அல்லு அர்ஜுன் படத்தில் நடிக்க மறுத்த பிரியங்கா சோப்ரா.. ஏன்? என்ன காரணம்?

AA22xA6: அல்லு அர்ஜுன் தற்போது சன் பிக்சர்ஸ் தயாரிப்பில் அட்லீ இயக்கத்தில் பிரம்மாண்ட படத்தில் நடிக்க உள்ளார். தற்போது இந்த படத்தில் நாயகியாக நடிக்க வைக்க நடிகை பிரியங்கா சோப்ரா மறுத்துள்ளதாக கூறப்படுகிறது.

AA22xA6 Movie Update: தமிழ் திரையுலகில் டாப் இயக்குநராக இருப்பவர், அட்லீ. ஜவான் படம் மூலம் பாலிவுட் திரையுலகிற்குள் நுழைந்த இவர், தற்போது அல்லு அர்ஜுனை வைத்து ஒரு படத்தை இயக்கயுள்ளார். தற்போது இந்த படத்தில் நாயகியாக நடிக்க வைக்க நடிகை பிரியங்கா சோப்ரா மறுத்துள்ளதாக கூறப்படுகிறது. இதற்கான காரணம் என்ன என்பதை இப்போது பார்ப்போம்.

Add Zee News as a Preferred Source

அட்லீ இயக்கத்தில் அல்லு அர்ஜுன்:
தமிழ் திரையுலகில் வெகு சில படங்களையே இயக்கி இருந்தாலும், வெகு விரைவில் டாப் இயக்குநராக மாறியவர் அட்லீ. பிரம்மாண்ட இயக்குநர் ஷங்கரிடம் எந்திரன் மற்றும் நண்பன் படத்தில் உதவி இயக்குநராக பணியாற்றிய இவர், ராஜா ராணி படம் மூலம் இயக்குநராக அறிமுகமானார். தமிழில் இயக்கியதே 4 படம்தான். அதிலும் மூன்று படத்தை நடிகர் விஜய்யை வைத்து இயக்கினார். தெறி, மெர்சல் மற்றும் பிகில் ஆகிய படங்கள் தொடர்ந்து ஹிட் அடிக்க அடுத்ததாக ஷாருக்கானிற்கு குறி வைத்தார். அட்லீயை பாலிவுட்டிற்கு அறிமுகம் செய்து வைத்தது, ஜவான் திரைப்படம். இப்படம், சூப்பர் ஹிட் அடித்தது. தற்போது டோலிவுட்டில் நுழைய திட்டமிட்ட அட்லீ அல்லு அர்ஜுன் வைத்து படம் ஒன்றை இயக்க உள்ளார். 

இப்படத்தை சன் பிக்சர்ஸ் நிறுவனம் தயாரிக்க அல்லு அர்ஜுன் (Allu Arjun) ஹீரோவாக நடிக்கிறார். இது அல்லு அர்ஜுனின் 22வது படமும், அட்லீயின் (Atlee) 6வது படமாகும். பிரம்மாண்டமான பட்ஜெட்டில் இப்படத்தை எடுக்கவுள்ளனர். இதற்கான முன் தயாரிப்பு பணிகள் லண்டனில் நடைபெற்று வருகிறது. சமீபத்தில் இது தொடர்பான பிரம்மாண்ட அறிவிப்பு வீடியோ மூலம் அறிவிக்கப்பட்டது. 

Happy Birthday @alluarjun sir, Love you sir 
Thank you Kalanithi Maran sir & @sunpictures for making my dream a reality 

Let’s have a blast 

GEAR UP#A22xA6 pic.twitter.com/MUlQpxdIZe

— atlee (@Atlee_dir) April 8, 2025

இவர்தான் நாயகியா?
இதனிடையே இந்த படத்தில் யார் ஹீரோயினாக நடிக்க இருப்பது என்பது குறித்த தகவல் கசந்தது. அதன்படி சமந்தா இந்த படத்தில் நாயகியாக நடிக்க வைக்க பேச்சு வார்த்தை நடைப்பெற்று வருவதாக கூறப்படுகிறது. எனினும் நடிகை பிரியங்கா சோப்ராவையும் அணுகியுள்ளார்கள். ஆனால் அவரோ ராஜமௌலி-மகேஷ் பாபு படம் மற்றும் ஹிந்தியில் க்ரிஷ் 4 படத்தில் நடிக்கவும் ஒப்புக் கொண்டதால் தேதி பிரச்சனை காரணமாக அல்லு அர்ஜுன் படத்தில் நடிக்க முடியாது என கூறியுள்ளார் என்று தகவல் வெளியாகியுள்ளது. எனினும் இது குறித்த எந்த அதிகாரப்பூர்வ தகவலும் வெளியாகவில்லை என்பது குறிப்பிடத்தக்கது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!