 "பாதியாக குறையும் திரையரங்கு டிக்கெட் விலை? தமிழக அரசின் அசத்தல் அறிவிப்பு!")
கோலிவுட்டின் நீண்ட நாள் கோரிக்கையை தமிழக அரசு தற்போது நிறைவேற்றி உள்ளது. சினிமா டிக்கெட்டின் மீதான உள்ளாட்சி அமைப்புகளின் பொழுதுபோக்கு வரியை குறைக்குமாறு நீண்ட நாட்களாக தமிழக அரசிடம் கோரிக்கை வைக்கப்பட்டிருந்தது. இந்நிலையில் தற்போது இந்த வரியை 8 சதவீதத்திலிருந்து 4 சதவீதமாக குறைக்க தமிழக அரசு ஒப்புதல் அளித்துள்ளது. இதனால் சிறிய மற்றும் நடுத்தர பட்ஜெட் படங்கள் அதிகமாக பல நடையும் என்று எதிர்பார்க்கப்படுகிறது. தமிழ் சினிமாவில் ஒவ்வொரு ஆண்டும் கிட்டத்தட்ட 1000க்கும் அதிகமான படங்கள் வெளியாகின்றன. இந்த 8 சதவீதம் பொழுதுபோக்கு வரியால் வருவாய் பாதிப்பதாக பலரும் முறையிட்டு வந்தனர்.
தென்னிந்திய திரைப்பட ஊழியர் கூட்டமைப்பு (FEFSI) போன்ற அமைப்புகள் இது தொடர்பாக தமிழக அரசிடம் நீண்ட நாட்களாக கோரிக்கை வைத்து வந்த நிலையில் இந்த வரி குறைப்பிற்கு நன்றியை தெரிவித்துள்ளனர். இந்நிலையில், இந்த பொழுது போக்கு வரி குறைப்பால் திரையரங்குகளின் டிக்கெட் விலை குறையும் என்று பலரும் எதிர்பார்த்த நிலையில், இந்த குறைப்பு திரையரங்க உரிமையாளர்களுக்கு பயன் அளிக்காது என்று விநியோகிஸ்தர் மற்றும் திரையரங்க உரிமையாளர் திருப்பூர் சுப்பிரமணியன் தெரிவித்துள்ளார். இந்த வரிக்குறைப்பு தயாரிப்பாளர்கள் மற்றும் விநியோகிஸ்தர்கள் மீதான சுமையை சற்று குறைக்கும் என்றாலும் டிக்கெட் விலையில் மாற்றம் இருக்காது என்று தெரிவித்துள்ளார்.
"கடந்த ஏழு ஆண்டுகளாக தமிழ்நாட்டில் டிக்கெட் விலையில் எந்த ஒரு பெரிய மாற்றமும் இல்லை. மின்சாரம், தண்ணீர் என செலவுகள் அதிகரித்துக் கொண்டே தான் உள்ளன. இருப்பினும் டிக்கெட் விலை பெரிதாக இங்கு உயர்த்தப்படவில்லை. எனவே பொழுது போக்கு வரியை குறைத்தாலும் டிக்கெட் விலையை குறைக்க முடியாது" என்று தெரிவித்துள்ளார். "டிக்கெட் விலைகள் குறைந்தாலும் பாப்கான் மற்றும் மற்ற ஸ்நாக்ஸ்ன் விலை அதிகமாக உள்ளது. இதனை முதலில் ஒழுங்குபடுத்த வேண்டும். மல்டிபிளக்ஸ்களில் டிக்கெட் கட்டணங்களை விட பார்க்கிங் கட்டணம் அதிகளவில் உள்ளது. ஒரு மணி நேரத்திற்கு 30 ரூபாய் வசூலிக்கின்றனர். நண்பர்கள் 5 வாகனத்தில் ஒன்றாக படம் பார்க்க சென்றாலே பார்க்கிங் மட்டும் கிட்டத்தட்ட 1000 ரூபாய்க்கு வரும். இதனை சரி செய்தாலே மக்கள் திரையரங்குகளுக்கு அதிகமாக வருவார்கள்" என்று சமூக வலைதளங்களில் சினிமா ரசிகர்கள் பதிவிட்டு வருகின்றனர்.
தமிழக அரசின் பொழுதுபோக்கு வரி குறைப்பு இந்த மாதம் வெளியாகும் படங்களுக்கு சிறிது நன்மையை அளிக்கும் என்று எதிர்பார்க்கப்படுகிறது. குறிப்பாக ஜூன் ஐந்தாம் தேதி திரையரங்கில் வெளியாகும் கமல்ஹாசனின் தக் லைப் படத்திற்கு அதிக நன்மை கிடைக்க உள்ளது. ஏற்கனவே பலமுறை கமல்ஹாசன் இந்த பொழுதுபோக்கு வரியை குறைக்க வேண்டும் என்று தமிழக அரசிடம் கொண்டுகோள் விடுத்து இருந்தார். தமிழக அரசின் இந்த முடிவிற்கு பல தயாரிப்பாளர்கள் மற்றும் விநியோகிஸ்தர்கள் தங்களது நன்றியை தெரிவித்து வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)