Coolie Chikitu Movie Video Song : அனிருத் ரவிச்சந்தர் இசையில் உருவாகியுள்ள கூலி படத்தின் சிகிட்டு பாடல் வெளியாகி இருக்கிறது. இதில் 4 பிரபலங்கள் இருக்கின்றனர்.
)
Coolie Chikitu Movie Video Song : லோகேஷ் கனகராஜ் இயக்கத்தில் உருவாகி இருக்கும் படம், கூலி. ரஜினிகாந்த் ஹீரோவாக நடித்திருக்கும் இந்த படத்தின் முதல் வீடியோ பாடல் வெளியாகி இருக்கிறது.
ரசிகர்களை கவர்ந்த Chikitu பாடல்:
Chikitu பாடல், ஜூன் 25ஆம் தேதியான இன்று வெளியாகும் என்று அறிவிக்கப்பட்டது. சொன்னது போலவே, படக்குழுவினர் பாடலை மாலை 6 மணியளவில் வெளியிட்டிருக்கின்றனர். அனிருத் இசையில் உருவாகி இருக்கும் இந்த பாடலை அறிவு எழுதி இருக்கிறார். அனிருத், அறிவு, டி.ராஜேந்தர் உள்ளிட்டோர் சேர்ந்து இந்த பாடலை பாடியிருக்கின்றனர்.
இந்த பாடல், வெளியான சில நிமிடங்களிலேயே பல மில்லியன் வியூஸ்களை கடந்துள்ளது. ரசிகர்கள், பாடல் செம வைப் ஆக இருப்பதாக தெரிவித்து இருக்கின்றனர். இந்த வீடியோ பாடலுக்கு இடையில் ரஜினி, படத்தில் ஆடும் வீடியோ க்ளிப்பிங்ஸும் இடம் பெற்றிருக்கிறது.
4 பிரபலங்கள்:
Chikitu பாடலின் ஒரிஜினல் வர்ஷனில், ரஜினிகாந்த்தான் நடனமாடுகிறார். ஆனால், இப்போது வெளியாகி இருக்கும் வீடியோ பாடலில் அனிருத்துடன் சேர்ந்து இன்னும் 3 பிரபலங்கள் ஆடுகின்றனர். பாடலை எழுதி பாடிய அறிவு மற்றும் டி.ராஜேந்தர், பாடலுக்கு நடன இயக்குனராக இருந்த சாண்டி மாஸ்டர் உள்ளிட்டோரும் இதில் நடனம் ஆடியிருக்கின்றனர். இந்த பாடல் தற்போது யூடியூப் தளத்தில் ட்ரெண்டிங்கில் இருக்கிறது.
கூலி திரைப்படம்:
கூலி திரைப்படம் மூலம், லோகேஷ் கனகராஜ்ஜும் ரஜினிகாந்தும் முதன் முறையாக கூட்டணி அமைத்திருக்கின்றனர். இந்த படத்தின் படப்பிடிப்பு சில வாரங்களுக்கு முன் நடந்து முடிந்தது. இதையடுத்து படத்தின் போஸ்ட் ப்ரொடக்ஷன் பணிகள் நடந்து வருகிறது. இந்த படத்தில் பிரபல பான் இந்திய நடிகர்கள் பலர் நடித்திருக்கின்றனர். மலையாள நடிகர் சௌபின் சாஹிர் தயாள் எனும் கதாப்பாத்திரத்திலும், கன்னட நடிகர் உப்பேந்திரா கலீஷா எனும் கதாப்பாத்திரத்திலும், நாகார்ஜுனா சைமன் எனும் கேரக்டரிலும், சத்யராஜ், ராஜசேகர் எனும் கதாப்பாத்திரத்திலும் நடித்துள்ளனர்.
ரஜினிகாந்த், இந்த படத்தில் தேவா எனும் பாத்திரத்தில் வருகிறார். அவருக்கு மகளாக பிரீத்தி எனும் கதாப்பாத்திரத்தில் ஸ்ருதிஹாசன் வருகிறார். எக்கச்சக்க நட்சத்திர பட்டாளங்களால் நிறைந்திருப்பதால் படத்தின் மீதான எதிர்பார்ப்பு ரசிகர்களுக்கு பெரிதாக மாறியுள்ளது. இந்த படத்தில் அமீர் கானும் கேமியோ ரோலில் வருகிறார். க்ளைமேக்ஸிற்கு கடைசி 10 நிமிடம் முன்பு இவரது கேரக்டர் வரும் என அவரே ஒரு நேர்காணலில் கூறியிருக்கிறார்.
எப்போது ரிலீஸ்?
கூலி திரைப்படத்தின் போஸ்ட் ப்ரொடக்ஷன் வேலைகள் கிட்டத்தட்ட முடியும் தருவாயில் இருப்பதாக கூறப்படுகிறது. படம், வரும் சுதந்திர தினத்தை ஒட்டி ஆகஸ்டு 14ஆம் தேதி வெளியாகிறது. இதனை பெரிய ஸ்கிரீனில் பார்க்க ரசிகர்கள் ஆர்வத்துடன் காத்துக்கொண்டுள்ளனர்.
ரஜினியின் அடுத்த மூவ்?
கூலி படத்தில் நடித்து முடித்த உடனே, ரஜினி ஜெயிலர் 2 திரைப்படத்தின் ஷூட்டிங்கில் இணைந்தார். இந்த படத்தை நெல்சன் திலீப்குமார் தயாரித்து வருகிறார். இதையடுத்து அவர் கொஞ்ச நாள் ஓய்வில் இருப்பாரா அல்லது வேறு எந்த படத்திலாவது கமிட் ஆவாரா என்பது குறித்து பொறுத்திருந்துதான் பார்க்க வேண்டும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
