 "நடிகர் ஸ்ரீ-யின் லேட்டஸ்ட் வீடியோ! என்ன சொல்லியிருக்கிறார் பாருங்க..")
)
Actor Sri Recent Video : ஒரு சில படங்களிலேயே நடித்திருந்தாலும், மக்கள் மத்தியில் பிரபலமான முகமாக இருப்பவர், நடிகர் ஸ்ரீ. இவரது முழு பெயர் ஸ்ரீராம். இவர், சில மாதங்களுக்கு முன்பு உடல் நிலை சரியில்லாமல் இருப்பதை ரசிகர்கள் அவரது இன்ஸ்டாகிராம் பக்கம் மூலம் தெரிந்து கொண்டனர். இதையடுத்து, பல ஆண்டுகளுக்கு பின்னர் அவர் கம்-பேக் கொடுத்திருக்கிறார்.
உடல் நிலை சரியில்லாமல் இருந்த ஸ்ரீ:
நடிகர் ஸ்ரீ, இதுவரை நடித்த படங்கள் மிகவும் குறைவு. ஆனால், ஒவ்வொரு கதையிலும் அவர் நடிக்கும் கதாப்பாத்திரத்திற்கு முக்கிய பங்கு இருக்கும். வழக்கு எண் 18/9, மாநகரம், வில் அம்பு, ஓநாயும் ஆட்டுக்குட்டியும் உள்ளிட்ட படங்களில் இவரது கேரக்டர் மட்டும் முக்கிய பங்கு வகிக்கும் வகையில் இருக்கும். கடைசியாக இவர் இறுகப்பற்று திரைப்படத்தில் நடித்திருந்தார். அதன் பிறகு, அவரை எந்த படத்திலும் பார்க்கவே முடியவில்லை.
ஸ்ரீ பிரபலமான நடிகர் என்றாலும் இவரை இன்ஸ்டாகிராமில் பெரிதாக யாரும் ஃபாலோ செய்யவில்லை. இதையடுத்து திடீரென்று இவரது சமீபத்திய புகைப்படங்கள் சில இணையத்தில் வைரலானது. திரையில் பார்க்க வாட்டசாட்டமாக இருந்த அவர், தான் பகிர்ந்த புகைப்படங்களில் பார்ப்பதற்கு ஒல்லியாகவும் உடல்நிலை சரியில்லாதது போலவும் காட்சியளித்தார். மேலும், தலை முடியை கலர் செய்தும், அரை நிர்வாணத்திலும் வீடியோக்களை பகிர்ந்து வந்தார். இவரது நிலையை பார்த்த ரசிகர்கள், இவருடன் நடித்தவர்களையும், இவரது படத்தை இயக்கியவர்களையும் இணையத்தில் தொடர்பு கொண்டு ஸ்ரீக்கு உதவுமாறு கேட்டனர்.
போதை பழக்கமா?
வழக்கமாக எந்த செலிப்ரிட்டி வாழ்க்கையின் கடினமான கட்டத்தில் நின்றாலும் அவரை பற்றி வீண் வதந்தி பரப்புவதற்கென்ற சில யூடியூப் சேனல்கள் இருக்கின்றன. அப்படி சில யூடியூப் சேனல்கள், ஸ்ரீயின் இந்த நிலைகக்கு போதைப்பழக்கம்தான் காரணம் என்று கிளப்பி விட்டன. ஒரு சிலர் அவர் வறுமையில் வாடுவதாகவும் கூறி வந்தனர். ஸ்ரீ, தமிழ் நாட்டிலேயே இல்லை என்றும், மும்பையில் ஒரு இடத்தில் இருப்பதாகவும் கூறப்பட்டது.
ஸ்ரீ குறித்து முதன்முறையாக பதிவு ஒன்றை வெளியிட்ட லோகேஷ் கனகராஜ், அதில், ஸ்ரீ மருத்துவர்களின் அறிவுறுத்தலின் பேரில் சமூக வலைதளங்களில் இருந்து தள்ளி இருப்பதாகவும், அவரது பிரைவசியை அனைவரும் மதிக்குமாறும் கேட்டுக்கொண்டார். மேலும், அவர் குறித்து பரவும் வதந்திகள் யாவும் தவறு என்றும், அவரது உடல் நிலை குறித்த பொய் செய்திகளை பரப்ப வேண்டாம் என்றும் கூறியிருந்தார்.
வெளியான வீடியோ:
நடிகர் ஸ்ரீ, தற்போது மீண்டும் சமூக வலைதளங்களில் கம்-பேக் கொடுத்திருக்கிறார். இதில் அவர் தனது சமீபத்திய புகைப்படத்தை பகிர்ந்ததோடு, தான் புதிதாக ‘May Eye Come In’ என்ற பெயரில் ஒரு புத்தகத்தை எழுதி இருப்பதாக கூறி அதன் கவரையும் வெளியிட்டிருந்தார்.
இது குறித்த வீடியோவையும் அவர் தற்போது பகிர்ந்திருக்கிறார். அதில், “மீண்டும் இது போன்று உங்களை பார்ப்பது மகிழ்ச்சி அளிக்கிறது” என்று பேசும் அவர் தனது புத்தகத்தை ப்ரமோட் செய்திருக்கிறார். அது ஒரு ஆங்கில நாவல் என்றும் அதை ஆன்லைனில் படிக்கலாம் என்றும் குறிப்பிட்டிருக்கிறார். இந்த வீடியோ பதிவில் அவருக்கு பலரும் வாழ்த்துகளை தெரிவித்து வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
