 "முத்தமழை பாடலுக்கு பின்..அதிகம் கேட்கப்படும் 5 சின்மயி பாடல்கள்!")
)
Chinmayi Trending Songs After Muththa Mazhai : சமீபத்தில் பலரது வாயில் தவழும் பாடலாக இருக்கிறது, ‘முத்த மழை’ பாடல். தக் லைஃப் படத்தில் இடம் பெற்றிருந்த இந்த பாடலை ஒரிஜினலாக பாடியிருந்தது, பாடகி தீதான். ஆனால், சின்மயி இதனை இசை வெளியீட்டு விழாவில் பாடிய பிறகு அவரது வர்ஷன் பெரிய ஹிட் அடித்து விட்டது.
முத்த மழை பாடல்-தக் லைஃப்:
ஏ.ஆர்.ரஹ்மான் இசையில் உருவாகியிருக்கும் முத்தமழை பாடலை சின்மயி தமிழில் பாடவில்லை. வேறு மொழிகளில் பாடியிருந்தார். ஆனால், இசை வெளியீட்டு விழாவிற்கு தீ வராததால் அவர் பாட வேண்டியதாக போயிற்று. இது யூடியூப்பில் வெளியான நாள் முதல் அந்த தளத்தில் ட்ரெண்டிங்கில் இருக்கிறது. இன்றும் இந்த பாடல் டாப் 10 ட்ரெண்டிங்கில் 8வது இடத்தில் இருக்கிறது.
பர பர-நீர்ப்பறவை:
சுனைனா-விஷ்ணு விஷால் நடிப்பில் உருவான படம், நீர்ப்பறவை. இந்த படத்தில் இடம் பெற்றிருக்கும் அனைத்து பாடல்களும் நன்றாக இருக்கும் என்பது ரசிகர்களின் கருத்து. அதிலும், மக்களுக்கு மிகப்பிடித்த பாடல், ‘பர பர பர பறவை ஒன்று’. இதன் ஆண் வர்ஷனை ஜி.வி.பிரகாஷ் குமார் பாடியிருப்பார். இதன் லிரிக்ஸை எழுதியது வைரமுத்து. இதே படத்தில் பெண் வர்ஷன் ஒன்றும் இருக்கும். அதனை சின்மயி பாடியிருப்பார். அதன் வர்ஷன் தற்போது ட்ரெண்டிங்கில் இருக்கிறது.
காதலே காதலே:
#MeToo பிரச்சனைக்கு முன்பு சின்மயியின் குரலில் கடைசியாக வெளியான படம், 96. இந்த படத்தில் சின்மயி த்ரிஷாவிற்கு டப்பிங் பேசியிருப்பதோடு, ‘காதலே காதலே தனிப்பெரும் துணையே’ பாடலையும் பாடியிருப்பார். அதோடு, வசந்த காலங்கள், இரவிங்கு தீவாய், அந்தாதி உள்ளிட்ட பெரும்பாலான பாடல்களை அவர்தான் பாடியிருப்பார். தற்போது இந்த படத்தின் ஆல்பங்கள் ட்ரெண்டிங்கில் உள்ளது.
இதயத்தை ஏதோ ஒன்று:
என்னை அறிந்தால் திரைப்படத்தில் இடம் பெற்றிருந்த ‘இதயத்தை ஏதோ ஒன்று’ பாடலின் பெண் வர்ஷனை சின்மயி பாடியிருப்பார். இந்த பாடலும் தற்போது யூடியூப் தளத்தில் ட்ரெண்டிங்கில் உள்ளது.
சஹானா சாரல் தூவுதோ:
சிவாஜி திரைப்படத்தில் இடம் பெற்றிருக்கும் இந்த பாடல் பலரது ஃபேவரட் ஆகும். சஹானா சாரல் தூவுதோ என்ற இந்த பாடலை சின்மயி பாட, ஏ.ஆர்.ரஹ்மான் இசையமைத்திருப்பார். இந்த பாடலும், முத்த மழை பாடலை அடுத்து இணையத்தில் பலர் விரும்பி கேட்கும் ட்ரெண்டிங் பாடலாக இருக்கிறது.
அன்பில் அவன்:
விண்ணைத்தாண்டி வருவாயா படத்தில் இடம் பெற்றிருந்த பாடல், அன்பில் அவன். இதுவும் ரஹ்மான் இசையில் உருவான படம்தான். இந்த படத்தில் த்ரிஷாவிற்கு வாய்ஸ் கொடுத்ததும் சின்மயிதான் என்பது குறிப்பிடத்தக்கது.
சின்மயிக்கு தடை ஏன்?
முத்தமழை பாடலை சின்மயியின் குரலில் கேட்ட பிறகுதான், பலருக்கு இவர் ஏன் இப்போது தமிழில் பாடுவதில்லை என்கிற எண்ணமே தோன்றியது. அப்பாேதுதான், #MeToo பிரச்சனையில், டப்பிங் யூனியன் தலைவராக இருக்கும் ராதா ரவி, இவருக்கு பாடுவதற்கும் இருந்தும் டப்பிங் பேசுவதற்கும் தடை விதித்திருக்கிறார் என்பது தெரிய வந்தது.
ஒரு காலத்தில், வைரமுத்துவிற்கு எதிராக பாலியல் குற்றச்சாட்டுகளை வைத்ததற்காகவும், பாலியல் குற்றவாளிகளுக்கு எதிராக பேசியதற்காகவும் சின்மயியை பலர் ஆன்லைனில் தாக்கி பேசி வந்தனர். இப்போது அவர்களே, சின்மயிக்கு ஆதரவாக திரும்பியிருக்கின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
