சிவகார்த்திகேயனை சந்தித்த டாடா இயக்குநர்.. புதிய படம்ஆ? விரைவில் அறிவிப்பு

Sivakarthikeyan Next Movie Update: நடிகர் சிவகார்த்திகேயன் ஏற்கனவே ஏ.ஆர்.முருகதாஸ் இயக்கத்தில் ஒரு படத்தில் நடித்து வரும் நிலையில் அடுத்ததாக நடிக்கப் போகும் படம் குறித்த தகவல் ஒன்று வெளியாகியுள்ளது. அதன் விவரத்தை இந்த கட்டுரையில் காண்போம்.

நடிகர் சிவகார்த்திகேயன் :
நடிகர் சிவகார்த்திகேயன் (Actor Sivakarthikeyan), ஒரு பிரபல தொலைக்காட்சியில் நிகழ்ச்சி தொகுப்பாளராக இருந்தார். தனது பேச்சால் மக்களை பயங்கரமாக கவர்ந்த அவர், அடுத்து தனுஷ் உடன் 3 படத்தில் நடித்து திரையுலகிற்குள் அறிமுகமானார். இதையடுத்து இவருக்கு மெரினா படத்தில் நாயகனாக நடிக்க வாய்ப்பு கிடைத்தது. கிடைத்த வாய்ப்பை நன்றாக பயன்படுத்திக்கொண்ட நடிகர் சிவகார்த்திகேயன், 10 ஆண்டுகளில் மளமளவென வளர்ந்து தற்போது தமிழ் சினிமாவின் டாப் நடிகர்களுள் ஒருவராக இருக்கிறார். 

நடிகர் சிவகார்த்திகேயனுக்கு கிராமத்து கதாநாயகன் கதாப்பாத்திரம் நன்றாக பொருந்தி போக, அதே போன்று பல கதாப்பாத்திரங்களை தேர்ந்தெடுத்து நடிக்க ஆரம்பித்தார். அப்படி அவர் நடித்த படங்களில் வருத்தப்படாத வாலிபர் சங்கம், ரஜினி முருகன், எங்க வீட்டுப்பிள்ளை உள்ளிட்ட படங்கள் மிகப்பெரிய ஹிட் அடித்தது. இதனிடையே தற்போது கடைசியாக நடிகர் சிவகார்த்திகேயன் நடிப்பில் வெளியான அயலான் திரைப்படம் கலவையான விமர்சனங்களை பெற்றது.

சிவகார்த்திகேயனின் எஸ்கே 21 :
தற்போது நடிகர் சிவகார்த்திகேயன் நடித்துவரும் அமரன் படத்தின் படப்பிடிப்பு முடிவடைந்துள்ளது. இயக்குநர் ராஜ்குமார் பெரியசாமி இந்த படத்தை இயக்குகியிருக்கிறார், மேலும் சிவகார்த்திகேயனுக்கு ஜோடியாக சாய் பல்லவி நடித்துள்ளார். இந்த படத்தை சோனி பிக்சர்ஸ் நிறுவனமும் உலகநாயகன் கமல்ஹாசனின் ராஜ்கமல் ஃபிலிம்ஸ் இன்டர்நேஷனல் நிறுவனமும் இணைந்து தயாரித்திருக்கிறது. அதேபோல் இந்த படத்திற்கு இசையமைப்பாளர் ஜிவி பிரகாஷ் இசையமைத்துள்ளார். ராணுவ அதிகாரியாக நடிகர் சிவகார்த்திகேயன் இந்த படத்தில் நடித்துள்ளார். சமீபத்தில் அமரன் திரைப்படத்தின் டீசர் வெளியாகி வரவேற்பையும் விமர்சனங்களையும் பெற்றது.

எஸ்கே 23 அப்டேட் :
இதைத் தொடர்ந்து ஏஆர் முருகதாஸ் இயக்கத்திலும் எஸ்கே 23 படத்தில் சூட்டிங்கை துவங்கியுள்ளார். அதேபோல் ஆக்சன் கமர்ஷியல் எண்டர்டெயினராக இப்படத்தை உருவாக்கவுள்ளார். தமிழ் திரையுலகில் தொடர்ச்சியாக,  ப்ளாக்பஸ்டர் வெற்றிப்படங்களைத் கொடுத்து வரும் நடிகர் சிவகார்த்திகேயன் திரை வாழ்வில், மிகப்பிரம்மாண்டமான படமாக இப்படம் இருக்கும் என நம்பப்படுகிறது. 

டாடா இயக்குநருடன் நடிகர் சிவகார்த்திகேயன் :
இந்நிலையில் தற்போது சமீபத்தில் நடிகர் சிவகார்த்திகேயனை கணேஷ் கே பாபு சந்தித்துள்ளார். இந்த சந்திப்பின்போது அவர் ஒரு கதையை சிவகார்த்திகேயனுக்கு கூறி ஓகே வாங்கியுள்ளதாக கூறப்பட்டுள்ளது. இந்தப் படத்தின் தயாரிப்பு உள்ளிட்ட மற்ற விஷயங்கள் இன்னும் இறுதிச் செய்யப்படவில்லை. எனவே விரைவில் இதுகுறித்த அறிவிப்பு வெளியாகலாம் என கோலிவுட்டில் பேச்சு நிலவி வருகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!