 "கூலி படத்தில் செளபின் சாகிருக்கு பதில் நடிக்க இருந்தவர்! யார் தெரியுமா?")
Coolie Movie First Choice For Soubin Shahir : தமிழ் திரையுலகின் டாப் இயக்குநர்களுள் ஒருவராக இருப்பவர் லோகேஷ் கனகராஜ். இவர் இயக்கியிருக்கும் கூலி படத்தில் ரஜினிகாந்த் ஹீரோவாக நடித்திருக்கிறார். இந்த படத்தில் பெரிய நட்சத்திரங்கள் பலர் நடித்துள்ளனர். அதில் ஒருவர் செளபின் சாகிர்.
கூலி படத்தில் செளபின் சாகிர்:
மலையாள நடிகர் செளபின் சாகிரை, தமிழ் ரசிகர்கள் மஞ்சுமெல் பாய்ஸ் திரைப்படம் மூலம் அறிந்து கொண்டனர். ஆனால் இதற்கு முன்னரே அவர் கும்பலங்கி நைட்ஸ், பரவா, பிரேமம் உள்ளிட்ட பல நல்ல திரைப்படங்களில் நடித்திருக்கிறார்.
லோகேஷ் கனகராஜ் இயக்கியிருக்கும் கூலி திரைப்படத்தில், இவர் தயாள் எனும் கதாப்பாத்திரத்தில் நடித்திருக்கிறார். சமீபத்தில் அப்படத்தில் இருந்து ‘மோனிகா’ பாடல் வெளியானது. இந்த பாடலுக்கு பூஜா ஹெக்டே நடனமாடியிருந்தார். அவரது ஆட்டத்தை விட, செளபினின் ஆட்டம்தான் தங்களுக்கு மிகவும் பிடித்திருப்பதாக பலர் மீம்ஸ்களை பதிவிட்டு வருகின்றனர்.
அவருக்கு பதில் நடிக்க இருந்தவர்..
பொதுவாக எந்த படம் உருவானாலும், அதில் ஒரு கதாப்பாத்திரம் எழுதப்படும் போது அதனை ஒரு குறிப்பிட்ட நடிகரை மனதில் வைத்து இயக்குநர்கள் எழுதுவர். ஆனால் அந்த நடிகரே அந்த கேரக்டரில் நடிப்பாரா என்பது சாத்தியம் அற்றது. அப்படித்தான், லோகேஷ் கனகராஜ்ஜும் மனதில் வேறு ஒரு நடிகரை வைத்துதான் ‘தயாள்’ கதாப்பாத்திரத்தை எழுதி இருக்கிறார். ஆனால், அவரிடம் கால்ஷீட் கேட்ட போது, அவர் வேறு படங்களில் பிசியாக இருப்பதாக கூறியிருக்கிறார். இதனால், அவரால் இந்த படத்தில் நடிக்க முடியாமல் போயிருக்கிறது.
அந்த நடிகர் வேறு யாருமில்லை, ஃபகத் பாசில்தான். இவரைதான், தயாள் கதாப்பாத்திரத்தில் நடிக்க வைக்க லோகேஷ் கனகராஜ் முயற்சித்து இருக்கிறார். ஆனால், அது முடியாமல் போயிருக்கிறது. இதனால், செளபினை இந்த கதாப்பாத்திரத்தில் நடிக்க வைத்திருக்கிறார். அவருக்கும் இந்த பாத்திரம் கச்சிதமாக பொருந்தியிருக்கிறது.
ஏற்கனவே நடித்த படம்..
கூலி திரைப்படம், லாேகேஷ் கனகராஜ்ஜின் LCU-வின் ஒரு படமாக இருக்குமா என்று எதிர்பார்க்கப்பட்டது. ஆனால், அது போன்ற வதந்திகளுக்கு இப்பாேது முடிவு கட்டப்பட்டுள்ளது. காரணம், பகத் பாசில் ஏற்கனவே LCU-வின் ஒரு படமான விக்ரம் படத்தில் அமீர் கதாப்பாத்திரத்தில் நடித்த அவரையே, மீண்டும் வேறு எல்.சி.யு படத்தில் நடிக்க வைக்க லோகி அழைத்திருக்க மாட்டார். எனவே, கூலி படம் எல்.சி.யுவை சேர்ந்தது அல்ல என்பது தற்போது தெளிவாகி இருக்கிறது.
டிரைலர் எப்போ?
லோகேஷ் கனகராஜ் சமீபத்தில் கொடுத்திருந்த பேட்டியில், படத்தின் டிரைலர் குறித்த அப்டேட்டையும் கொடுத்திருந்தார். வரும் ஆகஸ்ட் 2ஆம் தேதி டிரைலர் ரிலீஸாகும் என்று தெரிவித்திருந்தார். படத்தின் இசை வெளியீட்டு விழாவும் விரைவில் நடக்கும் என்று கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)