 "மலையாள பட வடிவில் ஒரு திரில்லர்! சரண்டர் படத்தின் திரை விமர்சனம்!")
)
தமிழ் சினிமாவில் போலீஸ் படங்களுக்கு என்று ஒரு தனி ரசிகர் பட்டாளமே உள்ளது. அந்த வகையில் இந்த வாரம் தமிழ் சினிமா ரசிகர்களை கவர வந்து இருக்கும் படம் தான் சரண்டர். கௌதமன் கணபதி இயக்கத்தில் உருவாகியுள்ள சரண்டர் படத்தை விஆர்கே குமார் தயாரித்துள்ளார். இந்த படத்தில் தர்ஷன் தியாகராஜா, நடிகர் லால், சுஜித் சங்கர், மன்சூர் அலிகான், முனிஸ்காந்த் ஆகியோர் முக்கிய கதாபாத்திரங்களில் நடித்துள்ளார். விகாஸ் படிஷா இசையமைக்க, மெய்யேந்திரன் ஒளிப்பதிவு செய்துள்ளார். படத்தின் விமர்சனத்தை பற்றி பார்ப்போம்.
Duty sets the wheels in motion… justice blazes the trail. Get ready!Bookings Open Now for #Surrender at our @Gopuram_Cinemas!
— Gopuram Cinemas (@Gopuram_Cinemas) July 31, 2025
Book Now - https://t.co/A8kF68V01E
Experience it with Laser Projection and Dolby ATMOS@TharshanShant @LalDirector @padinekumar_ofl… pic.twitter.com/eGDBFkQhf2
படத்தின் கதை
சென்னையில் உள்ள காவல் நிலையத்தில் பயிற்சி எஸ்ஐ-யாக பணிபுரிந்து வருகிறார் தர்ஷன். அதே காவல் நிலையத்தில் சீனியர் கான்ஸ்டபிளாக நடிகர் லால் பணிபுரிகிறார். ஓய்வு பெறுவதற்கு இன்னும் ஆறு மாதங்களே உள்ள நிலையில், ஒரு வாரத்தில் தேர்தல் நடைபெற உள்ளதால் அந்த பகுதியில் உள்ளவர்கள் சொந்தமாக வைத்திருக்கும் துப்பாக்கிகளை காவல் நிலையத்தில் சரண்டர் செய்கின்றனர். ஆனால் அதிலிருந்து ஒரு துப்பாக்கி மட்டும் காணாமல் போய்விடுகிறது. மறுபுறம் ரவுடியாக இருக்கும் சுஜித் சங்கர் தேர்தலுக்காக 10 கோடி நிதியை கட்சிக்கு கொடுக்கிறார். ஆனால் அந்த படம் காணாமல் போகிறது. இந்த இரண்டு கதைகளும் ஒரு இடத்தில் சேருகிறது, அதன் பின்பு என் ஆனது என்பதே சரண்டர் படத்தில் கதை.
நடிகர்கள் மற்றும் தொழில்நுட்பக் குழு
சரண்டர் படத்தில் உள்ள அனைத்து கதாபாத்திரங்களுமே நன்றாக எழுதப்பட்டிருந்தது. முதல் காட்சி முதலே பரபரப்பான திரைக்கதையுடன் நம்மை கதைக்குள் கொண்டு சென்று விடுகிறார் இயக்குனர் கௌதமன் கணபதி. மலையாள பட த்தை பார்க்கும் உணர்வு தான் சரண்டர் படுத்தி பார்க்கும் போது ஏற்படுகிறது. விறுவிறுப்பாகவும் வித்தியாசமான காட்சி அமைப்புடன் அனைவரையும் கவர்ந்துள்ளார். முக்கிய கதாபாத்திரத்தில் நடிகர் தர்ஷன் ஒரு பயிற்சி எஸ்ஐ- ஆக நல்ல ஒரு நடிப்பை கொடுத்துள்ளார். காவல்துறைக்கு ஏற்ற உடல் வாகுடன் திரையில் ஜொலிக்கிறார். ரவுடியாக சுஜித் சங்கர் கொடூரமான வில்லத்தனத்தை காண்பித்துள்ளார். அவரை சுற்றி நடக்கும் அனைத்து காட்சிகளுமே நன்றாக ஒர்க் ஆகி உள்ளது.
இவர்கள் அனைவரையும் தாண்டி நடிகர் லால் சிறப்பான நடிப்பை கொடுத்துள்ளார். ஒரு பணி ஓய்வு பெற உள்ள கான்ஸ்டேபிலாக அந்த கதாபாத்திரத்தை நம் கண் முன்னே நிறுத்துகிறார். தவறு நடக்கும் போது தன்னால் எதுவும் செய்ய முடியவில்லை என்பதை தனது கண்களாலும், நடிப்பாலும் சிறப்பாக காண்பித்துள்ளார். மேலும் மன்சூர் அலிகான், முனீஸ்காந்த், வில்லனின் தம்பியாக வருபவரும் நல்ல ஒரு நடிப்பை கொடுத்துள்ளனர். படத்தின் இசை மற்றும் ஒளிப்பதிவு கூடுதல் பலம் சேர்க்கிறது.
காவல் நிலையத்திற்குள் காவலர்களுக்கு இடையில் உள்ள பாலிடிக்ஸ், தேர்தல் சமயத்தில் இருக்கும் பரபரப்பு, காவலர்களுக்கும் ரவுடிகளுக்கும் இடையே உள்ள தொடர்பு என அனைத்தையும் சிறப்பாக கையாண்டுள்ளார் இயக்குனர் கௌதமன். படம் முழுக்க சண்டை காட்சிகளும் சிறப்பாக எடுக்கப்பட்டிருந்தது. மலையாள படங்களை ரசித்துப் பார்க்கும் ரசிகர்களுக்கு சரண்டர் படமும் நிச்சயம் ஒரு நல்ல அனுபவத்தை கொடுக்கும்.
சரண்டர் - 5/4.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
