 "கூலி படமும் அப்படிதான்.. ரஜினி சார் ஓகே சொன்னாங்களா? நாகார்ஜூனா சொன்ன ரகசியம்!")
Nagarjuna About Coolie: நடிகர் ரஜினிகாந்த் நடிப்பில் உருவாகி உள்ள திரைப்படம் கூலி. இப்படத்தை இயக்குநர் லோகேஷ் கனகராஜ் இயக்கி உள்ளார். கூலி படம் வரும் ஆகஸ்ட் மாதம் 14ஆம் தேதி வெளியாக தயாராகி வருகிறது. படத்தின் ப்ரெமோசன் வேலை சென்றுக்கொண்டிருக்கிறது. ரஜினிகாந்த்துக்கு வேட்டையன் திரைப்படம் பெரிய அளவில் ஹிட் ஆகாத்தால், கூலி படத்தின் மீது மிகப்பெரிய எதிர்பார்ப்பு உள்ளது. மேலும், லோகேஷ் கனகராஜ் படம் என்பதாலும் அதீத எதிர்பாப்பு உள்ளது.
பொதுவாக லோகேஷ் கனகராஜ் படம் என்றாலே ஆக்ஷன் காட்சிகள் நிறைந்ததாக இருக்கும். அந்த வகையில் இப்படத்திற்கு A சான்றிதழ் வழங்கப்பட்டுள்ளது. இதனால் இப்படத்தில் சண்டை காட்சிகள் படு பயங்கரமாக இருக்கும் என்பது உறுதி ஆகி உள்ளது. இந்த நிலையில், இப்படத்தின் ப்ரீ-ரிலீஸ் நிகழ்ச்சி சமீபத்தில் ஹைதராபாத்தில் மிக பிரம்மாண்டமாக நடைபெற்றது. இந்த நிகழ்ச்சியில், கூலி படத்தில் வில்லனாக நடித்திருக்கும் நாகார்ஜூனா பேசி உள்ளது கூடுதல் எதிர்பார்ப்பை ஏற்படுத்தி இருக்கிறது.
ரஜினிக்கு சமமாக இருக்கும்
நிகழ்ச்சியில் பேசிய அவர், எனக்கு லோகேஷின் கைதி மற்றும் விக்ரம் திரைப்படம் மிகவும் பிடிக்கும். அவரது திரைப்படத்தில் வில்லன் கதாபாத்திரம் ஹீரோவுக்கு இணையாக இருக்கும். குறிப்பாக விக்ரம் படத்தில் வில்லன்களுக்கு சரிசமமான கதாபாத்திரங்களை கொடுத்திருப்பார். கூலி படமும் அப்படிதான். ஹீரோவுக்கு இணையான ரோலை வில்லனுக்கு கொடுத்திருக்கிறார் இயக்குநர் லோகேஷ் கனகராஜ் என்றார்.
சார் ஓகே சொல்லிட்டாங்களா?
தொடர்ந்து பேசிய அவர், லோகேஷ் கனகராஜ் என்னிடம் கதை சென்னதும் என்ன கேட்ட முதல் கேள்வி, இதற்கு ரஜினிகாந்த் சார் ஒகே சொல்லிட்டாங்களா? என்பதுதான். ஏனென்றால், என்னுடைய கதாபாத்திரம் மிகவும் வலுவாக, ரஜினி சாருக்கு இணையான ஒரு கதாபாத்திரமாக இருந்தது. அதனால்தான் ரஜினி சார், இதற்கு ஓகே சொல்லிட்டாங்களானு கேட்டேன் என நடிகர் நாகார்ஜூனா தெரிவித்தார்.
கூலி படத்தில், ரஜினிகாந்த்துடன், சத்யராஜ், ஸ்ரூதிஹாசன், அமீர் கான், நாகார்ஜூனா, செளபின் சாஹிர், கன்னட நடிகர் உபேந்திரா உள்ளிட்ட பல பிரபலங்கள் நடித்துள்ளனர். அனிரூத் இசையமைத்துள்ளார். படத்தின் டிரெய்லரும் ஆகஸ்ட் 2ஆம் தேதி வெளியானது. படத்தில் ரஜினியின் தோற்றம், வில்லன்களின் தோற்றம் என அனைத்தும் ரசிகர்களை கவர்ந்தது. ஆனால் டிரெய்லரின் அனைத்தையும் காட்டிவிடக்கூடாது என்பதற்காக அதற்கேற்றவாறு டிரெய்லரை கட் செய்து இருக்கின்றனர். இதனால், படம் எப்படி இருக்கும் என்ற எதிர்பார்ப்பு மேலும் அதிகரித்துள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)