 "Coolie Songs: கூலி பாடல்கள் அனைத்தும் வெளியானது! மொத்தம் 8 பாட்டு இருக்கு..")
Coolie Album Released : லோகேஷ் கனகராஜ் இயக்கத்தில் ரஜினிகாந்த் நடித்திருக்கும் படம், கூலி படம். இந்த படத்திற்கு அனிருத் இசையமைத்திருக்கிறார். படத்தில் இடம் பெற்றிருக்கும் பாடல்கள் தற்போது வெளியாகி இருக்கிறது.
கூலி திரைப்படம்:
ரஜினிகாந்த்-லோகேஷ் கனகராஜ் முதன்முறையாக கைக்கோர்த்திருக்கும் படம், கூலி. இதற்கு முன்னர் விஜய், கமலை வைத்து படம் எடுத்த லோகி, அடுத்து ரஜினியை வைத்து பெரிய சம்பவம் செய்ய முடிவெடுத்துள்ளார். இந்த படத்தில், உப்பேந்திரா, சத்யராஜ், ஸ்ருதிஹாசன், நாகார்ஜுனா, அமீர்கான் உள்ளிட்ட பலர் முக்கிய கதாப்பாத்திரங்களில் நடித்துள்ளனர். பான் இந்திய நட்சத்திரங்கள் பலர் நடித்திருக்கும் இந்த படம், தமிழ், தெலுங்கு இந்தி, கன்னடம், மலையாளம் உள்ளிட்ட பல மொழிகளில் வெளியாக இருக்கிறது. படத்திற்கு, சமீபத்தில் தணிக்கை குழுவினர் ஏ சான்றிதழ் கொடுத்திருந்தனர்.
கூலி இசை வெளியீட்டு விழா!
எப்போதும், ரஜினிகாந்த் படங்களின் இசை வெளியீட்டு விழா என்றாலே அதிகம் எதிர்ப்பார்ப்பு இருக்கும். காரணம், அதில் ரஜினிகாந்த் பேசுவதும், அவர் பட பாடல்களுக்காகவும்தான். ரஜினிகாந்திற்கு கடந்த சில ஆண்டுகளாகவே ராசியான இசையமைப்பாளராக மாறிவிட்டார், அனிருத். தர்பார் படத்தில் ஆரம்பித்து, இப்போது கூலி வரை அவர்தான் இவரது படங்களுக்கு இசையமைத்து வருகிறார். அந்த வகையில், தற்போது கூலி படத்தின் இசை வெளியீட்டு விழாவும் நேரு உள்விளையாட்டு அரங்கில் நடக்கிறது. இசை வெளியீட்டு விழாவில் பிரபலங்கள் வந்து பேசுவதற்கு முன்னரே, பாடல்கள் வெளியிடப்பட்டிருக்கின்றன.
பாடல்கள் வெளியீடு!
முன்கூட்டியே, “சிக்கிடு, மோனிகா, கூலி பவர்ஹவுஸ்” உள்ளிட்ட பாடல்கள் ரிலீஸ் ஆன நிலையில் தற்போது மீதமுள்ள பாடல்களும் வெளியாகியுள்ளன. கூலி டிஸ்கோ, உயிர்நாடி நண்பனே, ஐ ஆம் தி டேஞ்சர், கொக்கி, மோப்ஸ்டா உள்ளிட்ட பாடல்கள் வெளியிடப்பட்டிருக்கின்றன. தமிழ் மட்டுமன்றி, தெலுங்கு, இந்தி உள்ளிட்ட பல மொழிகளிலும் பாடல்கள் வெளியிடப்பட்டிருக்கின்றன. இதில் வெறும் BGMகளோடு சேர்த்து, மொத்தம் 8 பாடல்கள் வெளியிடப்பட்டிருப்பதாக கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)