 "தக் லைஃப் ஓடிடி விலை..தோல்வி படத்திற்கு இவ்வளவு பெரிய தொகையா? எவ்வளவு தெரியுமா?")
Thug Life Movie OTT Price : மணிரத்னம்-கமல்ஹாசன் கூட்டணியில் உருவான படம், தக் லைஃப். கடந்த ஜூன் 5ஆம் தேதி வெளியான இந்த படம், ரசிகர்களை அவ்வளவாக ஈர்க்கவில்லை. இதையடுத்து, இப்படத்தின் ஓடிடி உரிமை குறித்த தகவல் தற்போது வெளியாகி இருக்கிறது.
தக் லைஃப் படம்:
38 ஆண்டுகளுக்கு பிறகு, கமல்-மணிரத்னம் கூட்டணியில் உருவான படம் தக் லைஃப். இந்த படம், கடந்த ஜூன் 5ஆம் தேதி வெளியானது. இசை வெளியீட்டு விழா, ஊர் ஊராக சென்று ப்ரமோஷன் என பெரும் எதிர்பார்ப்புகளை ஏற்படுத்திய இந்த படம், கடைசியில் மண்ணை கவ்வியது.
படத்தில் சிம்பு, த்ரிஷா, அபிராமி, அசோக் செல்வன் என பெரிய நட்சத்திர பட்டாளம் இருந்த போதிலும், இதனை தியேட்டருக்கு இன்னொரு முறை சென்று பார்க்க ஏற்கனவே படம் பார்த்த யாரும் விரும்பவில்லை. ஏ.ஆர்.ரஹ்மானின் பின்னணி இசையும், ஹிட் ஆன பாடல்களும் படத்தில் கத்தரிக்கப்பட்டு விட்டதால், ரசிகர்கள் பெரும் ஏமாற்றம் அடைந்தனர்.
“தமிழ் கன்னடத்தில் இருந்து பிறந்தது” என்ற கமலின் பேச்சு கர்நாடகாவில் பெரும் கொந்தளிப்பை ஏற்படுத்தியது. இதைத்தொடர்ந்து, படத்தை அங்கு வெளியிட முடியாமல் போனது. இப்படி படத்திற்கு அடி மேல் அடி விழுந்த நிலையில், தற்போது இன்னுமொரு அடி விழுந்துள்ளது.
ஓடிடி விலை:
கடந்த சில ஆண்டுகளாகவே, எந்த படம் வெளியாகும் போதும் அதன் ஓடிடி உரிமம் வாங்கப்பட்டு பின்புதான் தியேட்டர்களில் ரிலீஸ் செய்யப்படுகிறது. அப்படி, தக் லைஃப் திரைப்படமும், இந்தியாவின் பெரிய ஓடிடி நிறுவனமான நெட்ஃப்ளிக்ஸில் விற்கப்பட, பேசப்பட்டது. ஆனால், பேசப்பட்ட தொகையை விட, சுமார் 20-25% குறைவாக இப்போது தக் லைஃப் படத்தை பேச்சுவார்த்தை நடத்தி வாங்கியிருக்கிறதம், அந்த நிறுவனம்.
தக் லைஃப் படத்தின் டிஜிட்டல் உரிமையை வாங்குவதற்காக முதலில் பேசப்பட்ட தொகை, சுமார் ரூ.130 கோடி என்று கூறப்படுகிறது. ஆனால், படம் வெளியாகி நெகடிவ் விமர்சனங்கள் வந்ததால், படம் பாக்ஸ் ஆபிஸில் பெரிதாக வசூலை பெறவில்லை. இதையடுத்து, இந்த விலையை மீண்டும் பேச்சு வார்த்தை நடத்தி நெட்ஃப்ளிக்ஸ் நிறுவனம் குறைத்திருப்பதாக கூறப்படுகிறது.
4 வாரங்களில் ரிலீஸ்..?
தக் லைஃப் படம், தியேட்டரில் வெளியானதற்கு 8 வாரங்களுக்கு பிறகு ஓடிடியில் வெளியிடலாம் என்று படக்குழு முடிவு செய்திருந்தது. ஆனால், தற்போது அதை மாற்றி, 4 வாரங்களுக்குள் படத்தை வெளியிட படக்குழு முடிவு செய்திருப்பதாக கூறப்படுகிறது.
இதனால், ஜூன் மாத இறுதிக்குள்ளாகவே நெட்ஃப்ளிக்ஸ் தளத்தில் இப்படத்தை பார்க்கலாம் என தகவல்கள் வெளியாகி இருக்கிறது. இது குறித்த அதிகாரப்பூர்வ அறிவிப்பிற்காக ரசிகர்கள் காத்துக்கொண்டுள்ளனர். கடந்த ஆண்டு வெளியான இந்தியன் 2 படத்தை விட, தக் லைஃப் திரைப்படம் குறைவான வசூலை பெற்றுள்ளது, குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)