Actor Shah Rukh Khan With Rajinikanth In Jailer 2 : ஜெயிலர் 2 திரைப்படத்தின் அப்டேட் தற்போது வெளியாகி இருக்கிறது. அதன்படி பாலிவுட் சூப்பர்ஸ்டார் எனசறு அழைக்கப்படும் பிரபல நடிகர், ஒருவர் ரஜினியுடன் இணையப் போகிறார்.
)
Actor Shah Rukh Khan With Rajinikanth In Jailer 2 : தமிழ் திரையுலகில் முக்கிய நடிகராக வலம் வருபவர், ரஜினிகாந்த். இவர் தற்போது நடித்து வரும் படம் ஜெயிலர் 2. இந்த படத்தின் அப்டேட் தற்போது வெளியாகி இருக்கிறது. இது குறித்த முழு விவரத்தை இங்கு பார்ப்போம்.
ஜெயிலர் 2:
தமிழ் திரையுலகில் மக்கள் அதிகம் எதிர்பார்க்கும் திரைப்படமாக இருக்கிறது, ஜெயிலர் 2. இரண்டு ஆண்டுகளுக்கு முன்பு வெளியான ஜெயிலர் திரைப்படத்தின் அடுத்த பாகமாக இது உருவாகி இருக்கிறது. இந்த படத்தை நெல்சன் திலீப் குமார் இயக்க, அனிருத் இசையமைத்திருந்தார். இப்படத்தில் ரஜினிகாந்த், ‘முத்து வேல் பாண்டியன்’ என்கிற கதாப்பாத்திரத்தில் நடித்திருக்கிறார்.
இதில் ரஜினிகாந்திற்கு மனைவியாக ரம்யா கிருஷ்ணன் நடித்திருந்தார். கேமியோ கதாப்பாத்திரங்கிள் சிவராஜ்குமார், மோகன்லால், ஜாக்கி ஷ்ராஃப், தமன்னா உள்ளிட்ட பலர் நடித்திருந்தனர். இந்த படத்தின் இரண்டாம் பாகத்திற்கான ஹிண்ட் உடன் முதல் பாகம் முடிந்திருந்ததது. இதையடுத்து சில நாட்களுக்கு முன் இப்படத்தின் அதிகாரப்பூர்வ அறிவிப்பு வெளியானது. இதில் நெல்சனும் அனிருத்தும் ரஜினிகாந்துடன் இடம் பெற்றிருந்தனர்.
படத்தில் சர்ப்ரைஸ்..
ஜெயிலர் படத்தின் முதல் பாகம் போல, இரண்டாம் பாகத்திலும் பல சர்ப்ரைஸ்கள் காத்திருப்பதாக நெல்சன் முதலில் கூறியிருந்தார். அந்த வகையில், இப்படத்திலும் ஒரு நடிகர் சர்ப்ரைஸ் கதாப்பாத்திரமாக இணைய உள்ளதாக தகவல் ஒன்று வெளியாகியுள்ளது. அதன்படி ஜெயிலர் 2 படத்தில் ஷாருக்கான் இணையப் போவதாக தகவல்கள் வெளியாகியுள்ளது. எனினும் இது தொடர்பான அதிகாரப்பூர்வ அறிவிப்பு இன்னும் வெளியாவில்லை. அதுமட்டுமின்றி அவர் என்ன சம்பளம் கேட்டாலும் கொடுத்துவிட சன் பிக்சர்ஸ் நிறுவனமும் தயாராக இருக்கிறது. ரஜினி மீது உள்ள மரியாதையில் ஷாருக்கானும் நடிக்க ஒப்புக்கொள்வார் என்றே எதிர்பார்க்கப்படுகிறது.
விருவிருப்பாக நடக்கும் பணிகள்..
ஜெயிலர் 2 திரைப்படத்தின் படப்பிடிப்பு பணிகள் தற்போது வேகமாக நடைப்பெற்று வருகிறது. சென்னை, கேரளா உள்ளிட்ட இடங்களில் படப்பிடிப்பு நடந்து வருகிறது. இதைத்தொடர்ந்து ரஜினி அடுத்து யார் படத்தில் நடிக்க இருக்கிறார் என்பது குறித்த எதிர்பார்ப்பும் எழுந்துள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
