Good ad Ugly Box Office Collection: கடந்த வெள்ளிக்கிழமை வெளிவந்த குட் பேட் அக்லி திரைப்படம் நான்கு நாட்களில் வசூலில் பட்டையை கிளப்பி வருகிறது. எவ்வளவு என்கிற தகவலை இங்கே காணலாம்.
Ajith Kumar Good Bad Ugly Box Office Collection Day 4: தமிழ் திரையுலகில் டாப் நடிகர்களுள் ஒருவராக விளங்குபவர் அஜித்குமார். இவர், சமீபத்தில் நடித்து முடித்த படம் குட் பேட் அக்லி. இந்த படம், கடந்த வெள்ளிக்கிழமை திரையரங்கில் வெளியானது.
குட் பேட் அக்லி:
தமிழ் திரையுலகில் வளர்ந்து வரும் இயக்குநராக இருப்பவர், ஆதிக் ரவிச்சந்திரன். இவர், ஒரு இயக்குநர் என்பதை தாண்டி, நடிகர் அஜித்தின் பெரிய ரசிகர் ஆவார். இவர் தற்போது குட் பேட் அக்லி படத்தை நடிகர் அஜித்தை வைத்து இயக்கி இருந்தார். இந்த படம் கடந்த ஏப்ரல் 10 ஆம் தேதி திரையரங்கில் வெளியானது.
கிளாசிக் அஜித்தை திரையில் பார்த்து பல வருடங்கள் ஆகிவிட்டது என்று பலர் புலம்பி வந்த நிலையில், குட் பேட் அக்லி படத்தில் இந்த குறையை அவர் தீர்த்துள்ளார். இதில், அஜித் கேங்க்ஸ்டர் அவதாரம் எடுத்திருக்கிறார்.
குட் பேட் அக்லி ரிலீஸ்:
உலகம் முழுவதும் உள்ள அஜித் ரசிகர்கள் மத்தியில் பெரும் எதிர்பார்ப்புகளை ஏற்படுத்திய படம் இது. குட் பேட் அக்லி படத்தை ரசிகர்கள் தற்போது வரை கொண்டாடி வருகின்றனர். படத்தில் இன்றைய ட்ரெண்ட்க்கு ஏற்றபடி சில காட்சிகளையும் வைத்துள்ளது ரசிகர்களுக்கு மகிழ்ச்சியை தந்துள்ளது.
குட் பேட் அக்லி நடித்த நடிகர் நடிகைகள்:
மைத்ரி மூவி மேக்கர்ஸ் நிறுவனம் தயாரித்துள்ள மைத்திரி மூவி மேக்கர்ஸ் தயாரிப்பில் உருவான குட் பேட் அக்லி படத்திற்கு ஜி.வி. பிரகாஷ் இசையமைக்க த்ரிஷா, தெலுங்கு நடிகர் சுனில், அர்ஜுன் தாஸ், பிரசன்னா, பிரபு, பிரியா பிரகாஷ் வாரியார், சிம்ரன் ஆகியோர் நடித்துள்ளனர்.
படம் எப்படியிருக்கிறது?
குட் பேட் அக்லி திரைப்படம், முழுக்க முழுக்க பழைய பாடல்களாலும், மீம் ரெஃபரன்ஸ்களாலும் ஆனதாக இருக்கிறது. இதை தாண்டி, படம் என்டர்டெயினிங் ஆக இருப்பதாகவும் விமர்சனங்கள் வெளியாகி இருக்கிறது. அர்ஜுன் தாஸின் நடிப்பிற்கும் நல்ல வரவேற்பு கிடைத்துள்ளது. படம், கண்டிப்பாக வெற்றி அடையும் என்று கூறப்படுகிறது.
Theatres are erupting for the fan moments
— Mythri Movie Makers (@MythriOfficial) April 13, 2025
AK SAMBAVAM at its very best #GoodBadUgly #BlockbusterGBU pic.twitter.com/MYfvoQdWkr
நான்கு நாட்கள் வசூல் நிலவரம்:
இந்நிலையில் குட் பேட் அக்லி படம் வெளியாகி நாட்கள் முடிந்துள்ள நிலையில், தற்போது இதுவரை தமிழகத்தில் செய்துள்ள வசூல் குறித்து தகவல் வெளியாகியுள்ளது. அதன்படி குட் பேட் அக்லி படம் தமிழ்நாட்டில் மட்டுமே 4 நாட்களில் ரூ. 91 கோடி வசூல் செய்துள்ளதாக கூறப்படுகிறது. இனி வரும் நாட்களிலும் தமிழகத்தில் இந்த படத்தின் வசூல் மாபெரும் அளவில் இருக்கும். மேலும் இன்று விடுமுறை நாள் என்பதால் வசூல் இன்னுமும் எகிறும் என்று கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)