 "புகழ் நடித்துள்ள Mr Zoo Keeper படம் எப்படி இருக்கு? திரைவிமர்சனம்!")
இயக்குனர் மற்றும் எழுத்தாளர் சுரேஷ் இயக்கத்தில் 'குக்கு வித் கோமாளி' புகழ் கதாநாயகனாக அறிமுகமாகும் படம் தான் Mr Zoo Keeper (மிஸ்டர் ஜூகீப்பர்). பலத்த எதிர்பார்ப்புகளுக்கு மத்தியில் இந்த படம் தற்போது திரையரங்குகளில் வெளியாகியுள்ளது. ஜே.சுரேஷ் இயக்கத்தில் ஒரிஜினல் புலியுடன் படமாக்கப்பட்ட இந்த படத்தில் விஜய் டிவி புகழ், ஷிரின் காஞ்ச்வாலா, சிங்கம்புலி, மாரிமுத்து மற்றும் பலர் நடித்துள்ளனர். படத்தின் திரைவிமர்சனத்தை பற்றி பார்ப்போம்.
படத்தின் கதை
கிராமத்தைச் சேர்ந்த நாயகன் புகழ், வேலை தேடி பிலிப்பைன்ஸ் செல்கிறார். அங்கே ஒரு கடத்தல் கும்பலிடம் இருந்து தப்பிக்கும் முயற்சியில், ஒரு பெரிய மிருகக்காட்சிசாலைக்குள் நுழைந்து, அங்கே உள்ள ஒரு புலியுடன் மாட்டிக்கொள்கிறார். அந்த புலியுடன் ஏற்படும் அவரது நட்பு, விலங்குகளை வேட்டையாடும் சர்வதேச கும்பலை அவர் எப்படி எதிர்கொள்கிறார், விலங்குகள் பாதுகாப்பின் அவசியத்தை எப்படி உணர்த்துகிறார் என்பதே படத்தின் கதை.
The wildest ride of the year #MrZooKeeper is roaring into theatres on August 1, Worldwide
— Nikil Murukan (@onlynikil) July 27, 2025
Starring @pugazhoffl
Produced by #J4Studios #SRajarathinam and @Arockiadass_ads
A Grand Release by @E5Entofficial #JJayakrishnan #MrZooKeeperFromAug1@JSureshDirector @thisisysr… pic.twitter.com/aq7XUeZbkD
நடிகர்கள் மற்றும் தொழில்நுட்பக்குழு
படத்தின் மிகப்பெரிய மற்றும் பாராட்டப்பட வேண்டிய அம்சம், அதன் மைய கரு தான். விலங்குகள் பாதுகாப்பு மற்றும் காடுகளை அழிப்பதால் ஏற்படும் பாதிப்புகள் குறித்து பேசும் படத்தின் நோக்கம் மிகவும் பாராட்டக்குறியது மற்றும் அவசியமானது. கிராபிக்ஸ் காட்சிகளை வைக்காமல், நிஜமான புலியுடன் படப்பிடிப்பை நடத்தியிருப்பது, படக்குழுவின் கடின உழைப்பையும், தைரியத்தையும் எடுத்து காட்டுகிறது. ஆனால், இந்த நல்ல நோக்கத்தை சரியான திரைக்கதை மூலம் கொண்டு சேர்க்க தவறியதே படத்தின் பெரும் பலவீனம்.
படம் ஆரம்ப காட்சி முதலே ஒரு ஆமை வேகத்தில் நகர்கிறது. ஒரு நல்ல கருத்தை சொல்லும்போது, அதை சுவாரஸ்யமாக சொல்லத் தவறியதால், பல காட்சிகள் ரசிகர்களுக்கு அயர்ச்சியை தருகின்றன. திரைக்கதை மிகவும் பலவீனமாக உள்ளது. அதே போல வசனங்கள், ஒரு குழந்தைக்கு பாடம் சொல்வது போல, திரும்ப திரும்ப ஒரே விஷயத்தைப் பேசி, படத்தின் தாக்கத்தைக் குறைக்கின்றன. கடத்தல், கொலை, சர்வதேச சதி என பல தீவிரமான விஷயங்கள் படத்தில் இருந்தாலும், அவற்றுக்கு தேவையான பதட்டமோ, விறுவிறுப்போ சிறிதும் இல்லை.
புகழ் தனது வழக்கமான நகைச்சுவையிலிருந்து விலகி, ஒரு சீரியஸான கதாபாத்திரத்தை செய்ய முயற்சித்துள்ளார். ஆனால், பலவீனமான கதை மற்றும் திரைக்கதையால் அவரது நடிப்பு முழுமையாக வெளிப்படவில்லை. மற்ற கதாபாத்திரங்களின் நடிப்பும் பெரிதாக ஈர்க்கவில்லை. படத்தின் படத்தொகுப்பும் ஒரு சீரான ஓட்டமின்றி, குழப்பமான அனுபவத்தைத் தருகிறது. ஒட்டுமொத்தமாக, 'மிஸ்டர் ஜூ கீப்பர்' படம், ஒரு நல்ல நோக்கத்தையும், ஒரு தைரியமான முயற்சியையும் கொண்டிருந்தாலும், அதை தாங்கிப் பிடிக்கும் அளவிற்கு வலுவான திரைக்கதை, விறுவிறுப்பான இயக்கம் மற்றும் அழுத்தமான நடிப்பு இல்லாததால் பெரிய தாக்கத்தை ஏற்படுத்தி தவறி உள்ளது. இருப்பினும் விலங்குகள் மீது அன்பு கொண்டவர்களுக்கும், குழந்தைகளுக்கும் படம் நிச்சயம் பிடிக்கலாம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)