 "தக் லைஃப் தோல்வி.. மன்னிப்பு கேட்ட மணிரத்னம்! என்ன சொல்லியிருக்காரு பாருங்க..")
)
Mani Ratnam Apologizes For Thug Life Failure : 2025ல் வெளியான பெரும்பாலான பெரிய திரைப்படங்கள் ரசிகர்களை ஏமாற்றின. அப்படி, சமீபத்தில் வெளியாகியிருந்த தக் லைஃப் திரைப்படமும் படம் பார்த்தவர்களை பெரிதும் ஏமாற்றத்திற்கு உள்ளாக்கியது. இதையடுத்து, இயக்குனர் மணிரத்தினம் ரசிகர்களிடம் மன்னிப்பு கேட்டிருக்கிறார்.
தக் லைஃப்:
நாயகன் படத்திற்கு பிறகு 38 ஆண்டுகள் கழித்து மணிரத்தினமும் கமலும் கூட்டணி அமைத்தனர். “அமையாத கூட்டணி அமைகிறதே” என ரசிகர்களும் மகிழ்ச்சி அடைந்தனர். ஊர் ஊராக சென்ற பிரமோஷன், பிரம்மாண்ட அளவில் இசை வெளியீட்டு விழா, பெரும் நட்சத்திர பட்டாளத்தை கொண்ட படக்குழு என் அத்தனையும் இருந்தும், இந்த படம் ரசிகர்களை ஈர்க்கவில்லை.
கமல்ஹாசன், சிலம்பரசன், அபிராமி, த்ரிஷா, நாசர் என தக் லைஃப் படத்தில் பல முன்னணி நட்சத்திரங்கள் முக்கிய கதாபாத்திரங்களாக நடித்திருந்தனர். படத்தின் திரை கதையும், அழகான பாடல்கள் வெட்டப்பட்டதும் படத்தின் தோல்விக்கு காரணமாக சொல்லப்பட்டது.
அது மட்டுமன்றி, ஹீரோ கதாபாத்திரம் மனைவி இருக்கும் போது இன்னொரு பெண்ணுடன் தொடர்பில் இருப்பதை நியாயப்படுத்துவது போன்று கதை இருப்பதாக சிலர் கருதினர். இதுவும், படத்தின் நெகட்டிவ் பேரங்கமா இருந்தது. தெளிவற்ற வசனங்கள், தேவையற்ற காட்சிகள் மணிரத்னமிடம் இருந்து பல அதிருப்திகளும் படத்தில் இருந்தன. இதுவும் படத்தின் தோல்விக்கு ஒரு காரணமாக சொல்லப்பட்டது.
மன்னிப்பு கேட்ட மணிரத்னம்:
இயக்குனர் மணிரத்தினம் சமீபத்தில் ஒரு நேர்காணலில் கலந்து கொண்டார். அதில், ரசிகர்கள் அனைவரும் நாயகன் படம் போன்ற ஒரு படத்தை தங்களிடமிருந்து எதிர்பார்த்ததாகவும், அதனால் அவர்களுக்கு ஏமாற்றம் ஏற்பட்டுள்ளதாகவும் மணிரத்னம் தெரிவித்துள்ளார். மேலும், இந்த எதிர்பார்ப்பை பூர்த்தி செய்ய முடியாத காரணத்திற்காக தானும் கமல்ஹாசனும் மன்னிப்பு கேட்டுக் கொள்வதாக அவர் தெரிவித்திருக்கிறார். தாங்கள் புதிதாக ஒன்றை உருவாக்க நினைத்ததாகவும், நாயகன் படத்தையே மிண்டும் எடுக்க வேண்டும் என்பது தங்களின் நோக்கம் கிடையாது என்றும் தெரிவித்திருக்கிறார். படத்தின் தோல்வியை பகிரங்கமாக ஒப்புக் கொண்டு, இப்படி ரசிகர்களிடம் இயக்குனர் மன்னிப்பு கேட்டுள்ளது பாராட்டுக்குரியதாக பலர் தெரிவித்து வருகின்றனர்.
படத்திற்கு எவ்வளவு நஷ்டம்?
தக் லைஃப் திரைப்படம் கிட்டத்தட்ட ரூ.200 கோடி பட்ஜெட்டில் உருவாக்கப்பட்ட கூறப்படுகிறது. இந்த படத்தை கமல்ஹாசனின், ராஜ் கமல் பிலிம்ஸ் இன்டர்நேஷனல் நிறுவனமும், மணிரத்னமின் மெட்ராஸ் டாக்கீஸ் நிறுவனமும், ரெட் ஜெயின்ட் மூவிஸ் நிறுவனமும் இணைந்து தயாரித்திருந்தன. மொழி பிரச்சனை காரணமாக கர்நாடகாவில் படம் வெளியாகவில்லை. இதனால் படகுகளுக்கு ஏற்கனவே 30-40 கோடி நஷ்டம் என்று கூறப்பட்டது. தமிழ்நாட்டிலும் உலக அளவிலும் படம் மொத்தமாக ரூ.85 கோடி மட்டுமே வசூலித்திருப்பதாக கூறப்படுகிறது.
மணிரத்னமின் அடுத்த படம் என்ன?
இயக்குநர் மணிரத்னமின் படம் அதிக எதிர்பார்ப்புகளுக்கு உள்ளான திரைப்படங்கள் தோல்வி அடைவது ஒன்றும் புதிதல்ல. தக் லைஃப் படத்தை அடுத்து அவர் அடுத்து எந்த படத்தை இயக்க போகிறார் என்பது குறித்த எதிர்பார்ப்பு அதிகரித்துள்ளது. இவர், தெலுங்கு நடிகர் நவீன் பாலிஷெட்டியை வைத்து ஒரு ரெமாண்டிக் காமெடி படத்தை இயக்க இருப்பதாக கூறப்படுகிறது. இது குறித்த அதிகாரப்பூர்வ அறிவிப்புகள் எதுவும் வெளியாகவில்லை.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
