 "பிக் பாஸ் பிரபலம் திடீர் மரணம்! கடைசியாக போட்ட எமோஷனல் பதிவு..இணையத்தில் வைரல்")
)
Bigg Boss Shefali Jariwala Last Post Before Death : தமிழை போல, இந்தியிலும் பெரிய நிகழ்ச்சியாக இருக்கிறது பிக்பாஸ். பல சீசன்களை தாண்டியிருக்கும் இந்த நிகழ்ச்சியின் 13வது சீசனில் பங்கேற்றிருந்தவர் ஷெஃபாலி. 2002ஆம் ஆண்டில் இருந்து திரையுலகில் இருக்கும் இவர், சல்மான் கான், அக்ஷய் குமார், பிரியங்கா சோப்ரா உள்ளிட்டோருடன் படங்களில் சேர்ந்து நடித்திருக்கிறார். பிக் பாஸ் நிகழ்ச்சியில் துணிச்சலுடனும் அழகாகவும் பேசிய இவரை பலருக்கும் பிடித்தது.
திடீர் மரணம்!
ஷெஃபாலிக்கு 27ஆம் தேதி இரவு (நேற்று) திடீரென நெஞ்சு வலி ஏற்பட்டுள்ளது. இவரை உடனடியாக அவரது கணவர் மும்பையில் உள்ள மருத்துவமனைக்கு அழைத்து சென்றுள்ளார். ஆனால், அங்கே அவரைப் பரிசோதித்து பார்த்த மருத்துவர்கள், ஷெஃபாலி ஏற்கனவே இறந்துவிட்டதாகத் தெரிவித்திருக்கிறார்கள். இவருக்கு வயது 42 .
இவர் இறப்பிற்கான காரணம் இன்னும் தெரியவில்லை. போஸ்ட்மார்ட்டம் அறிக்கைக்குப் பிறகே அது தெரியவரும் என்று மருத்துவமனை வட்டாரங்கள் கூறியுள்ளது. ஆனால், ஷெஃபாலி இறப்பு குறித்து அவரது குடும்பத்தினர் யாரும் இன்னமும் உறுதி செய்யவில்லை.
இந்தச் செய்தியை இவர் அனுமதிக்கப்பட்ட மருத்துவமனையும், அதன் இதய நோய் நிபுணரும் உறுதி செய்திருக்கிறார்கள் என்பது குறிப்பிடத்தக்கது. இந்தச் செய்தியை அறிந்த பிரபலங்கள் பலரும், ஷெஃபாலிக்கு இரங்கல் தெரிவித்து வருகின்றனர். அவருக்கு மாரடைப்பு ஏற்பட்டிருக்கலாம் என்று கூறப்படும் நிலையில், உடற்கூறாய்வு அறிக்கைக்கு பின்னரே இறப்புக்கான காரணம் குறித்து தெரியவரும்.
கடைசியாக போட்ட பதிவு..
ஷெஃபாலி உயிரழந்ததை தொடர்ந்து இணையம் முழுவதும் இவர் குறித்த பேச்சாக இருக்கிறது. இவர், பிக்பாஸ் 13ஆவது சீசனில் கலந்து கொண்டபோது இவருடன் சக போட்டியாளராக இருந்தவர் சித்தார்த் ஷுக்லா. பிரபல சீரியல் நடிகராக இருந்த இவர் ஷெஃபாலியுடன் 15 வருடங்களுக்கு முன்பு காதல் உறவில் இருந்தனர். பிரேக்-அப்பிற்கு பிறகும் இருவரும் நண்பர்களாக இருந்ததோடு, ஒருவரை ஒருவர் மரியாதையுடன் நடத்தி வந்தனர். இவரும், தனது 40வது வயதில், 2021ஆம் ஆண்டு மாரடைப்பு ஏற்பட்டு உயிரிழந்தார்.
Thinking of you today mere dost @sidharth_shukla pic.twitter.com/sZNv6Ft1hG
— Shefali Jariwala (@shefalijariwala) September 2, 2024
இவரது இறந்த நாள், கடந்த ஆண்டு செப்டம்பர் 2ஆம் தேதி. அந்த நாளில் ஷெஃபாலி, ‘உண்ணை பற்றி நினைத்து கொண்டிருக்கிறேன்’ என்று அவரை கட்டிப்பிடித்த போட்டோ ஒன்றை பதிவிட்டிருந்தார். இப்படி பதிவிட்ட சில மாதங்களிலேயே ஷெஃபாலியும் அதே மாரடைப்பு காரணமாக உயிரிழந்திருப்பது ரசிகர்களை சோகத்தில் ஆழ்த்தியுள்ளது. அவர், தனது எக்ஸ் தளத்தில் போட்ட கடைசி பதிவும் இதுவாகத்தான் இருக்கிறது. எனவே, ரசிகர்கள் இதனை இணையத்தில் வைரலாக்கி வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
