 "Coolie Trailer :கூலி படத்தின் டிரைலர் வெளியீடு! கவனிக்க வேண்டிய விஷயங்கள் என்ன?")
Coolie Trailer Release : ரஜினிகாந்தும் லோகேஷ் கனகராஜ்ஜும் முதன்முறையாக கைக்கோர்த்திருக்கும் திரைப்படம், கூலி. இதுவரை, கார்த்தி, விஜய், கமல்ஹாசன் உள்ளிட்டாேரை வைத்து படங்களை இயக்கி வந்த லோகேஷ் கனகராஜ், இப்போது முதன்முறையாக ரஜினியின் படத்தை இயக்கியிருக்கிறார். இந்த படத்தின் டிரைலர் தற்போது வெளியாகி இருக்கிறது.
கூலி படத்தின் டிரைலர்:
கூலி படத்தில் ரஜினிகாந்த், தேவா எனும் கதாப்பாத்திரத்தில் நடித்துள்ளார். டிரைலர் நாகார்ஜுனாவின் வாய்ஸ் ஓவரில் இருந்து ஆரம்பிப்பது போல காண்பிக்கப்பட்டுள்ளது.
கவனிக்க வேண்டிய விஷயங்கள்..
3.20 நிமிடங்கள் இருக்கும் இந்தப் ட்ரைலரில், நாகார்ஜுனா, சௌபின் சாஹிர் உள்ளிட்டோர் பயங்கர வில்லன்காக வருகின்றனர். படம், ஃப்ளாஷ் பேக், நிகழ்காலம் என்று பயணிக்கிறது.இதில் நாகார்ஜுனா, சௌபின் சாஹிர், உப்பேந்திரா உள்ளிட்டோருக்கும் ரஜினிக்கும் இடையே ஏற்கனவே ஏதோ பகை இருப்பது போல காண்பிக்கப்பட்டுள்ளது. டிரைலரில் இறுதியில், ஃப்ளேஷ்பேக் காட்சி ஒன்று இடம் பெற்றிருந்தது. இது, அவரது பழைய படத்தின் ஏதேனுமொரு காட்சியாக இருக்கும் என்று கூறப்படுகிறது.
படத்தில், 30 வருடங்களுக்கு முன்பு நிகழ்வது போல் ஒரு ஃப்ளேஷ்பேக் இருக்கிறது. அதே போல, சில காட்சிகளில் ரஜினிகாந்த் கூட்டமாக நிற்கும் பெண்கள் மீது அடிபடாமல் இருக்க அவர்களை காப்பாற்றுவது போன்ற காட்சிகள் இடம் பெற்றுள்ளது. அந்த கூட்டத்தில் ஒரு பெண்ணாக ஸ்ருதிஹாசன் இருக்கிறார். எனவே, இது பெண்களை கடத்தும் கும்பலை பற்றிய படமாக இருக்கலாம் என்று கூறப்படுகிறது.
வழக்கமான கதைகளில் இருந்து வேறு..?
இயக்குநர் லோகேஷ் கனகராஜ்ஜின் மாநகரம் படத்தை தவிர, அவரது பிற படங்கள் அனைத்துமே போதை மருந்துகளை வைத்தும், அப்பொருட்களின் கடத்தல் சம்பந்தப்பட்டதாகவும் மட்டுமே இருக்கும. ஆனால், கூலி படத்தின் கதை சற்று வித்தியாசமானதாக இருக்கிறது.
முக்கிய கதாப்பாத்திரங்கள்..
கூலி படத்தை பொருத்தவரை, ரஜினியை தாண்டி இதில் பான் இந்திய நட்சத்திரங்கள் பல பேர் இருக்கின்றனர். குறிப்பாக, பாலிவுட் நடிகர் அமீர்கான் படத்தின் கடைசி 10 நிமிடங்களில் வர இருக்கிறார். அதே போல, மலையாள நடிகர் செளபின் சாஹிர், கன்னட நடிகர் உப்பேந்திரா, சத்யராஜ், ஸ்ருதிஹாசன், நாகார்ஜுனா உள்ளிட்டோரும் முக்கிய கதாப்பாத்திரங்களில் நடித்துள்ளனர். இதில் அனைவருக்கும் கிரே ஷேட் கதாப்பாத்திரங்கள் கொடுக்கப்பட்டுள்ளன. படத்தை முதல் நாள் முதல் காட்சி பார்ப்பதற்காக ரசிகர்கள் காத்துக்கொண்டுள்ளனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)