 "சசிகுமாரின் டூரிஸ்ட் பேமிலி படம் எப்படி இருக்கு? திரை விமர்சனம்!")
Tourist Family Review: நடிகர் சசிகுமார் மற்றும் சிம்ரன் நடிப்பில் அறிமுக இயக்குனர் அபிஷன் ஜீவுந் இயக்கத்தில் உருவாகியுள்ள படம் தான் டூரிஸ்ட் ஃபேமிலி. இந்த படத்தில் யோகி பாபு, மிதுன் ஜெய்சங்கர், கமலேஷ், எம் எஸ் பாஸ்கர், ரமேஷ் திலக், பக்ஸ் பகவதி பெருமாள், இளங்கோ குமரவேல் மற்றும் ஸ்ரீஜா ரவி உள்ளிட்ட பலர் நடித்துள்ளனர். அரவிந்த் விஸ்வநாதன் ஒளிப்பதிவு செய்திருக்கும் இந்த படத்திற்கு ஷான் ரோல்டன் இசையமைத்துள்ளார் . படத்தொகுப்பு பணிகளை பரத் விக்ரமன் மேற்கொள்ள கலை இயக்கத்தை ராஜ்கமல் கவனித்துள்ளார். குட் நைட், லவ்வர் போன்ற சூப்பர் ஹிட் படங்களை தயாரிக்க மில்லியன் டாலர் ஸ்டுடியோ மற்றும் எம்ஆர்பி என்டர்டெயின்மென்ட் ஆகிய நிறுவனங்களை இணைந்து இந்த படத்தை தயாரித்துள்ளனர். வரும் மே 1ம் ஒன்றாம் தேதி டூரிஸ்ட் பேமிலி படம் திரையரங்குகளில் வெளியாக உள்ளது. இந்த படத்தின் விமர்சனத்தை பற்றி பார்ப்போம்.
டூரிஸ்ட் பேமிலி படத்தின் கதை
இலங்கையில் பொருளாதார சூழ்நிலை காரணமாக அங்கிருந்து தப்பித்து கடல் வழியாக ராமேஸ்வரம் வந்து அடைகின்றனர் சசிகுமார் அவரது மனைவி சிம்ரன் மற்றும் இரண்டு மகன்கள். ராமேஸ்வரத்தில் போலீசில் மாட்டிவிட அவர்களிடமிருந்து சாதுரியமாக தப்பித்து சென்னை வருகின்றனர். சென்னையில் கார் டிரைவராக வேலைக்கு சேரும் சசிகுமார் குடும்பம், அந்த பகுதி முழுவதும் அனைவருக்கும் பிடித்த குடும்பமாக மாறுகிறது. மறுபுறம் ராமேஸ்வரத்தில் ஒரு பயங்கர வெடிகுண்டு விபத்து நடக்க, அதனை இலங்கையில் இருந்து அகதிகளாக வந்திருக்கும் சசிகுமாரின் குடும்பம் தான் செய்திருக்கும் என்று காவல்துறையினர் சந்தேகித்து இந்த குடும்பத்தை தேடத் தொடங்குகின்றனர். இறுதியில் இவர்கள் போலீசாரிடம் மாட்டினார்களா? அல்லது தப்பித்தார்களா என்பதே டூரிஸ்ட் பேமிலி படத்தில் கதை.
தனது முதல் படத்திலேயே இப்படி ஒரு கதையை தேர்வு செய்த இயக்குனர் அபிஷன் ஜீவுந்க்கு தனி பாராட்டுக்கள். கொஞ்சம் தப்பாக எடுத்தால் கூட பல விளைவுகளை ஏற்படுத்தி இருக்கும் இந்த கதை களத்தை சிறப்பாக கையாண்டு உள்ளார் இயக்குனர். படத்தில் நடித்துள்ள அனைவருமே சிறப்பான நடிப்பை வெளிப்படுத்தியுள்ளனர். குறிப்பாக ஆரம்ப காட்சிகளில் சசிகுமார், யோகிபாபு மற்றும் ரமேஷ் திலக் பல இடங்களில் அசத்தியுள்ளனர். குறிப்பாக கிளைமாக்ஸ் காட்சியில் கூடுதல் கைதட்டல்களை பெறுகிறார் ரமேஷ் திலக். இவர்களை தாண்டி சசிகுமாரின் இரண்டாவது பையனாக நடித்திருப்பவர் பல இடங்களில் கைதட்டல்களை பெறுகிறார். படம் தொடங்கியதிலிருந்து கடைசி காட்சி வரை அவர் திரையில் வந்தாலே அனைவரும் சிரிக்க தொடங்குகின்றனர்.
படம் முழுக்கவே காமெடி மற்றும் எமோஷனல் காட்சிகள் நன்றாக ஒர்க் ஆகி உள்ளது. படம் முடிந்து வெளியே வரும் போது ஒரு நல்ல படம் பார்க்க உணர்வு நமக்கு ஏற்படுகிறது. குறிப்பாக கிளைமாக்ஸ் காட்சி அருமையாக படமாக்கப்பட்டுள்ளது. படம் முழுக்க வரும் சின்ன சின்ன ட்விஸ்ட்களும் சிறப்பாகவே உள்ளது. ஷான் ரோல்டன் இசையில் பாடல்கள் மற்றும் பின்னணி இசை படத்திற்கு ஏற்றார் போல சிறப்பாக உள்ளது. முதல் பாதியில் ஒரு சில கதாபாத்திரங்கள் மிகவும் மேலோட்டமாக எழுதப்பட்டிருந்தாலும் கதையின் போக்கில் அவை பெரிதாக உறுத்தவில்லை. 2 மணி நேரம் 8 நிமிடம் மட்டுமே ஓடும் இந்த படம் நிச்சயம் உங்கள் அனைவரது மனதிலும் நீங்கா இடம் பெரும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)