 "ரீ-ரிலீஸ் ஆகும் பாகுபலி திரைப்படம்! எந்த தேதியில் தெரியுமா?")
Baahubali The Beginning Re Release Date : இந்திய சினிமாவை உலகத்தரத்துக்கு கொண்டு சென்ற படங்கள் எத்தனையோ இருக்கின்றன. ஆனால், அவற்றில் சிலவற்றை வெளிநாட்டு ஆடியன்ஸால் அல்லது விமர்சகர்களால் ஏற்றுக்கொள்ள முடியவில்லை. ஆனால், பாகுபலி அப்பேற்பட்ட பார்வையை எல்லாம் தகர்த்தெறிந்தது.
பாகுபலி திரைப்படம்:
பாகுபலி திரைப்படம் இரண்டு பாகங்களாக வெளியானது. முதல் பாகத்தின் பெயர் பாகுபலி : தி பிகினிங். 2015 ஆம் ஆண்டு வெளியான இந்த படம் ஜூலை 10ஆம் தேதி அன்று ரிலீஸ் செய்யப்பட்டது. இப்படம் வெளியாக தற்போது 10 ஆண்டுகள் முடிந்திருக்கிறது. இதை எடுத்து நேற்று முதல் #10YearsOfBahubali என்கிற ஹேர் ஸ்டைல் இணையத்தில் ட்ரெண்டிங்கில் உள்ளது.
ராஜமவுலி இயக்கத்தில் உருவான பாகுபலி படத்தில், ஹீரோவாக பிரபாஸ் நடித்திருந்தார். வில்லனாகவும் சகோதரனாகவும் ராணா டகுபதி வந்தார். ரோகிணி, தமன்னா, அனுஷ்கா, ரம்யா கிருஷ்ணன், சத்யராஜ், நாசர் என்று இந்த படத்தில் பெரிய நட்சத்திர பட்டாளமே இருந்தது.
ரீ-ரிலீஸ்:
வழக்கமாக, ஐகானிக் ஆக வெளியான படங்கள் யாவும் மீண்டும் ரீ-ரிலீஸ் ஆவது வழக்கம். அந்த வகையில் பாகுபலி திரைப்படமும் ரீ-ரிலீஸ் செய்யப்பட இருக்கிறது. இது குறித்து இயக்குநர் ராஜமவுலி தனது எக்ஸ் தளத்தில் பதிவு ஒன்றை வெளியிட்டிருக்கிறார். அதில், வரும் அக்டோபர் 31ஆம் தேதி, பாகுபலி படம் உலகளவில் ரீ-ரிலீஸ் செய்யப்படும் என்று குறிப்பிட்டிருக்கிறார்.
Baahubali…
— rajamouli ss (@ssrajamouli) July 10, 2025
The beginning of many journeys.
Countless memories.
Endless inspiration.
It’s been 10 years.
Marking this special milestone with #BaahubaliTheEpic, a two-part combined film.
In theatres worldwide on October 31, 2025. pic.twitter.com/kaNj0TfZ5g
இந்த படத்தை இதுவரை தியேட்டரில் பார்க்காதவர்கள், அல்லது தியட்டரில் பார்த்து மீண்டும் பார்க்க வேண்டும் என்று நினைப்பவர்கள் இதன் ரீ-ரிலீஸிற்காக காத்துக்கொண்டுள்ளனர்.
கதை என்ன?
மகிழ்மதி என்ற ராஜ்யத்தை தேடி வரும் அவந்திகாவின் பயணத்தில், உடன் தொடர்கிறான் சிவா. அவனுக்கும் மகிழ்மதிக்கும் பெரும் நெருங்கிய தொடர்பு இருப்பது தெரிய வருகிறது. அது என்ன தொடர்பு, அவனுக்கும் மகிழ்மதிக்கும் உண்டான உறவு விட்டுப் போனது எப்படி என்பது குறித்து பிரம்மாண்டமாக காண்பிக்கும் கதைதான் பாகுபலி.
இந்த படத்தில் இடம் பெற்றிருந்த ‘ராஜாமாதா, ஜெய் மகிழ்மதி, அமரேந்திர பாகுபலி என்னும் நான்..” உள்ளிட்ட பல டைலாக்குகள் மீம் டெம்ப்ளேட்டாக மாறின. இந்த படத்திற்கு பின் நடிகர் பிரபாஸின் மார்கெட், தொட முடியாத உச்சிக்கு சென்றது. இப்போது, அதிக சம்பளம் வாங்கும் தென்னிந்திய நடிகர்களின் டாப் இடத்தில் இருக்கிறார்.
பாகுபலி இரண்டாம் பாகம்:
பாகுபலி திரைப்படத்தின் இரண்டாம் பாகம், அதன் முதல் பாகத்தின் ரிலீஸிற்கு பின்பு 2 ஆண்டுகள் கழித்து வெளியானது. இந்த படமும் பெரிய ஹிட் அடித்தது. முதல் பாகத்தில் தமன்னாவிற்கு பெரிய கேரக்டர் கொடுக்கப்பட, இரண்டாம் பாகத்தில் அனுஷ்கா கதாப்பாத்திரத்திற்கு வெயிட் ஜாஸ்தியாக இருந்தது.
வசூல்:
பாகுபலி படத்தை பொறுத்தவரை, இதற்கு சர்வதேச மார்கெட்டும் அதிகமாக இருந்தது. இந்தியாவை தாண்டி, அமெரிக்கா, சிங்கப்பூர், ஜப்பான், சீனா என்று பல்வேறு நாடுகளில் இப்படம் வெளியானது. முதல் பாகம், ரூ.600 கோடி வரை வசூல் செய்தது. இரண்டாம் பாகம், அந்த வசூலை தூக்கி சாப்பிடும் அளவிற்கு ரூ.1,810 கோடிக்கும் மேல் வசூலை வாரிக்குவித்தது. இப்போது ரீ-ரிலீஸிலும் இப்படம் நல்ல வசூலை அள்ளும் என்று எதிர்பார்க்கப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)