 "சேரனின் ஆட்டோகிராஃப் படம் ‘இந்த’ தேதியில் ரீ-ரிலீஸ்! எப்போது தெரியுமா?")
)
Autograph Re Release Date : தமிழ் திரையுலகில் எத்தனை திரைப்படங்கள் வெளி வந்திருந்தாலும், ஒரு சில படங்கள் மட்டுமே கிளாசிக் திரைப்படங்களாக இருக்கும். அப்படிப்பட்ட கிளாசிக் ஆன திரைப்படங்களுள் ஒன்று, ஆட்டோகிராஃப். இந்த படத்தை சேரனே நடித்து இயக்கியிருந்தார்.
ஆட்டோகிராஃப்:
ஒரு இளைஞன், தனது திருமணத்திற்காக பழைய நண்பர்களுக்கு பத்திரிகை கொடுப்பதற்காக செல்கிறான். அவன் பயணிக்கையில் பழைய நினைவுகளை அசை போடுகிறான். இதுதான் படம்.
வாழ்வை மாற்றிய பாடல்கள்..
சிறுவயதில் நாம் அனுபவித்த விஷயங்கள், ஏதோ தொலைத்த ஒன்றை மீண்டும் கைகளில் ஏந்தும் போது, நமக்குள் தோன்றும் ஒரு பாடல் ‘நியாபகம் வருதே நியாபகம் வருதே’ என்பதுதான். ஹீரோ, சைக்கிளை எடுத்துக்கொண்டு தான் பள்ளியில் படித்த ஊருக்கு செல்லும் போது இந்த பாட்டு ஆரம்பிக்கும். அதே போல, ‘ஒவ்வாெரு பூக்களுமே’ பாடல், பலரது உடைந்த இதயங்களை ஒட்ட வைத்திருக்கிறது. இந்த பாட்டை கேட்ட பிறகு, தான் தற்கொலை எண்ணங்களில் இருந்து மீண்டதாக பலர் நெகிழ்ந்து கூறியிருக்கின்றனர்.
ரீ-ரிலீஸ்:
20 ஆண்டுகளுக்கு முன்னர் வெளியான ஐக்கானிக் திரைப்படங்கள், மீண்டும் வெளியாவது வாடிக்கையாகி வருகிறது. அந்த வகையில் கில்லி, தளபதி உள்ளிட்ட படங்கள் மீண்டும் திரையரங்குகளில் வெளியாகி பெறும் வரபேற்பை பெற்றுள்ளது. அப்படி, 2004ல் வெளியான போது ஹிட் ஆன ஆட்டோகிராஃப் திரைப்படமும் தற்போது ரீ-ரிலீஸ் செய்யப்பட இருக்கிறது. இது குறித்த அதிகாரப்பூர்வ அறிவிப்பை AI வீடியோ மூலம் இயக்குநர் லாேகேஷ் கனகராஜ் வெளியிட்டிருந்தார். ஆனால், இது எந்த தேதியில் வெளியாகும் என்பது மட்டும் புலப்படாமல் இருந்தது.
"Yes, I am very happy to announce the re-release date of Autograph! It will hit theatres across Tamil Nadu from May 16th. "#Autograph #AutographFromMay16 pic.twitter.com/5JgchkANVf
— Cheran Pandiyan (@CheranDirector) April 6, 2025
எந்த தேதியில் தெரியுமா?
ஆட்டோகிராஃப் திரைப்படம், மே 16ஆம் தேதி திரையரங்குகளில் ரீ-ரிலீஸ் செய்யப்படும் என அப்படத்தின் இயக்குநர் சேரன் தெரிவித்திருக்கிறார். தமிழகத்தின் பிரபலமான திரையரங்குகளில் இப்படம் வெளியாகும் என்று கூறப்படுகிறது.
காதலையும்-வாழ்வியலையும் காட்டிய படம்..
மனிதர்களின் யுனிவர்சல் மொழியாக இருக்கிறது, காதல். இந்த காதலையும் வாழ்வியலையும் காட்டியிருந்த ஆட்டோகிராஃப் திரைப்படம் இளைஞர்களுக்கு மட்டுமல்ல, குழந்தைகள் பெரியவர்கள் என அனைவருக்கும் பிடித்த படமாக இருந்தது. இப்படம் வெளியான போது குழந்தைகளாக இருந்தவர்கள், இப்போது பெரியவர்களாக வளர்ந்து படத்தை பார்க்க இருக்கின்றனர். இதனால், இப்படம் குறித்த எதிர்பார்ப்பு இன்னும் கொஞ்சம் அதிகரித்துள்ளது.
படத்தில் நடித்தவர்கள்:
ஆட்டோகிராஃப் திரைப்படத்தில், சேரன் ஹீரோவாக நடிக்க அவருக்கு வெவ்வேறு காதலிகளாக கோபிகா, மல்லிகா, கனிகா உள்ளிட்டோர் நடித்திருந்தனர். சினேகா, அவருக்கு தோழியாகநடித்திருந்தார். இளவரசு, கிருஷ்ணா, பெஞ்சமின், ராஜேஷ் உள்ளிட்டோர் துணை கதாப்பாத்திரங்களில் நடித்திருக்கின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
