ஜன நாயகன் படத்தின் ரிலீஸ் தேதி அறிவிப்பு!! எப்போது தெரியுமா?

Jana Nayagan Movie Release Date Update : விஜய்யின் கடைசி படமான ஜன நாயகன் திரைப்படத்தின் அப்டேட் தற்போது வெளியாகியிருக்கிறது. இது குறித்த முழு தகவலை இங்கு பார்ப்போம் .

Jana Nayagan Movie Release Date Update : விஜய் நடிப்பில் வெளியாக இருக்கும் ஜன நாயகன் திரைப்படத்தின் ரிலீஸ் தேதி வெளியாகியிருக்கிறது.

பொங்கலுக்கு ரிலீஸ்!

விஜய்யின் 69வது மற்றும் கடைசி படமான ஜனநாயகன், அடுத்த ஆண்டு பொங்கலுக்கு வெளியாகும் என அறிவிப்பு வெளியாகியிருக்கிறது.

Adiyum othaiyum kalanthu vechu vidiya vidiya virundhu vecha.. #JanaNayaganPongal

09.01.2026 #JanaNayaganFromJan9#Thalapathy @actorvijay sir #HVinoth @thedeol @prakashraaj @menongautham #Priyamani @itsNarain @hegdepooja @_mamithabaiju @anirudhofficial @Jagadishbliss… pic.twitter.com/hIhBlFWVzg

— KVN Productions (@KvnProductions) March 24, 2025

இந்த ஆண்டு அக்டோபர் மாதம் படம் வெளியாகும் என எதிர்பார்க்கப்பட்ட நிலையில், படம் அடுத்த ஆண்டுக்கு தள்ளி போடப்பட்டிருப்பதை நினைத்து விஜய் ரசிகர்கள் வேதனை அடைந்துள்ளனர்.

கடைசி போக்கிரி பொங்கல்!!

நடிகர் விஜய்யின் படங்கள், ஏதேனும் ஒரு பண்டிகையை குறிவைத்து வெளியாவது வழக்கம். அப்படி தீபாவளி, பொங்கல் என ரிலீஸாகும் அவரது திரைப்படங்கள் அனைத்துமே நல்ல வசூலை பெற்றுள்ளது. அந்த லிஸ்டில் ஜன நாயகன் திரைப்படமும் இணைந்திருக்கிறது. இதில் சோகமான விஷயம் என்னவென்றால், இதுதான் விஜய்யின் கடைசி படமாகும்.

அரசியல் த்ரில்லர்!

விஜய் ஓராண்டிற்கு முன்னர், தமிழக வெற்றிக்கழகம் எனும் பெயரில் அரசியல் கட்சி ஒன்றினை தொடங்கி, இப்போது நடிகர் விஜய் என்பதற்கு பதிலாக ‘தவெக தலைவர் விஜய்’ எனும் பட்டத்துடன் வலம் வருகிறார். கூடவே, இவரை அனைவரும் தளபதி எனும் அன்புடன் அழைத்து வருவதும் இன்னும் மாறவில்லை. இந்த நிலையில், அரசியலில் முழு நேரமாக இறங்கும் முன்னர், அவருக்கு கடைசி படமாக அமைந்திருக்கும் ஜன நாயகன் ஒரு அரசியல் த்ரில்லர் கதையை பின்புலமாக கொண்ட கதையாக இருக்கும் என கூறப்படுகிறது.

இதுவரை வெகு சில படங்களையே இயக்கி இருந்தாலும், இயக்கிய அனைத்து படங்கள் மூலமாகவும் ஹிட் கொடுத்தவர் ஹெச்.வினோத். அவர்தான் விஜய்யின் கடைசி திரைப்படத்திற்கு இயக்குநராகவும் அமைந்து விட்டார். தெலுங்கு திரைப்படங்களை தயாரித்து வரும் கே.வி.என் ப்ரொடக்‌ஷன்ஸ் நிறுவனம் முதல் முறையாக தயாரிக்கும் தமிழ் படம், ஜன நாயகன் என்பதும் குறிப்பிடத்தக்கது. 

யாரெல்லாம் நடிக்கிறார்கள்?

ஜன நாயகன் திரைப்படத்தில் விஜய்க்கு ஜோடியாக பூஜா ஹெக்டே நடித்துள்ளார். இது, விஜய்யுடன் அவர் நடிக்கும் இரண்டாவது திரைப்படமாகும். இருவரும் ஏற்கனவே பீஸ்ட் படத்தில் சேர்ந்து நடித்துள்ளனர். அது மட்டுமன்றி மலையாளத்தில் பிரபல நாயகியாக விளங்கும் மமிதா பைஜூ இதில் முக்கிய கதாப்பாத்திரமாக நடிக்கிறார். கூடவே, பாபி டியோ வில்லனாக வருகிறார். நரேன், பிரியாமணி உள்ளிட்ட சிலர் முக்கிய கதாப்பாத்திரங்களில் நடித்து வருகின்றனர்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!