Dhanush To Direct Ajith Kumar : தமிழ் திரையுலகின் முன்னணி நடிகராக வலம் வரும் அஜித், அடுத்து யார் படத்தில் நடிக்க இருக்கிறார் என்பது குறித்த தகவல் தற்போது வெளியாகி இருக்கிறது.
அஜித்தை இயக்கும் முன்னணி நடிகர்!
நடிகர் அஜித், இரண்டு படங்களிலும் நடித்து முடித்த பிறகு எந்த இயக்குனருடன் கூட்டணி சேர இருக்கிறார் என்பது குறித்து எதிர்பார்ப்பு எழுந்துள்ளது. சிறுத்தை சிவா, மகாராஜா படத்தை இயக்கிய நித்திலன் உள்ளிட்டோரின் பெயர் அடிபட்டது. ஆனால் யாரும் எதிர்பாராத வகையில் தற்போது ஒரு பிரபல நடிகர் அஜித்தை வைத்து இயக்க இருப்பதாக கூறப்படுகிறது.
இந்த நடிகர் வேறு யாரும் இல்லை தனுஷ்தான். ஹீரோவாக மட்டுமின்றி, இயக்குனராகவும் பா.பாண்டி படம் மூலம் களமிறங்கியவர், கடந்த ஆண்டு ராயன் படத்தை இயக்குனர். இரண்டு வாரங்களுக்கு முன்பு நிலவுக்கு என் மேல் என்னடி கோபம் படமும் இவர் இயக்கத்தில் வெளியானது. தற்போது அஜித்தை வைத்து ஒரு படத்தை இவர் இயக்க இருப்பதாக கூறப்படுகிறது. கூறப்படுகிறது. இதனை தனுஷின் வொண்டர்பார் நிறுவனம் தயாரிப்பதாகவும், அனிருத் இந்த படத்திற்கு இசையமைப்பதாகவும் கூறப்படுகிறது. இது குறித்த அதிகாரப்பூர்வ தகவல்கள் எதுவும் வெளியாகவில்லை என்பது குறிப்பிடத்தக்கது.
இட்லி கடை என்னவாகும்?
தனுஷ், தற்போது இயக்கி-நடித்து வரும் படம் இட்லி கடை. இதில், ராஜ்கிரண், நித்யா மேனன் உள்ளிட்டோர் நடித்து வருகின்றனர். இந்த படம் ஏப்ரல் மாதத்தில் வெளியாக இருந்தது. ஆனால், குட் பேட் அக்லி திரைப்படம் வரும் ஏப்ரல் 10ஆம் தேதி வெளியாவதால் இந்த படத்தின் ரிலீஸ் தள்ளிப்பாேக வாய்ப்பிருப்பதாக தகவல்கள் கசிந்துள்ளது.
குட் பேட் அக்லி:
ஆதித் ரவிச்சந்திரன் இயக்கத்தில் அஜித் நடித்திருக்கும் படம், குட் பேட் அக்லி. துணிவு படம் வெளியாகி 2 வருட பிரேக்கிற்கு பிறகு அஜித் நடித்த விடாமுயற்சி படம், சமீபத்தில் வெளியானது. இந்த படத்தில் நடித்த போதே, அவர் குட் பேட் அக்லி படத்திலும் நடிக்க ஆரம்பித்து விட்டார்.
பல ஆண்டுகளுக்கு பிறகு, இப்போதுதான் அஜித்தின் நடிப்பில் ஒரு வருடத்தில் இரண்டு படங்கள் வெளியாகின்றன. விடாமுயற்சி படம் வீண் போன நிலையில், குட் பேட் அக்லி படத்தின் ரிலீஸை எதிர்பார்த்து ரசிகர்கள் காத்துக் கொண்டுள்ளனர்.
குட் பேட் அக்லி டீசர் சாதனை:
குட் பேட் அக்லி திரைப்படத்தின் டீசர் சமீபத்தில் வெளியானது. இந்த டீசரை பார்த்து ரசிகர்கள் அஜித்திற்கு இந்த படம் கம்-பேக் படமாக அமையும் என எதிர்பார்க்கப்படுகிறது. கடந்த பிப்ரவரி 28ஆம் தேதி வெளியான இந்த படத்தின் டீசர், 24 மணி நேரத்தில் அதிகம் பார்க்கப்பட்ட தமிழ் படங்களின் டீசர்களில் முதல் இடத்தை பெற்றுள்ளது. தற்போது வரை இந்த டீசர், மூன்று கோடி பார்வையாளர்களை கடந்துள்ளது. யூடியூபிலும் நம்பர் ஒன் ட்ரெண்டிங்கில் உள்ளது.
மூன்று தோற்றங்களில் அஜித்..
நடிகர் அஜித், குட் பேட் அக்லி திரைப்படத்தில் மூன்று தோற்றங்களில் நடித்துள்ளார். ஒருவர் நல்லவர், ஒருவர் கெட்டவர், மூன்றாம் அவர் ரொம்ப கெட்டவர் போன்றவை தான் இந்த கதாப்பாத்திரங்களின் கேரக்டராக இருக்கும் என கூறப்படுகிறது.
மேலும் படிக்க | குட் பேட் அக்லி: அஜித்தின் சட்டை விலை எவ்வளவு தெரியுமா? கேட்டால் வாய் பொளப்பீங்க
மேலும் படிக்க | 1 படத்தில் 9 படங்களின் குறியீடு! குட் பேட் அக்லி டீசரில் இதை கவனிச்சீங்களா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
