Samantha Ruth Prabhu Gets Irritated Video: ஜிம்மில் வொர்க் அவுட் செய்து வெளியில் வந்த சமந்தாவின் தோற்றம் கவனத்தை ஈர்க்கிறது, அப்போது அவர் நடந்துக் கொண்ட விதம் தற்போது வைரலாகி வருகிறது.
)
Samantha Ruth Prabhu Gets Irritated Video: இன்று காலை மும்பையில் நடிகை சமந்தா நடுரோட்டில் கடுப்பான வீடியோ ஒன்று வெளியாகி தற்போது வைரலாகி வருகிறது.
தென்னிந்தியாவின் நட்சத்திர நாயகியாக விளங்குபவர், நடிகை சமந்தா (Samantha Ruth Prabhu). பானா காத்தாடி படம் மூலம் அறிமுகமான இவர் தொடர்ந்து பல தமிழ் படங்களின் நடித்து ரசிகர்களின் மனங்களின் இடம்பெற்றார். தற்போது இந்திய அளவில் பெரிய நடிகையாக வலம் வந்து கொண்டிருக்கிறார். திரை நட்சத்திரங்கள் சிலரை டேட்டிங் செய்த போதிலும், இவர் காதலில் விழுந்தது, தெலுங்கு நடிகர் நாக சைதன்யாவிடம்தான்.
விண்ணைத்தாண்டி வருவாயா படத்தின் தெலுங்கு ரீ-மேக்கில் ஜோடியாக நடித்த இவர்கள், அப்போது நல்ல நண்பர்களாக இருந்தனர். வருடங்கள் உருண்டோட, சில படங்களில் ஒன்றாக சேர்ந்து நடிக்க ஆரம்பித்தனர். இதையடுத்து, கடந்த 2017ஆம் ஆண்டில் திருமணம் செய்து கொண்டனர். பெரிய அளவில், நடந்த இவர்களின் திருமணம், 3 ஆண்டுகள் கூட நீடிக்காமல் கடந்த 2021ஆம் ஆண்டில் இருவருமே பரஸ்பரம் விவாகரத்து செய்து கொண்டனர்.
இந்த விவாகரத்திற்கு பிறகு சமந்தா, மயோசிடிஸ் நோயால் பாதிக்கப்பட்டார். அதுமட்டுமின்றி அவர் நடித்த படங்கள் அனைத்தும் தோல்வியை தழுவின. இப்படி சமந்தாவின் வாழ்வில் அடிக்கு மேல் அடி விழ, அவர் சில மாதங்கள் திரையுலகில் இருந்து விலகி பிரேக் எடுப்பதாக அப்போது அறிவித்து இருந்தார்.
இதனிடையே நீண்ட இடைவெளிக்கு பிறகு இவர் சிட்டாடல்: ஹனி பனி என்கிற தொடரில் பணியாற்றினார். இந்த தொடர் சூப்பர் டூப்பர் ஹிட் ஆனது. இப்படி தற்போது மீண்டும் நடிக்க ஆரம்பித்துள்ள நடிகை சமந்தா, அண்மையில் தயாரிப்பு நிறுவனம் ஒன்றை தொடங்கியுள்ளார். இந்நிறுவனத்தின் முதல் படமாக 'சுபம்' திரைப்படம் அண்மையில் ரிலீஸ் ஆனது.
இதனிடையே ராஜ் நிடிமொரு என்கிற இயக்குநரை டேட்டிங் செய்து வருவதாக கூறப்படுகிறது. இவர்கள் சமீபத்தில் திருப்பதிக்கு ஒன்றாக சென்றதும், பல்வேறு நிகழ்ச்சிகளில் ஒருவர் பக்கத்தில் ஒருவர் இருக்கும் புகைப்படங்களும் வைரலானது.
இந்நிலையில் தற்போது இன்று மும்பையில் உள்ள ஒரு ஜிம்மிலிருந்து வொர்க்அவுட் செய்து வெளியே வந்த சமந்தா அங்கிருந்த மீடியா ஆட்களை (paparazzi) கண்டு கோபமடைந்தார். தொலைபேசியில் பேசிக் கொண்டே வந்த சமந்தா அவசரமாக சென்றுக்கொண்டிருந்தார். அப்போது paparazziகளை கண்டதும், "தயவு செய்து நிறுத்துங்கள்" என்று கோபமாக கத்திவிட்டு அங்கிருந்து தனது காரில் அமர்ந்து வெளியேறினார். தற்போது இது தொடர்பான வீடியோ வெளியாகி வைரலாகி வருகிறது.
முகம் சுளித்த சமந்தா!!
— Zee Tamil News (@ZeeTamilNews) June 17, 2025
@samantharuthprabhuof#sam #samantha #zeetamilnews pic.twitter.com/UibWyl93Ae
15 ஆண்டுகளை சினிமாவில் கடந்து அதிக சம்பளம் வாங்கும் டாப் நடிகையாக வலம் வரும் சமந்தா தற்போது பங்காரம் படம் மற்றும் Rakt Brahmand: The Bloody Kingdom வெப் தொடரில் நடித்து வருகிறார் என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
