 "கணவரிடம் வரதட்சணை வாங்கிய ரம்யா பாண்டியன்! அதற்கு காரணம் இதுதான்..")
Reason Why Ramya Pandian Got Dowry : வெகு சில படங்களிலேயே நடித்திருந்தாலும் தமிழ் ரசிகர்கள் மத்தியில் நல்ல வரவேற்பை பெற்ற நடிகையாக விளங்குகிறார் ரம்யா பாண்டியன். இவர், சில வாரங்களுக்கு முன்பு இல்வாழ்க்கையில் இணைந்தார். இதையடுத்து, இவர் மாமியார் வீட்டுக்கு போக வரதட்சனை பெற்றதாக கூறப்படுகிறது.
திரையுலகில் அறிமுகம்:
நடிகை ரம்யா பாண்டியன், தயாரிப்பாளர் துரை பாண்டியனின் மகளாவார். கீர்த்தி பாண்டியன், அருண் பாண்டியன், அசோக் செல்வன் ஆகியோர் இவருக்கு உறவினர்கள். இவர், டம்மி டப்பாசு எனும் திரைப்படம் மூலம் சினிமாவிற்குள் நுழைந்தார். இதையடுத்து, 2016ஆம் ஆண்டு வெளியான ஜோக்கர் திரைப்படம் மூலம் பிரபலமானார். இவருக்கு தொடர்ந்து, ஆண் தேவதை, நண்பகல் நேரத்து மயக்கம் உள்ளிட்ட சில வலுவான கதைமிக்க திரைப்படங்களே கிடைத்தன.
இவருக்கு மேலும் புகழை தேடித்தந்தது, குக் வித் கோமாளி நிகழ்ச்சியின் முதல் சீசன். இதையடுத்து, இவருக்கு பிக்பாஸ் நிகழ்ச்சிக்குள் செல்லவும் வாய்ப்பு கிடைத்தது. ஆனால், குக் வித் கோமாளி-யில் இவரை ரசிகர்கள் எந்த அளவிற்கு பிடித்தது, பிக் பாஸில் அவ்வளவு பேருக்கும் இவரை பிடிக்காமல் போனது. இதற்கிடையில், அவர் சில ரியாலிட்டி நிகழ்ச்சிகளிலும் கலந்து கொண்டு வந்தார்.
ரம்யா பாண்டியனை இன்னும் பிரபலப்படுத்தியது, அவர் மொட்டை மாடியில் செய்த ஒரு போட்டோ ஷூட்தான். அதில் இவர் இடை தெரியும்படி புடவைக்கட்டி பதிவிட்டிருந்தது, ரசிகர்களை வியப்புக்குள்ளாக்கியது.
திருமணம்:
நடிகை ரம்யா பாண்டியனின் திருமண அறிவிப்பானது யாரும் எதிர்பார்க்காத நேரத்தில் வந்தது. இவர், லோவல் தவான் என்பவரை கடந்த ஆண்டு நவம்பர் மாதம் 8ஆம் தேதி திருமணம் செய்து கொண்டார்.
லோவல் தவான், யோகா பயிற்சியாளர். இவர், சென்னையில் யோகா பயிற்சிக்காக கேம்பிற்கு வந்த போது, அதில் ரம்யா பாண்டியன் கலந்து கொண்டதாகவும், அப்போது இவர்கள் இருவருக்குள்ளும் காதல் மலர்ந்ததாகவும் கூறப்படுகிறது. இருவரும், காதலை இரு வீட்டாரிடமும் தெரிவிக்க அவர்களும் காதலுக்கு பச்சைக்கொடி காண்பித்தனர். அதன் பிறகு இருவரும் தங்களின் சமூக வலைதளங்களில் அதிகாரப்பூர்வ அறிவிப்பை வெளியிட்டனர்.
ரம்யா பாண்டியன்-லோவல் தவானின் திருமணம் ரிஷிகேஷில் தடபுடலாக நடைப்பெற்றது. இதில், நெருங்கிய உறவினர்களும் நண்பர்களும் மட்டும் கலந்து கொண்டனர். இவர்களின் திருமண புகைப்படங்களும் இணையத்தில் அந்த சமயத்தில் வைரலானது.
ரம்யா பாண்டியனுக்கு வரதட்சனை!
இந்தியாவில், பெண் வீட்டார் தங்கள் வீட்டு பெண்ணை வேறு வீட்டிற்கு அனுப்பும் போது, வரதட்சனை கொடுப்பது வழக்கம். இது என்னதான் தார்மீக ரீதியாக தவறு என்றாலும், ஒரு மரியாதை நிமித்தமாக இந்த வழக்கம் இன்னும் நடைமுறையில் இருக்கிறது. ஆனால், ரம்யா பாண்டியனின் விஷயத்தில் அப்படியே ஆப்பாேசிட்டாக நடந்திருக்கிறது.
ரம்யா பாண்டியனை திருமணம் செய்து கொள்ள அவரது கணவர், லட்சக்கணக்கில் பணம் கொடுத்ததாகவும், நகைகளை கொடுத்ததாகவும் கூறப்படுகிறது. இதற்கு முன்னர் ஒரு நேர்காணலில் ரம்யா பாண்டியனின் வீட்டார், தங்களுக்கு திருமண செலவுகள் குறைவாக இருந்ததாக கூறியிருந்தனர் என்பது குறிப்பிடத்தக்கது.
இதற்கு காரணம், ரம்யா பாண்டியனை திருமணம் செய்து கொண்ட லோவல், பஞ்சாப்பை சேர்ந்தவர். அவர்களின் ஊர் மற்றும் குடும்ப வழக்கப்படி, திருமணம் செய்து கொள்ளும் போது பெண்ணுக்கு திருமண வரதட்சனை கொடுத்து அழைத்து செல்ல வேண்டுமாம். இதனால்தான் மாப்பிள்ளை வீட்டார் தரப்பில் இருந்து வரதட்சனை வழங்கப்பட்டதாக கூறப்படுகிறது. இருப்பினும், இது குறித்த அதிகாரப்பூர்வ அறிவிப்புகள் எதுவும் வெளியாகவில்லை என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)