 "Chennai City Gangsters படம் எப்படி இருக்கு? திரை விமர்சனம்!")
விக்ரம் ராஜேஷ்வர் மற்றும் அருண் கேசவ் இயக்கத்தில் வைபவ், அதுல்யா, ஆனந்தராஜ், ஜான் விஜய், சுனில், ரெடின் கிங்ஸ்லி, லிவிங்ஸ்டன், ராஜேந்திரன் என ஒரு நடிகர் பட்டாளமே நடித்திருக்கும் படம் தான் சென்னை சிட்டி கேங்ஸ்டர்ஸ் (Chennai City Gangsters). நீண்ட நாட்களுக்கு முன்பே இந்த படம் வெளியாக இருந்த நிலையில், தாமதமாக தற்போது வெளியாகி உள்ளது. பாபி பாலச்சந்திரன் இந்த படத்தை தயாரிக்க, டிஜோ டாமி ஒளிப்பதிவு செய்துள்ளார். சுரேஷ் பிரசாத் படத்தொகுப்பை மேற்கொள்ள டி இமான் இசையமைத்துள்ளார்.
படத்தின் கதை
லிவிங்ஸ்டனிடம் அடியாட்களாக வேலை செய்யும் வைபவ் மற்றும் மணிகண்டன் ஒரு போலியான கொல்லையில் ஈடுபடும் போது பணத்தை தொலைத்து விடுகின்றனர். இந்த பணத்தை உரிய நேரத்தில் கொடுக்காவிட்டால் லிவிங்ஸ்டன் குடும்பத்திற்கு பெரும் ஆபத்து ஏற்படும். அவரின் மகள் அதுல்யா ரவியை ஒருதலைப்பட்சமாக காதலிக்கிறார் வைபவ். இதனால் அந்த பணத்தை எப்படியாவது திருப்பிக் கொடுக்க வேண்டும் என்று ஆனந்தராஜ், மொட்டை ராஜேந்திரன், சுனில் ரெட்டி ஆகியோருடன் கூட்டணி சேருகிறார். இவர்கள் அனைவரும் சேர்ந்து ஒரு வங்கியை கொள்ளையடிக்க திட்டமிடுகின்றனர். இறுதியில் அவர்கள் முயற்சி வெற்றி பெற்றதா? தொலைந்த பணம் கிடைத்ததா இல்லையா? என்பதே சென்னை சிட்டி கேங்ஸ்டர்ஸ் (Chennai City Gangsters) படத்தின் கதை.
படத்தில் உள்ள ஒவ்வொரு கதாபாத்திரங்களும் வித்தியாசமாகவும் நன்றாகவும் எழுதப்பட்டிருந்தது. ஒவ்வொருவருக்கும் ஒவ்வொரு பிரச்சனை இருக்கும், அதனால் ஏற்படும் பிரச்சனைகளை காமெடி வடிவில் சொல்ல முயற்சித்து இருக்கின்றனர். ஆனால் அது எந்த ஒரு இடத்திலுமே எடுபடவில்லை. படம் முழுக்கவே நடிகர்கள் பட்டாலும் இருந்தாலும் சிரிப்பை வர வைப்பதற்கு மிகவும் சிரமப்படுகின்றனர். ஒரு சில இடங்களில் ரெடின் கிங்ஸ்லே மற்றும் ஆனந்த்ராஜின் காமெடிகள் நன்றாக ஒர்க் ஆகி இருந்தது. ஆனால் இது படம் முழுக்க இருந்து இருந்தால் இன்னும் கூடுதல் சிறப்பாக இருந்திருக்கும்.
வைபவ், அதுல்யா ரவி போன்றவர்கள் சுமாரான நடிப்பையே வெளிப்படுத்தி உள்ளனர். சாதாரண ஒரு கதையை எடுத்துக் கொண்டு அதில் முடிந்த அளவுக்கு காமெடி காட்சிகளை வைக்க ஒரு பேக்கேஜாக கொடுக்க முயற்சி செய்து இருக்கின்றனர் இயக்குனர் விக்ரம் ராஜேஷ்வர் மற்றும் அருண் கேசவ். எடுத்துக்கொண்ட கதை மற்றும் தேர்வு செய்யப்பட்ட நடிகர்கள் அனைத்தும் சிறப்பாக இருந்தாலும் மேக்கிங் மற்றும் காமெடி காட்சிகளில் இன்னும் கூடுதல் கவனம் செலுத்தி இருந்தால் சென்னை சிட்டி கேங்ஸ்டர்ஸ் (Chennai City Gangsters) இன்னும் ஒரு நல்ல படமாக வந்திருக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)