 "காவு வாங்கும் காந்தாரா படம்! 3 பேர் தொடர் மரணம்..காரணம் என்ன?")
Repeated Deaths In Kantara 2 Viju Dies : கன்னட மொழியில் வெளியாகி, பெரிய ஹிட் அடித்த பான் இந்திய படம், காந்தாரா. இந்த படத்தின் இரண்டாம் பாகம் உருவாகி வரும் நிலையில், இதில் வேலை பார்த்த 3 பேர் அடுத்தடுத்து உயிரிழந்திருக்கின்றனர். இந்த விஷயம் சினிமா ரசிகர்களை அதிர்ச்சியாக்கியுள்ளது.
காந்தாரா திரைப்படம், 2022ல் வெளியான கன்னட படமாகும். இந்த படத்தை ரிஷப் ஷெட்டி இயக்கி நடித்திருந்தார். ஆக்ஷன்-மிஸ்ட்ரி த்ரில்லர் படமான இதனை ஹோம்பாலே ஃபிலிம்ஸ் தயாரித்திருந்தது. இப்படத்தின் அடுத்த பாகம் (முன்கதை) தற்போது உருவாகி வருகிறது. இந்த நிலையில், இப்படத்தில் வேலை பார்த்த 3 பேர் உயிரிழந்திருப்பது அதிர்ச்சியை ஏற்படுத்தியுள்ளது.
3 பேர் உயிரிழப்பு:
காந்தாரா சேப்டர் 1 படத்தின் முன்கதையின் படப்பிடிப்பு தற்போது நடந்து வருகிறது. இதில், ரிஷப் ஷெட்டியே இயக்கி நடித்து இருக்கிறார். இதன் கதை மட்டும் தற்போது தனித்துவமாக பார்க்கப்படுவது இல்லை, இந்த படத்தின் ஷூட்டிங்கில் நடக்கும் விஷயங்களும் ரசிகர்கள் மத்தியில் வினோதமாக பார்க்கப்படுகிறது.
இந்த படத்தில் வேலை பார்த்து வந்த ஜூனியர் ஆர்டிஸ்ட் விஜு என்பவர், உயிரிழந்திருக்கிறார். இவரது இறப்பிற்கு, திடீர் மாரடைப்புதான் காரணம் என கூறப்படுகிறது. இவர், சிவமோகா எனும் மாவட்டத்தில் வசித்து வந்த மிமிக்கிரி கலைஞர். கேரள மாநிலம் திருசூரை சேர்ந்த இவர், காந்தாரா படக்குழுவினருடன் தங்கியிருந்திருக்கிறார். அப்போது, புதன்கிழமையான நேற்று இவருக்கு மாரடைப்பு ஏற்பட்டுள்ளது. உடனடியாக அருகில் இருந்தவர்கள் இவரை மருத்துவமனைக்கு அழைத்து சென்றிருக்கின்றனர். அங்கு இவரை பரிசோதித்த மருத்துவர்கள், இவர் ஏற்கனவே உயிரிழந்ததாக கூறியிருக்கின்றனர்.
ஏற்கனவே உயிரிழந்தவர்கள்:
கடந்த மே 7ஆம் தேதியன்று, காந்தாரா படத்தில் வேலை பார்த்து வந்த துணை நடிகர் கபில் என்பவர், சௌபர்னிகா ஆற்றில் மூழ்கி உயிரிழந்திருக்கிறார். இந்த உயிரிழப்புகள், படக்குழுவினரால் அபசகுணமாக பார்க்கப்படுகிறது.
இதே போல, ராகேஷ் பூஜாரி என்ற காந்தாரா படத்தின் துணை நடிகரும் மே 12ஆம் தேதியன்று உயிரிழந்தார். 34 வயது காமெடி கலைஞரான இவர், தனது உறவினர் ஒருவரின் திருமணத்தில் சில நாட்களுக்கு முன்பு கலந்து கொண்டார். அப்போது நடனமாடிக்கொண்டிருந்த அவர், திடீரென மயங்கி விழுந்து உயிரிழந்தார். இவரது இறப்பிற்கு காரணம், மாரடைப்பு என்று கூறப்படுகிறது.
இப்படி தொடர்ந்து ஒரே படத்தை சேர்ந்த 3 பேர் அடுத்தடுத்து உயிரிழந்திருப்பது படக்குழுவையும் ரசிகர்களையும் அதிர்ச்சியில் ஆழ்த்தியுள்ளது.
எப்போது படம் ரிலீஸ்?
ரிஷப் ஷெட்டியின் காந்தாரா படம், வரும் அக்டோபர் மாதம் வெளியாகும் என்று எதிர்பார்க்கப்படுகிறது. இதில் ரிஷப் ஷெட்டியை தவிர வேறு எந்தெந்த நடிகர்கள் நடிக்கின்றனர் என்பதை படக்குழு வெளியிடாமல் இருக்கிறது. இந்த நிலையில், படத்தில் தொடர்புடையவர்கள் அடுத்தடுத்து உயிரிழந்து வருவது, படம் குறித்த மர்மத்தை தூண்டியிருக்கிறது. இந்த இறப்புகளுக்கு காரணம் என்ன என்பது குறித்து தெரியாமல் ரசிகர்கள் திணறி வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)