வா தவிர நிஷா சஜயன், பாலாஜி சக்திவேல், சேத்தன், ரமேஷ் திலக் போன்ற பலர் நடித்துள்ளனர். ஒலிம்பியா ஃபிலிம்ஸ் இந்த படத்தை தயாரிக்க ஜிப்ரான் இசையமைத்துள்ளார். சமீபத்தில் வெளியான இந்த படத்தின் டிரைலர் பலரின் கவனத்தை ஈர்த்தது நிலையில், இந்த வாரம் வெள்ளிக்கிழமை படம் திரையரங்குகளில் வெளியாக உள்ளது.
படத்தின் திரைவிமர்சனம்
படத்தின் தொடக்கத்தில் அதர்வாவிற்கு ஒரு பிரேக்கப் ஆகிற.து அதிலிருந்து மீண்டு வரும் அவருக்கு சற்று மனநலம் குன்றிய நடிகை நிமிஷா சஜயனை திருமணம் செய்து வைக்கின்றனர். இருவருக்கும் ஒரு ஆண் குழந்தை பிறக்கிறது, ஆனால் மருத்துவமனையில் அவரது குழந்தைக்கு பதில் வேறு ஒரு குழந்தை கொடுக்கப்படுகிறது. இதனை கண்டுபிடிக்கும் நிமிஷா சஜயன் மற்றும் அதர்வா தனது குழந்தையை தேடி செல்கின்றனர். இந்த பயணத்தில் அவருக்கு பல திடுக்கிடும் உண்மைகள் தெரிய வருகிறது. இறுதியில் அவரது குழந்தையை கண்டுபிடித்தாரா இல்லையா? இதற்கு பின்னால் உள்ள சதி வேலைகளை என்ன என்பதை சுவாரசியமாக சொல்லி இருக்கும் படம் தான் டிஎன்ஏ (DNA).
7 days to go,
— Atharvaa (@Atharvaamurali) June 13, 2025
Done with the last leg of dubbing corrections.
All Locked & Loaded for 20th June .
See you all at the big screens !! https://t.co/Q18cFWzKfx#NimishaSajayan #NelsonVenkatesan @Olympiamovis @Ambethkumarmla@maanasa_chou @Filmmaker2015 @editorsabu… pic.twitter.com/VMiqzfNsvY
படத்தில் ஹீரோ அதர்வா அர்ஜுன் என்ற கதாபாத்திரத்தில் நச்சு என்று பொருந்தியுள்ளார். ஆரம்பத்தில் பிரேக்கப்பிற்கு பிறகு குடித்துவிட்டு கஞ்சா அடிக்கும் ஒரு இளைஞராகவும், பின்பு தனது குழந்தைக்காக போராடும் அப்பாவாகவும் சிறப்பான நடிப்பை வெளிப்படுத்தியுள்ளார். சண்டைக் காட்சிகளிலும் நன்றாக நடித்துள்ளார். மறுபுறம் நிமிஷா சஜயன் திவ்யா என்ற கதாபாத்திரத்தில் தான் ஒரு சிறந்த நடிகை என்பதை மீண்டும் நிரூபித்துள்ளார். மனநலம் குன்றியவராக ஆரம்பக் காட்சிகளிலும் பின்பு தனது குழந்தையைப் பிரிந்து வாடும் ஒரு அம்மாவையும் நம் கண் முன்னே நிற்கிறார். குறிப்பாக இரண்டாம் பாதியில் குழந்தையை கொடுத்துவிட்டு வீட்டில் நடக்கும் ஒரு காட்சியில் கைதட்டல்களை பெறுகிறார்.
இவர்கள் இருவரையும் தாண்டி அதிகம் ரசிக்க வைப்பது காவல்துறை அதிகாரியாக வரும் பாலாஜி சக்திவேல் தான். தன்னுடைய நடிப்புத் திறமைக்கு தீனி போடும் கதாபாத்திரம் என்று புரிந்து கொண்டு நன்றாக நடித்துள்ளார். மேலும் ரமேஷ் திலக், சேத்தன், ரித்திகா, விஜி சந்திரசேகர், சுப்பிரமணிய சிவா ஆகியோரும் நல்ல நடிப்பை வெளிப்படுத்தியுள்ளனர். இப்படி ஒரு கதையை படமாக்க நினைத்து, அதனை சிறப்பான ஒரு திரைக்கதை மூலமும் நம்மை ஆச்சரியப்படுத்தி இருக்கிறார் இயக்குனர் நெல்சன் வெங்கடேசன். காட்சிக்கு காட்சி ஒவ்வொரு இன்பர்மேஷன் ஆக நமக்கு சொல்லிக் கொண்டே வருகிறார் இயக்குனர். படம் தொடங்கி முதல் 30 நிமிடங்கள் எங்கு எங்கோ சென்றாலும் அதன் பிறகு ஒரே நேர் கோட்டில் பலம் நகர்கிறது. குறிப்பாக இரண்டாம் பதில் ஒரு சீட்டேஜ் திரில்லர் போல திரைக்கதையை கொண்டு சென்று இருக்கிறார்.
கிளைமாக்ஸ் காட்சிகளில் விசில் பறக்கும் அளவிற்கு சில காட்சிகளும் இடம் பெற்றுள்ளது, அதனை அழகாக படமாக்கி உள்ளார் இயக்குனர். ஜிப்ரானின் இசையில் பாடல்கள் அவ்வளவு சிறப்பாக இல்லை என்றாலும் பின்னணி இசையில் அசத்தியிருக்கிறார். குழந்தைகளை கடத்தும் கும்பல் எப்படி செயல்படுகிறது, ஏன் செயல்படுகிறது என்பதை மிகவும் விளக்கமாகவும் தெளிவாகவும் டிஎன்ஏ (DNA) படம் கூறி இருக்கிறது. தமிழில் இப்படி ஒரு படம் வெளிவருவது இதே முதல் முறை. பெரிதாக லாஜிக் கேள்விகள் இல்லாத இந்த படத்தில் முதல் அரை மணி நேரத்தையும், படத்தில் வரும் பாடல்களையும் தூக்கி இருந்தாலும் படத்திற்கு எந்த ஒரு பாதிப்பும் ஏற்பட்டு இருக்காது. இந்த வாரம் வெளியாகும் படங்களில் டிஎன்ஏ (DNA) நிச்சயம் தனித்து நிற்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
