 "ஜன நாயகன் போஸ்டரில் மறைந்திருக்கும் ரகசியம்! விஜய் கையில் ‘இதை’ கவனிச்சீங்களா?")
Jana Nayagan Poster TVK Tattoo In Vijay Hand : அரசியலில் களமிறங்கும் முன், நடிகர் விஜய் கடைசியாக நடித்திருக்கும் படம் ஜன நாயகன். இந்த படத்தின் அடுத்த க்ளிம்ஸ் விஜய் பிறந்தநாளையொட்டி வெளியாக இருக்கிறது. இது குறித்து வெளியான போஸ்டரில் இடம் பெற்றிருந்த முக்கியமான விஷயம் குறித்து ரசிகர்கள் பேசி வருகின்றனர்.
ஜன நாயகன் திரைப்படம்:
நடிகராக மட்டும் இருந்த விஜய், 1 வருடத்திற்கு முன்பு தமிழக வெற்றிக்கழகம் கட்சியின் தலைவராகவும் மாறினார். முழு நேரமாக அரசியலில் குதிப்பதற்கு முன்பு, அவர் கடைசியாக நடித்திருக்கும் படம் ஜன நாயகன். இதனை ஹெச்.வினோத் இயக்குகிறார். இந்த படத்தில் விஜய்க்கு ஜோடியாக பூஜா ஹெக்டே நடித்திருக்கிறார். இது, அவர் விஜய்யுடன் பீஸ்ட் படத்தை அடுத்து ஜோடி சேரும் இரண்டாவது படமாகும். கூடவே, இதில் வில்லனாக பாபி டியோல் நடிக்கிறார். பிரேமலு பட நாயகி மமிதா பைஜு, முக்கிய கதாப்பாத்திரமாக வருகிறார். இவர்களை தவிர கெளதம் மேனன், நரேன், பிரியாமணி உள்ளிட்டோரும் நடிக்கின்றனர்.
2026ஆம் ஆண்டு ஜனவரி 9ஆம் தேதி ஜன நாயகன் படம் வெளியாகும் என்று அறிவிக்கப்பட்டுள்ளது. இந்த படத்திற்கு அனிருத் இசையமைத்திருக்கிறார். இந்த படத்தின் புது போஸ்டர் சமீபத்தில் வெளியானது.
போஸ்டரில் மறைந்திருந்த ரகசியம்..
ஜன நாயகன் படத்தின் புது போஸ்டரை கே.வி.என் ப்ரெடக்ஷன்ஸ் நிறுவனம் வெளியிட்டிருந்தது. “சிங்கத்தின் முதல் கர்ஜனை வரும் 22ஆம் தேதி வெளியாகும்” என்று குறிப்பிடப்பட்டு இருந்தது. இந்த போஸ்டரில் விஜய் மக்கள் மத்தியில் நிற்பது போலவும், ஒரு கையை உயர்த்தி காண்பிப்பது போலவும் காட்சி இடம் பெற்றிருந்தது.
#JanaNayagan - TVK Tattoo in #ThalapathyVijay's Hand.. pic.twitter.com/MVVsKtBRt3
— Laxmi Kanth (@iammoviebuff007) June 20, 2025
இதில், விஜய்யின் கையை கவனித்த ரசிகர்கள் அதில் இருக்கும் ஒரு விஷயத்தை கூறி வருகின்றனர். ஜன நாயகன் படத்தில் விஜய்யின் பெயர் தளபதி வெற்றி கொண்டான். இதை குறிக்கும் வகையிலும் தனது அரசியல் கட்சியான தமிழக வெற்றிக்கழகத்தை குறிக்கும் வகையிலும் விஜய், ஜன நாயகன் படத்தில் TVK என்று டேட்டூ குத்தியிருப்பதாக முன்னர் கூறப்பட்டது. தற்போது வெளியாகி இருக்கும் போஸ்டரில் அவரது கையை zoom செய்து, வெளிச்சத்தை கூட்டி ரசிகர்கள் தற்போது இதனை Decode செய்து வருகின்றனர். அதில், விஜய் கையில் TVK என்று இருக்கும் டேட்டூ எடிட்டை அவர்கள் தற்போது இணையத்தில் ட்ரெண்ட் செய்து வருகின்றனர்.
படப்பிடிப்பு முடிந்ததா?
ஜன நாயகன் படத்தின் படப்பிடிப்பு, கடந்த ஆண்டு அக்டோபர் மாதம் பூஜையுடன் சென்னையில் தொடங்கியது. இதையடுத்து, சென்னையில் சில நாட்கள் படப்பிடிப்பு முடிந்த பிறகு கொடைக்காணலில் சில காட்சிகள் படமாக்கப்பட்டது. இதில் விஜய்-பூஜா ஹெக்டே ஆகியோர் கலந்து கொண்டதாக கூறப்படுகிறது. இவர்கள் இருவரும் தங்கள் பங்கு ஷூட்டிங்கை முடித்ததுக்கொண்டதாகவும், இப்போது பிறருக்கான படப்பிடிப்புகள் நடந்து வருவதாகவும் கூறப்படுகிறது.
விஜய் அடுத்த வருடம் சட்டமன்ற தேர்தலில், முதல்வர் வேட்பாளராக நிற்க இருக்கிறார். இதனால், அதற்கு முன்னர் படத்தை வெளியிட்டால் அவரது தேர்தல் பயணத்திற்கு அது சரியான உந்துதலாக இருக்கும் என்பது பலரது கருத்தாக இருக்கிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)